Hindi lang confi funds ni VP Sara ang imbestigahan, dapat pati intel funds ng 3 general

ni Pablo Hernandez @Prangkahan | Nov 13, 2024

MGA ANTI-DUTERTE POLITICIAN ANG UMAATAKE KAY VP SARA, KAYA NIYA NASABING ‘POLITICALLY MOTIVATED’ MGA BANAT SA KANYA -- Nitong nakalipas na Nobyembre 11, 2024, habang tinitirya uli ng mga kongresistang miyembro ng House Committee on Good Government and Public Accountability ang anila ay maling paggasta ni Vice President, and former Dept. of Education (DepEd) Sec. Sara Duterte-Carpio sa mga naging confidential fund niya sa Office of the Vice President (OVP) at DepEd, ay sinabayan ito ng bise presidente ng presscon, at ayon sa kanya ay politically motivated ang House hearing para siraan siya sa publiko.

May punto si VP Sara sa sinabi niyang politically motivated ang mga atake sa kanya kasi nga mga anti-Duterte politician ang nag-iimbestiga sa kanyang naging confidential funds, period!

XXX

DAPAT HINDI LANG SA CONFI FUND NI VP SARA MAGPOKUS ANG MGA CONG., IMBESTIGAHAN DIN NILA ANG INTEL FUNDS NG 3 POLICE GENERAL -- Hilig din lang ng mga kongresista na mag-imbestiga sa confidential fund, dapat imbestigahan din ng Quad Committee kung nagagamit sa tama ang mga intelligence funds nina PNP Chief Gen. Rommel Marbil, PNP-Region 3 Director, Brig. Gen. Redrico Maranan at PNP-Region 4-A Director, Brig. Gen. Kenneth Lucas.

Ginagamit na kasi sa protection racket nina alyas "Parax" at "Parak" sa Central Luzon, nina "Rico" at "Jong" sa Southern Tagalog region ang kanilang mga pangalan, hindi pa nila alam.

Kung nagagamit sa tama ng tatlong police general ang kanilang intel funds, dapat ipinahuli na nila ang mga taong ito na patuloy namang gumagamit sa kanilang mga pangalan sa protection racket, boom!

XXX

BAKA NAMAN PABIDA LANG NI CONG. KHONGHUN NA HANDA SIYANG MAGPATADYAK KAY EX-P-DUTERTE -- Matapos magbanta si ex-P-Duterte na sisipain niya ang mga cong. na magpipilit sa kanyang dumalo sa imbestigasyon ng QuadComm ng Kamara tungkol sa extrajudicial killings (EJK), sinabi ni Zambales Rep. Jay Khonghun ay handa raw siyang magpasipa sa ex-president basta’t dumalo lang ito sa House probe.

Baka naman pabida lang niya iyan, na kapag dumalo si ex-P-Duterte sa EJK hearing ay umabsent siya sa QuadComm probe para makaiwas sa tadyak ng ex-president, abangan!

XXX

MASYADONG HALATAIN NA IBINABANDERA NG RPMD KANDIDATURA NI ABALOS DAHIL IBINIDA PANG TOP PERFORMING CABINET SEC. DAW KAHIT ‘DI NA KALIHIM NG DILG -- Masyado namang halatain na pang-press release lang pabor kay former Dept. of the Interior and Local Gov’t. (DILG) Secretary, senatorial candidate Benhur Abalos ang inilabas na survey ng RPMD Foundation tungkol sa mga top performing Cabinet official ng Marcos admin.

Mantakin n’yo, hindi na DILG sec. si Abalos, pero siya pa ang ibinandera ng RPMD survey firm na top performing Cabinet secretary na may rating na 95.8%, tsk!

Political dynasty, hangga’t namamayani sa ‘Pinas, ginhawa ‘di makakamtan ng mga Pinoy

ni Pablo Hernandez @Prangkahan | Nov 10, 2024

PARANG MGA ‘SIRANG PLAKA’ ANG MAGPINSANG PBBM AT SPEAKER ROMUALDEZ -- Tulad ni Pres. Bongbong Marcos (PBBM), parang “sirang plaka” rin ang pinsan niyang si House Speaker Martin Romualdez.

Nang ipag-utos ni PBBM sa kanyang State of the Nation Address (SONA) noong July 22, 2024, ang pag-ban sa Philippine Offshore Gaming Operators (POGO) sa bansa, ang sabi ni Speaker Romualdez ay suportado raw niya ang pagbabawal ng Presidente sa POGO, at nitong Nov. 8, 2024 nang ipag-utos uli ng Pangulo ang pag-ban sa POGO, ang sabi na naman ng House speaker ay suportado niya ang pag-ban sa POGO.

Magpinsan nga sila, pareho silang parang mga “sirang plaka” sa paulit-ulit na statement tungkol sa POGO, boom!

XXX

HANGGA’T NAMAMAYANI ANG POLITICAL DYNASTY, HINDI MAKAKAMTAN NG MGA PINOY ANG KAGINHAWAAN SA ‘PINAS -- Sa kada halalan ay parami nang parami ang mga “Kamag-anak Inc.” na sabayang kumakandidato, at dahil tanyag ang kanilang mga apelyido, nagtatagumpay silang lahat na magwagi sa eleksyon dahil ang buong angkan ng mga pulitiko ang ibinoboto ng majority Pinoy.

Next year ay midterm election na naman, at kung mamamayani na naman ang political dynasty sa halalan, wala na talagang pag-asa ang mga Pilipino na makamtan pa ang kaginhawaan ng buhay sa Pilipinas, period!

XXX

QUAD COMMITTEE MEMBERS, NASINDAK KAY EX-P-DUTERTE? -- Hanggang ngayon ay wala pang reaksyon ang mga kongresistang anti-Duterte sa sinabi ni ex-P-Duterte na hindi siya natatakot sa mga miyembro ng Quad Committee ng Kamara at sa banta ng ex-president na pagsisipain daw niya ang mga cong. kapag pina-contempt siya.

Dahil wala pang reaksyon ang mga anti-Duterte politician, lumalabas ngayon na tila nasindak sila sa mga sinabi ng dating presidente na makakatikim sila ng tadyak mula rito kapag pina-contempt nila ito dahil sa hindi pagdalo sa QuadComm hearing sa Kamara, boom!

XXX

LALABAS NA WALANG ISANG SALITA ANG PRESIDENTE NG ‘PINAS KAPAG PINAG-MEMBER ULI NI PBBM ANG BANSA SA ICC -- Iminungkahi ni Sen. Koko Pimentel kay PBBM na ibalik o sumapi uli ang Pilipinas sa International Criminal Court (ICC).

Kaya kapag nahimok si PBBM na bumalik ang ‘Pinas bilang miyembro ng ICC ay tiyak makakatikim na naman siya ng pamba-bash sa publiko kasi lalabas na wala siyang isang salita dahil sinabi na niya noon na kailanman ay hindi na babalik sa kontrol ng ICC ang bansa, period!

Ex-P-Duterte, may ‘balls’ pa ring harapin ang mga cong. na nambu-‘bully’

ni Pablo Hernandez @Prangkahan | Nov 11, 2024

KAHIT MAY EDAD NA, MAY ‘BALLS’ PA RIN SI EX-P-DUTERTE NA HARAPIN ANG MGA CONG. NA MEMBER NG QUAD COMMITTEE -- Niresbakan ni ex-P-Duterte ang mga kongresistang nagsabing naduwag daw siyang humarap sa extrajudicial killings (EJK) probe, kasi ayon sa ex-president ay hindi raw siya natatakot sa mga miyembro ng Quad Committee ng Kamara, at kapag ipina-contempt daw siya at nakaharap ang mga cong. ay pagsisipain daw niya ang mga ito.

Patunay iyan na kahit may edad na, may “balls” pa rin si ex-P-Duterte na harapin ang mga cong. na nambu-“bully” sa kanya, boom!

XXX

KAHIT GINIGIBA NG QUAD COMMITTEE SI SEN. BONG GO, SA LAHAT NG SURVEY LAGI SIYANG PASOK SA TOP 12 -- Dahil sa pagiging malapit niya kay ex-P-Duterte ay kabilang si Sen. Bong Go sa “ginigiba” ng QuadComm ng Kamara, pero kahit patuloy siyang inaatake ng mga anti-Duterte politician ay nag-rank 4 pa rin ang senador sa naging resulta ng survey sa social media ng Pinoy History website na isinapubliko nitong nakalipas na Nov. 4, 2024.

Maging sa mga senatorial survey ng SWS, Pulse Asia, OCTA, Publicus, Tangere at iba pang survey firms, laging pasok sa top 12 si Sen. Bong Go, kundi nasa rank 3 siya ay nasa rank 4, 5 at 6.

Dalawa lang ang ibig sabihin niyan, nakikita ng mamamayan na epektibo siyang senador at hindi naniniwala ang sambayanan sa mga paninira kay Sen. Bong Go, period!

XXX

PARANG ‘SIRANG PLAKA’ SI PBBM, PAULIT-ULIT ANG UTOS NA PAGBA-BAN SA MGA POGO -- Sa kanyang State of the Nation Address (SONA) noong July 22, 2024 ay ipinag-utos ni Pres. Bongbong Marcos (PBBM) ang pagba-ban sa Philippine Offshore Gaming Operators (POGO) sa bansa, at kamakalawa ay ipinag-utos na naman ng presidente ang pagba-ban sa POGO.

Sa mga naging presidente ng ‘Pinas, si PBBM lang ang parang “sirang plaka,” paulit-ulit ang utos, boom!

XXX

NCRPO GEN. HERNIA AT ACG GEN. CARIAGA DAPAT TULUYAN NANG SIBAKIN, HUWAG NANG PABALIKIN SA MGA PUWESTO -- Dahil sa palpak na raid sa isang Business Process Outsourcing (BPO) na pinagsuspetsahang POGO hub at sa isyung extortion ng mga parak, pinatawan ni PNP Chief Gen. Rommel Marbil ng 10-araw na sibak sa puwesto sina National Capital Regional Police Office (NCRPO) Director, Maj. Gen. Sidney Hernia at Anti-Cybercrime Group (ACG) Director, Maj. Gen. Ronnie Cariaga.

Ang ibig bang sabihin ng 10-araw na sibak at pagkalipas nito ay balik sila sa mga dating puwesto sa NCRPO at ACG? Aba’y mali ‘yan!

Ang dapat gawin ni Gen. Marbil ay huwag nang pabalikin sa kanilang puwesto sina Gen. Hernia at Gen. Cariaga. Dapat tuluyan na silang sibakin sa kanilang mga posisyon sa NCRPO at ACG, period!