Anak, naiwan sa airport... Small Laude, dismayado sa kapalpakan ng PAL

ni Angela Fernando - Trainee @News | December 29, 2023

Hindi nga naitago ng vlogger na si Small Laude ang pagkadismaya matapos na maiwan ang anak na si Allison Laude sa airport dahil sa sinasabing kapalpakan ng Philippine Airlines (PAL) at naging pasya ng mga ito sa Canadian temporary passport ng kanyang anak.

Tinawagan daw ng PAL ang Japanese Embassy upang kumpirmahin ang requirements ng kanyang anak para sana sa kanilang bakasyon ngunit hindi raw positibo ang naging resulta dahil 'di raw puwede ang mga dokumento nito.

Ngunit sa napag-alaman nila, pinayagan namang makalipad ang anak ng kanyang kaibigan na may hawak namang US temporary passport kaya ganu'n na lang ang dalang stress sa kanila ng mga nangyari.

Saad n’ya, "My daughter got left behind because of PAL's wrong decision! It ruined our family vacation and it caused us so much stressed. Allison was in tears leaving the airport going back to the house."

Dagdag pa n’ya, "Allison was in tears leaving the airport going back to the house. The check-in manager said they called the Japanese Embassy that my daughter's Canadian temporary passport will not be allowed entry into Japan, but learned she did not call at all. We found out later it's allowed!!! PAL should be responsible with their decisions."

Wala pa namang linaw kung may aksiyon o tugon na ang PAL sa kasalukuyan.

Donasyong 400,000 doses ng Sinovac, dumating na sa ‘Pinas

ni Mary Gutierrez Almirañez | March 24, 2021

Lumapag na sa Ninoy Aquino International Airport (NAIA) ang eroplano ng Philippine Airlines (PAL) dala ang donasyong 400,000 doses ng Sinovac COVID-19 vaccines mula sa China ngayong Miyerkules, Marso 24, pasado 7:21 nang umaga.

Matatandaang ika-28 ng Pebrero nu’ng dumating sa bansa ang unang batch ng Sinovac na may 600,000 doses na kaagad ding ipinamahagi sa mga referral hospital upang masimulan ang vaccination rollout kinabukasan.

"Today we are happy to have the second batch," giit pa ni Chinese Ambassador to the Philippines Huang Xilian. "We hope we will contribute to speed up the mass vaccination in this country so that we will win over the war against the virus and recover the economy."

Kabilang sa mga sumalubong sa ikalawang batch ng Sinovac ay sina Department of Health Secretary Francisco Duque III, Vaccine Czar Carlito Galvez Jr. at Senator Bong Go.

Paliwanag pa ni Go, "This is another major milestone to us since the supply of vaccine is very limited and we have to inoculate 1.7 million medical frontliners and we have to meet our target this year in order to attain herd immunity."

Ngayong buwan ay inaasahan ding darating sa bansa ang biniling 1 milyong doses na bakuna mula sa China.

Kanselado ang ilang biyahe ng PAL ngayong araw, Marso 23, dahil sa mga restrictions ng IATF

ni Mary Gutierrez Almirañez | March 23, 2021

Kanselado ang ilang biyahe ng Philippine Airlines (PAL) ngayong araw, Marso 23, dahil sa mga restrictions na ipinatupad ng Inter-Agency Task Force on Infectious Diseases (IATF).

Kabilang sa kinanselang biyahe ang mga sumusunod:

• PR 507/508 Manila-Singapore-Manila

• PR 412/411 Manila-Osaka Kansai-Manila

• PR 890/891 Manila- Taipei- Manila

• PR 300/301 Manila- Hong Kong- Manila

• PR 428/427 Manila-Tokyo (Narita)- Manila

• PR 102/103 Manila-Los Angeles-Manila

• PR2039/2040 Manila - Caticlan - Manila (March 23-24; Ang mga pasahero ay ia-accommodate sa PR2041/2042 Manila - Caticlan - Manila March 23-24)

• PR1861 Manila - Cebu (March 23 to April 4; Ang mga pasahero ay ia-accommodate sa Manila - Cebu flights)

• PR1836 Cebu - Manila (March 23 to April 4; Ang mga pasahero ay ia-accommodate sa Cebu - Manila flights)