Sign na makakapag-asawa ng lalaking responsable

ni Maestra Estrellia de Luna @Panaginip Gabay ng Buhay | Oct. 14, 2024

Analisahin natin ang panaginip na ipinadala ni Gilda ng Zambales.

Dear Maestra,

Napanaginipan ko na nasa loob ako ng church. Kumakanta ako ng mga awitin sa simbahan, at nag-take rin ako ng communion.

Ano ang ibig sabihin ng panaginip ko?

Naghihintay,

Gilda

---

Sa iyo, Gilda,

Ang ibig sabihin ng panaginip mo na nasa church ka at umaawit ka ay kaligayahan, kasaganahan at tagumpay sa buhay. Liligaya, sasagana at magtatagumpay ka na sa iyong mga hangarin. 

Isa pa, magiging mapalad ka rin pagdating sa pag-ibig. Tunay at wagas na pag-ibig ang ipaparanas sa iyo ng karelasyon mo. Pakakasalan ka niya at magiging responsible siyang asawa sa iyo. 

Samantala, ang nag-take ka ng communion ay nangangahulugan na lahat ng gumugulo sa isipan mo ngayon ay bigla na lamang mawawala. 

Matapat na sumasaiyo,

Maestra Estrellia de Luna

Kahulugan ng dinakip ng otoridad at kalmot ng pusa

ni Maestra Estrellia de Luna @Panaginip Gabay ng Buhay | Oct. 11, 2024

Analisahin natin ang panaginip na ipinadala ni Leonardo ng Taguig.

Dear Maestra,

Napanaginipan ko na dinakip ako ng mga pulis sa ‘di ko malamang dahilan. Kaya naman, kinalmot sila ng alaga kong pusa.

Ano ang ibig sabihin ng panaginip ko?

Naghihintay,

Leonardo

---

Sa iyo, Leonardo,

Ang ibig sabihin ng dinakip ka ng pulis at ‘di mo alam ang dahilan ay ‘di mauunawaan ng mga taong nasa paligid mo ang iyong pag-uugali. Kumbaga, mahihirapan silang intindihin ka. Ito rin ay babala na may paparating na problema sa buhay mo. 

Samantala ang kinalmot ng pusa ang mga dumakip sa iyo ay nangangahulugang ipagkakanulo ka ng mga kaibigan o mga kaanak mo. Ngayon mo rin makikita o mare-realize na hindi pala tunay ang ipinapakita nilang kabaitan sa iyo. Sa madaling salita, matatanto mo na ngayon na tinatraydor ka pa nila.

Kung ang pusa sa panaginip mo ay mga anak na kuting, ito ay senyales ng kaligayahan at pagiging kuntento sa buhay.

Matapat na sumasaiyo,

Maestra Estrellia de Luna

Kahulugan ng butones, kandila at baraha

ni Maestra Estrellia de Luna @Panaginip Gabay ng Buhay | Oct. 10, 2024

Analisahin natin ang panaginip na ipinadala ni Geraldine ng Tarlac.

Dear Maestra,

Napanaginipan ko na madalas akong mawalan ng butones. Ang isa ko pang napapanaginipan ay ang kandila at baraha. Ano ang ibig sabihin nito?

Naghihintay,

Geraldine

---

Sa iyo, Geraldine,

Ang ibig sabihin ng panaginip mo na nawalan ka ng butones ay may makakatanggap kang magandang balita.

Ang kandila naman ay nangangahulugan ng kasiyahan, lalo na kung hinipan mo ito, gaya ng pag-blow mo sa birthday cake.

Samantala, kung naglalaro ka ng baraha, ito ay nagpapahiwatig na mabibiyuda ka hanggang sa huling sandali ng buhay mo.

Kung hinuhulaan mo ang sarili mo sa pamamagitan ng baraha ito ay nangangahulugan na bigyang pansin mo ang mabuting sinasabi ng baraha, dahil maaaring magkatotoo ang kahulugan nito.

Matapat na sumasaiyo,

Maestra Estrellia de Luna