Tapos na ang pangarap ni Pacman sa Olympics

ni Gerard Arce @Sports | February 21, 2024

Magtatapos na ang pangarap ng nag-iisang eight division World champion na si Manny “Pacman” Pacquiao na matupad ang paglalaro sa Summer Olympic Games matapos itong hadlangan ng International Olympic Committee (IOC) dahil sa kanyang edad.

Naglabas ng isang liham ang IOC para sa Philippine Olympic Committee (POC) na naglalahad ng mensaheng pagtutol sa apila ng dating Senador na makakuha ng kwalipikasyon sa 2024 Paris Olympics, dulot ng limitasyon sa inilabas na 40-anyos na patakaran para makapaglaro sa Olympiad.

Hindi na maaari pang maipagpatuloy pa ng Filipino boxing legend ang kagustuhang makasuntok sa Olympiad dahil tumuntong na ito sa 45-anyos, kahit pa man sumabak ito sa isa sa mga kwalipikasyon na inilalabas ng IOC ay walang magiging katuparan.

“Too bad our beloved boxing icon is disqualified because of his age and that everyone needs to go through qualifiers, in all sports, to be able to participate in Paris,” paliwanag ni POC president Abraham “Bambol” Tolentino.

Tanging si 2020 Tokyo Olympics bronze medalist Eumir Felix Marcial ang natatanging boksingero sa kasalukuyan ang nakakuha ng pwesto sa Paris Games matapos itong magwagi ng pilak na medalya sa 19th Asian Games sa Hangzhou, China sa men’s light-heavyweight division.

Sinabi ni James McLeod, IOC Director para sa National Olympic Committee Relations, sa kanyang sulat na pinadala sa national Olympic body na hindi pinapayagan ang kahilingan ni Pacquiao na makasuntok sa Paris.

“The only valid boxing qualification system for Paris 2024 is the one approved by the IOC Executive Board in September 2022 published and distributed to NOCs and boxing national federations on 6 December 2022,” saad ni McLeod sa naturang liham.

“This includes the age limit of 40,” dagdag ni McLeod, kung saan hindi rin pumasa si Pacquiao sa ipinapalabas na Universality rule para sa Paris Olympics.

Coach Roach, nagsisi sa hindi naganap na Pacman-Spence Fight

ni GA - @Sports | April 30, 2022

Tila pinagsisihan ni world renowned Hall of Fame boxing trainer Freddie Roach na hindi nakalaban ng paboritong bata nitong si Manny “Pacman” Pacquiao si unified IBF/WBC/WBA (super) welterweight champion Errol “Truth” Spence, Jr. at sa halip ay si dating world champion Yordenis “54 Milagros” Ugas.

Hindi pa rin maalis sa isipan ng 62-anyos na pro trainer ang biglaang pagpapalit ng kalaban ng nag-iisang 8th division World champion noong Agosto 21, 2021 sa Vegas sa katauhan ni Ugas sa nalalabing dalawang linggo ng bakbakan matapos umatras si Spence, Jr. matapos operahan sa kanang mata.

Nagresulta sa hindi magandang pangyayari sa karera ni Pacman nang mabigong mabawi ang WBA (super) 147-pound title na natanggal sa kanya matapos ipag-utos ng Panama-based headquarters ang paghubad sa titulo nito dulot umano ng hindi pagdepensa rito kasunod na pagkakapanalo noong Hulyo 20, 2019 laban kay Keith Thurman. Natalo si Pacquiao sa bisa ng 12-round unanimous decision na nakitang dinomina nang husto ng dating 2008 Beijing Olympic bronze medalist mula Cuba. Nagretiro si Pacquiao matapos ang laban kay Ugas.

“I wish we had fought Spence instead of Ugas,” pahayag ni Roach sa panayam ng FightHype.com. “We ended up taking that fight on two days’ notice. There’s no way you can get ready for a big fight on two days’ notice. He has a long reach and a little bit awkward. I wish we would’ve waited for Spence to get healthy.”

Gayunpaman, hindi rin nagtagal ang paghahari ng 35-anyos na Cubano ng pasukuin ni Spence, Jr. sa kanilang unified title fight noong Abril 16 sa Texas sa bisa ng 10th round TKO. Dito nagbukas ang pintuan upang hamunin ni Spence, Jr. ang isa pang undefeated American boxer na si WBO 147-lb titlist Terence “Bud” Crawford na kasalukuyang free agent at walang promoter.

Pacquiao vs. Errol Spence, sa Agosto na

ni Ronalyn Seminiano Reonico | May 22, 2021

Muling sasabak sa ring ang Pambansang Kamao na si Manny Pacquiao laban sa unified welterweight world champion na si Errol Spence, Jr. sa Las Vegas sa Agosto.

Ang huling laban ni Pacquiao ay noon pang July, 2019 kontra kay Keith Thurman sa WBA welterweight title.

Ipinost ni Pacman sa kanyang Twitter account ang promotional poster kung saan mababasa ang: “Pacquiao vs Spence, August 21, 2021, Las Vegas, Nevada.”

Samantala, si Spence ay may record na 27-0, 21 KOs habang si Pacman naman ay 62-7-2, 39 KOs.