400 K doses ng Sinovac, kukunin ng PAL sa China

ni Mary Gutierrez Almirañez | March 23, 2021

Lilipad na patungong Beijing, China ang Philippine Airlines (PAL) B777 mamayang gabi, Marso 23, para kunin ang 400,000 doses ng Sinovac COVID-19 vaccines at inaasahan na makakabalik ito sa Ninoy Aquino International Airport Terminal 2 bukas nang umaga, Marso 24.

Ayon pa sa PAL, "This will be a milestone flight for PAL as it marks the flag carrier's first airlift of COVID-19 vaccines to Manila from an international hub."

Sa huling tala ng Department of Health (DOH) ay umabot na sa 336,656 healthcare workers ang nabakunahan kontra COVID-19.

Matatandaang unang dumating sa bansa ang 600,000 doses ng Sinovac at sinundan ito ng 525,600 doses ng AstraZeneca mula sa COVAX facility.

Sa ngayon ay tuluy-tuloy ang operasyon ng 1,623 vaccination sites sa loob ng 17 rehiyon, ayon kay Health Undersecretary Maria Rosario Vergeire.

Bilang ng pasahero, lilimitahan, PAL magka-cancel ng mga flights

ni Ronalyn Seminiano Reonico | March 16, 2021

Ipinag-utos ng Civil Aeronautics Board (CAB) na limitahan sa 1,500 kada araw ang bilang ng mga pasahero, Pilipino man o banyaga, sa Ninoy Aquino International Airport (NAIA) simula sa Huwebes, March 18 hanggang April 18 dahil sa patuloy na pagtaas ng kaso ng COVID-19 sa bansa.

Pahayag ng CAB, “Airlines are also further advised to comply with the directives of the Bureau of Immigration on the kind of essential inbound travelers that will be allowed entry into the Philippines.

“Airline operating in NAIA that will exceed the allowed capacity will be meted with the appropriate penalty pursuant to Joint Memorandum Circular No. 2021-01 dated 08 January 2021, issued by the Manila International Airport Authority, Clark International Airport Corporation, Civil Aviation Authority of the Philippines, and the Civil Aeronautics Board.”

Pahayag naman ng Philippine Airlines (PAL), handa silang sumunod sa naturang direktiba ngunit ang mga naka-schedule nang flights sa March 18 ay itutuloy pa rin at sa mga susunod na araw na magsisimula ang limitadong bilang ng mga pasahero.

Saad pa ng PAL, “We will be announcing in due course any flight cancellations on other days for the rest of the period. “To comply with the restriction, airlines will need to cancel a number of international flights to and from Manila during the stated March 18 to April 19 period.”

Bagyong Auring, lalakas uli, flights kanselado

ni Ronalyn Seminiano Reonico | February 20, 2021

Kanselado ang ilang flights ngayong Sabado, February 20, dahil sa masamang panahong dulot ng Tropical Storm Auring na may international name na Dujuan, ayon sa Philippine Airlines (PAL).

Ang mga sumusunod na flights ang inanunsiyong kanselado sa araw na ito:

• PR2934/PR2935: Manila- Butuan- Manila

• PR2525/PR2526: Manila- Cagayan de Oro- Manila

• PR2361/PR2362: Cebu- Butuan- Cebu

• PR2363/PR2364: Cebu- Davao- Cebu

Kanselado na rin ang mga sumusunod na flights para bukas, Linggo, February 21:

• PR2519/PR2520: Manila- Cagayan de Oro- Manila

• PR2521/PR2522: Manila- Cagayan de Oro- Manila

• PR2525/PR2526: Manila- Cagayan de Oro- Manila

• PR2773/PR2774: Manila- Tagbilaran (Panglao)- Manila

• PR2934/PR2935: Manila- Butuan- Manila

• PR2985/PR2986: Manila- Tacloban- Manila

• PR2983/PR2984: Manila- Tacloban- Manila

• PR2971/PR2972: Manila- Siargao- Manila

• PR2886/PR2887: Manila- Ozamiz- Manila

• PR2313/PR2314: Cebu- Cagayan de Oro- Cebu

• PR2374/PR2375: Cebu- Siargao- Cebu

Samantala, inabisuhan na ng National Disaster Risk Reduction and Management Council (NDRRMC) ang publiko na maghanda at mag-ingat dahil maaari umanong mas lumakas pa ang Tropical Storm Auring.

Pahayag ni NDRRMC Executive Director and Undersecretary Ricardo Jalad, "Maaaring mas malala pa... Maaaring mas malakas ang kanyang idudulot. Nakita natin 'yan sa mga bagyong nagdaan, mas malakas.”

Itinaas din ng PAGASA ang Tropical Cyclone Wind Signal Number 1 sa sumusunod na lugar:

• Northern Samar,

• Eastern Samar,

• Samar,

• Biliran,

• Leyte,

• Southern Leyte,

• Cebu,

• Negros Oriental,

• Bohol,

• Siquijor

• Dinagat Islands,

• Surigao del Norte,

• Surigao del Sur,

• Agusan del Norte,

• Agusan del Sur,

• Davao Oriental,

• Davao de Oro,

• Davao del Norte,

• Davao City,

• Camiguin,

• Misamis Oriental,

• Misamis Occidental,

• Lanao del Norte,

• Bukidnon, at

• Lanao del Sur

Kahapon ay una nang naiulat ng PAGASA na mula sa severe tropical storm ay humina ito bilang tropical storm. Ngunit babala ng naturang ahensiya, maaari itong lumakas muli sa severe tropical storm habang papalapit sa eastern coast ng Caraga Region at inaasahang magla-landfall ito sa nasabing lugar sa Linggo nang umaga o hapon.