Kahulugan ng sanggol at teenager

ni Maestra Estrellia de Luna @Panaginip Gabay ng Buhay | Nov. 11, 2024

Analisahin po natin ang panaginip na ipinadala ni Gertrudes ng Zambales.

Dear Maestra,

Napanaginipan ko na bumalik ako sa pagiging sanggol, pero agad din naman akong naging teenager. 

Ano ang ibig ipahiwatig ng panaginip ko?

Naghihintay,

Gertrudes

---

Sa iyo, Gertrudes,

Ang ibig sabihin ng bumalik ka sa pagiging sanggol ay pangit na kapalaran.

Subalit, ang sabi mo ay ang naging teenager ka rin naman agad ay senyales na magiging masaya ka sa iyong kapaligiran, at mas dadami pa ang mga manliligaw mo ngayon. Isa pa, makakaranas ka rin ng kaligayahan habang bumubuo ka ng masayang pamilya. 

Matapat na sumasaiyo,

Maestra Estrellia de Luna

Sign na tatama sa lotto

ni Maestra Estrellia de Luna @Panaginip Gabay ng Buhay | Nov. 9, 2024

Analisahin natin ang panaginip na ipinadala ni David ng Sampaloc, Manila.

Dear Maestra,

Napanaginipan ko na pumunta ako sa farm at may nadaanan akong bulaklak ng lily at lilac.

Ano ang ibig sabihin ng panaginip ko?

Naghihintay,

David

---

Sa iyo, David,

Ang ipinahihiwatig ng lily ay magiging successful ka sa buhay. Susuwertehin ka rin sa negosyo at sa pag-aasawa. 

Ang lilac naman ay senyales ng kayamanan. Maaari kang tumama sa lotto o kaya naman ay may makatanggap ng mga ari-arian. 

Samantala, ang farm ay nangangahulugan ng good health. Kung may iniinda kang sakit ngayon, tiyak na ‘di rin iyan magtatagal. 

Matapat na sumasaiyo,

Maestra Estrellia de Luna

Kahulugan ng railroad, rabbit at kumunoy

ni Maestra Estrellia de Luna @Panaginip Gabay ng Buhay | Nov. 5, 2024

Analisahin natin ang panaginip na ipinadala ni Jethro ng Isabela.

Dear Maestra,

Napanaginipan ko na naglalakad ako malapit sa railroad. May nakita akong rabbit, kaya naman hinabol ko ito, at dahil sa kakahabol ko, muntik na akong mahulog sa kumunoy.

Ano ang ibig sabihin ng panaginip ko?

Naghihintay,

Jethro

---

Sa iyo, Jethro,

Ang ibig sabihin ng naglalakad ka malapit sa railroad ay paglalakbay at pagdating ng matalik mong kaibigan. 

Ang may nakita kang mga rabbit at hinabol mo ito ay nangangahulugang napapaligiran ka ng mga lihim mong kaaway. Pero maiiwasan mo ang mga ito kung mag-iingat at magiging mapagmatyag ka sa iyong paligid. Talasan mo ang iyong pakiramdam, dahil nariyan lang sa tabi-tabi ang mga kaaway mo.

Samantala, ang muntik ka na mahulog sa kumunoy ay babala na malalagay ka sa panganib dahil sa iyong pangit na ugali at pagiging mapagmataas. Kaya naman iwasan mong maging mayabang. 

Matapat na sumasaiyo,

Maestra Estrellia de Luna