Walang ‘K’ maging lingkod-bayan, dapat umatras na sa pagkandidato

ni Pablo Hernandez @Prangkahan | Nov 7, 2024

SANA ALL NG NAG-FILE NG COC NA WALANG ‘K’ MAGING LINGKOD-BAYAN, TULARAN SI ION PEREZ NA NAG-WITHDRAW NG CANDIDACY -- Humanga ang publiko sa desisyon ni Showtime host Ion Perez, dyowa ni Vice Ganda sa pag-withdraw ng kandidatura sa pagka-konsehal ng Concepcion, Tarlac, dahil ayon sa kanya ay hindi pa siya handa na matawag na lingkod-bayan.

Sana all ng mga nagsipag-file ng candidacy na wala namang “K” matawag na lingkod-bayan, ay tularan si Ion Perez na umatras na sa pagtakbo sa May 2025 midterm election, period!

XXX

KUNG KAILAN KAILANGAN NI VP SARA NG KAKAMPI, TAGAPAGTANGGOL SAKA NAMAN INIWAN SIYA SA ERE NG KANYANG SPOKESMAN -- Marahil, ngayon napagtanto ni Vice President Sara Duterte-Carpio na nagkamali siya nang kunin niyang spokesman si Atty. Michael Poa kasi iniwan siya nito sa ere.

Sa panahon kasi na kailangan ni VP Sara ng tagapagtanggol sa mga atake sa kanya ng mga anti-Duterte politician ay saka ito sinabayan ng pagri-resign ni Poa, tsk!

XXX

IMBESTIGASYON NG KAMARA SA MAG-AMANG DUTERTE HALOS 3 BUWAN NA, IMBESTIGASYON SA MGA AGRI-SMUGGLER 3 ARAW LANG -- Sa Marcos administration, napakasuwerte ng mga agri-smuggler at minalas naman ang mag-amang ex-P-Duterte, VP Sara at ilang police officials.

Minalas ang mag-amang Duterte, pati ilang police officials dahil halos tatlong buwan na kasing “dinudurog” sa imbestigasyon ng Quad Committee si ex-P-Duterte sa isyung extrajudicial killings (EJK) at si VP Sara sa isyung confidential fund, at may mga police official pang kinontempt at ipinakulong.

At sinuwerte sa Marcos admin ang mga agri-smuggler na sina sina "Leah Cruz," “Gerry Teves”, "Paul Teves." "David Bangayan,” "Manuel Tan, " "Andrew Chang," "Jun Diamante," "Lujene Ang," "Beverly Peres," "Lucio Lim" at "Michael Ma" kasi tatlong araw lang yata sila inimbestigahan, tapos na, at isa man sa kanila walang ipinakulong ang mga cong., boom!

XXX

WORST TALAGA ANG NAIA DAHIL BAD NA ANG SERBISYO, NAGMAHAL PA NG MGA BAYARIN SA MGA SERVICE FEE AT PARKING FEE -- Muling itinala ng Compare the Market firm na nakabase sa Australia ang Ninoy Aquino International Airport (NAIA) bilang pinaka-worst na paliparan sa buong mundo dahil sa hindi magandang serbisyo nito sa mga mananakay ng eroplano.

Aba’y maitatala talagang worst ang NAIA, kasi bukod sa pangit na serbisyo nito ay nagmahal pa ang mga bayarin dito tulad ng mga service fee at parking fee, boom!

PBBM, trauma na sa bagyo dahil sa 5K flood control project

ni Pablo Hernandez @Prangkahan | Nov 7, 2024

NAOBLIGA NA ANG PSA NA AMINING TUMAAS ANG INFLATION RATE DAHIL HINDI NA MAITATANGGI ANG MATAAS NA PRESYO NG BILIHIN AT BAYARIN SA ‘PINAS -- Sa mga nakalipas na buwan ay panay ang pabida ng Philippine Statistics Authority (PSA) na mababa ang presyo ng mga bilihin at bayarin. Pero kamakalawa ay mismong PSA na ang nag-anunsyo na tumaas ng 2.3% ang inflation rate nitong nakalipas na Oktubre 2024.

Obligado na kasi ang PSA na amining tumaas ang inflation rate dahil hindi na maitatanggi na ubod na nang taas ang presyo ng mga bilihin at bayarin sa Pilipinas, period!

XXX

PALUBOG ANG ‘PINAS SA BAGONG PILIPINAS NG MARCOS ADMIN -- Sa loob ng isang linggo ay pulos bad news ang naibalita sa Pilipinas.

Noong October 30, 2024 ay inanunsyo ng Bureau of Treasury (BOT) na pumalo na sa P15.89 trillion ang utang ng Pilipinas, nasundan ito ng inilabas na data ng economic researcher na Moody’s Analytics nitong Nobyermbre 4 na nakabase sa Amerika na bumagal o humina raw ang ekonomiya ng Pilipinas sa ikatlong quarter ng year 2024 at ang latest nga ay ang pagtaas ng inflation rate sa bansa.

Ibig sabihin niyan, na sa Bagong Pilipinas ng Marcos administration ay palubog ang ‘Pinas, boom!

XXX

IBINIDANG 5K FLOOD CONTROL PROJECTS NI PBBM SA KANYANG SONA, FAKE NEWS? – Sa State of the Nation Address (SONA) ni Pres. Bongbong Marcos (PBBM) noong July 22, 2024 ay ibinida nito na higit 5,000 flood control project daw ang natapos na ng kanyang pamahalaan. Ang masaklap makalipas lang ang dalawang araw matapos niyang ibida ito (flood control projects), ay binaha ang Metro Manila at mga karatig lalawigan dulot ng Bagyong Carina at pagkaraan niyan, lahat ng bagyong pumasok sa bansa ay nagdudulot ito ng pagbaha, at ang latest ay ang magkasunod na Bagyong Kristine at Leon na nagpabaha sa Bicol Region, Southern Tagalog Region, Ilocos Region at Cordillera Region at Visayas Region.

Ang nais nating ipunto rito, na kung totoong may natapos ng higit 5,000 flood control projects ang Marcos admin, bahain man ay hindi naman siguro makaranas ng lagpas-tao, lagpas-bahay na baha ang mamamayan, kaya’t malamang iyang ibinida ni PBBM na libu-libong flood control projects ng kanyang pamahalaan ay walang katotohanan, na ‘ika nga, fake news, period!

XXX

BAGYO, KINATATAKUTAN NI PBBM KASI KAPAG BUMAHA, NABABATIKOS SIYA SA IBINIDA NIYANG 5K FLOOD CONTROL PROJECTS -- Sa totoo lang, ang isa sa mga kinatatakutan ni PBBM ay bagyo.

Kasi kapag may pumasok na bagyo sa bansa na nagdulot ng pagbaha, napuputakti siya ng batikos dahil sa ibinida niyang 5,000 flood control projects.

Next time kasi, huwag magbida kung wala naman talagang natapos na 5,000 flood control projects para iwas-batikos sa mga mamamayang nalubog sa baha, boom!

Ekonomiya ng ‘Pinas lumago raw, pang-uunggoy lang sa publiko

ni Pablo Hernandez @Prangkahan | Nov 6, 2024

PANG-UUNGGOY LANG PALA SA PUBLIKO NA LUMAGO ANG EKONOMIYA NG ‘PINAS DAHIL MISMONG MOODY’S ANALYTICS NA NAGSABING BUMAGAL ANG EKONOMIYA NG BANSA -- Base sa data ng economic researcher na Moody’s Analytics na nakabase sa Amerika ay bumagal daw ang ekonomiya ng Pilipinas sa ikatlong quarter ng year 2024.

Ayan ha, Moody’s Analytics na nagsabi niyan, kaya ibig sabihin, pang-uunggoy lang sa publiko ang ibinibida ng Marcos administration na malago na ang ekonomiya ng ‘Pinas, boom!

XXX

SANA ALL NG MAYOR TULAD NG DUTERTE NG DAVAO CITY AT MAGALONG NG BAGUIO CITY PARA ‘PINAS MAIDEKLARANG CLEANEST COUNTRY -- Kung rank number 2 ang Davao City sa cleanest city sa Southeast Asia, rank number 5 naman ang Baguio City, base iyan sa inilabas na data ng Numbeo Pollution Index para sa year 2024.

Kung ang lahat ng alkalde ng mga lungsod at munisipalidad ng Pilipinas ay tulad ng Duterte ng Davao City at Mayor Benjamin Magalong ng Baguio City, aba’y baka dumating ang panahon na maglabas ng data ang Numbeo Pollution Index na ang ‘Pinas ang cleanest country sa buong mundo, period!

XXX

NOONG PRESIDENTE PA SI EX-P-DUTERTE, ANTI-ICC SINA CHIZ AT KOKO, PERO NGAYON, PRO-ICC NA SILA -- Sinabi nina Senate President Chiz Escudero at Senate Minority Leader Koko Pimentel na accessible o available sa publiko, maging sa International Criminal Court (ICC) ang mga naging statement ni ex-P-Duterte sa nakaraang Senate probe sa extrajudicial killings (EJK) ng nakaraang Duterte administration.

Noong si ex-P-Duterte pa ang presidente ng bansa, kabilang sina Sen. Escudero at Sen. Pimentel sa mga nagsasabing hindi puwedeng pumasok sa Pilipinas ang mga taga-ICC para mag-imbestiga at kumuha ng mga ebidensya tungkol sa EJK kasi wala na raw jurisdiction sa ‘Pinas ang ICC, pero ngayon iba na ang tono nila, dahil payag na silang magbigay ng ebidensya sa ICC laban sa ex-president.

Ang nais nating ipunto rito, dati anti-ICC sina SP Escudero at Sen. Pimentel, pero ngayon pro-ICC na, boom!

XXX 

PARANG ‘DI NAMAN BUMAGSAK ANG RATING NI VP SARA, PARA NGANG MAS DUMAMI PA ANG TAGASUPORTA SA SOCIAL MEDIA -- Sa totoo lang, parang kuwestyonable ang survey ng OCTA Research na bumagsak rating ni Vice President Sara Duterte-Carpio.

Kung pagbabasehan ang dami ng tagasuporta ni VP Sara sa social media, parang hindi naman bumagsak ang kanyang rating, at sa halip parang dumami pa ang kanyang tagasuporta, period!