'Pork' nakaktulo laway, kaya magkakamag-anak, sikat at re-electionists, join sa eleksyon

ni Pablo Hernandez @Prangkahan | August 7, 2024

MALAMANG TANGGALAN NI PCSO GM MEL ROBLES NG PRANGKISA ANG MGA STL-OPERATOR NA HINDI PINAG-MEMBER SA SSS, PHILHEALTH AT PAG-IBIG ANG KANILANG MGA KABO AT KUBRADOR -- May impormasyon na ang mga Small-Town Lottery (STL) operators sa Caloocan City, Marikina City, Rizal, Cavite, Pangasinan, Iloilo, at Oriental Mindoro na iyong mga STL personnel nila, partikular ang mga kabo at kubrador, ay hindi nila ginawang miyembro ng Social Security System, PhilHealth at Pag-IBIG.

Naku, eh, kapag nalaman ni Philippine Charity Sweepstakes Office (PCSO) General Manager Mel Robles na hindi sinusunod ng mga STL operator na ito ang kautusan ng PCSO na dapat gawing miyembro sa SSS, PhilHealth at Pag-IBIG ang mga STL kabo at kubrador, malamang tanggalan sila ng prangkisa ni GM Robles, abangan!

XXX

JUETENG SA GAPO, DAPAT PAIMBESTIGAHAN NI OLONGAPO CITY REP. JAY KHONGHUN -- Dati ay legal na STL ang nag-o-operate sa Olongapo City, pero nawala na ito at ang pumalit ay ang jueteng ni “Aging Malabon.”

Aba’y dapat imbestigahan ito ni Olongapo City Rep. Jay Khonghun sa Kamara kung bakit ang jueteng na hindi nagbabayad ng tax sa gobyerno ang namamayagpag ngayon sa lungsod at nawala ang STL na nagbabayad ng buwis sa pamahalaan, period!

XXX

DPWH SEC. DAPAT MAGPAKITA NG TAPANG, PORK BARREL NG MGA SEN. AT CONG. GAMITIN NIYA SA FLOOD CONTROL PROJECT -- Isa sa idinadahilan ni Sec. Manuel Bonoan ng Dept. of Public Works and Highways (DPWH) ay kaya raw binabaha ang Metro Manila at mga karatig lalawigan ay dahil kapos ang pondo nila sa flood control project.

Kung kinakapos sa pondo para sa flood control project, aba’y alang-alang sa kapakanan ng mamamayan ay dapat magpakita siya ng tapang laban sa mga pork barrel politician.

Ang nais nating ipunto rito ay iyong P176 billion na isiningit ng mga mambabatas sa budget ng DPWH para sa pork barrel projects ng mga senador at kongresista, pakialaman na niya iyan, gamitin na niya ang perang iyan ng bayan para pangpondo sa flood control project, boom!

XXX

NAKAKATULO LAWAY ANG ‘PORK’, KAYA DAMING MAGKAKAMAG-ANAK, SIKAT AT RE-ELECTIONISTS NA LALAHOK SA SENATORIAL AT CONGRESSIONAL ELECTIONS -- Sina former Sec. Ping Lacson at  Zy-Za Suzara, executive director ng Institute for Leadership, Empowerment and Democracy (LEAD) ang nagsabi na pork barrel iyang P176-B na isiningit sa budget ng DPWH, at dahil tuloy pa rin ang pork barrel sa kabila na ipinagbabawal na ito ng Supreme Court (SC) kung kaya binatikos ni Baguio City Mayor Benjamin Magalong ang mga pork barrel politician.

Hay naku, iyang nakakalulang bilyun-bilyong pisong pork barrel yata ang dahilan kaya maraming magkakamag-anak, mga sikat na personalidad at re-electionists ang lalahok sa senatorial at congressional elections sa May 2025, kasi sa totoo lang, ‘nakakatulo laway’ talaga iyang “pork,” he-he-he!

Pagtalaga ni ex-P-Duterte kay Sen. Padilla bilang PDP president sablay?

ni Pablo Hernandez @Prangkahan | August 6, 2024

MAY MGA NAKULONG NA NGA SA PORK BARREL, AYAW PA RIN ITONG TANTANAN NG MGA SEN. AT CONG. -- Ang hininging budget ng Dept. of Public Works and Highways (DPWH) last year (2023) para ngayong year 2024 ay P821.1 bilyon at wala isa man sa mga lawmaker na senador, district congressmen at partylist representatives ang tumutol dito, at sa closed-door bicameral committee conference meeting ng mga sen. at cong. ay siningitan o dinagdagan pa nila ito ng P176-B, kaya sa interview at tanong noon ni Radyo 5 host Ted Failon kay DPWH Sec. Manuel Bonoan, kung para saan ang idinagdag na P176-B ay kandautal at walang maisagot ang kalihim.

At sa panayam ni Failon kina former Sen. Ping Lacson at Zy-Za Suzara, executive director ng Institute for Leadership, Empowerment and Democracy (LEAD) ay iisa ang sagot nila, na itong idinagdag ng mga lawmaker na P176-B sa budget ng DPWH ay pork barrel.

Hay naku, may mga politician na ngang nakasuhan at nakulong d’yan sa pork barrel, pero itong mga sen. at cong., ayaw pa rin lubayan ang pork barrel, tsk!

XXX

PAGTALAGA KAY SEN. PADILLA BILANG PDP PRESIDENT, SABLAY? -- Matapos hamunin ni Partido Demokratiko ng Pilipinas (PDP) Pres., Sen. Robin Padilla ang kapartido niyang si Sen. Francis Tolentino, ang ginawa nito (Tolentino) ay tinanggap ang hamon, nag-resign siya sa PDP.

Naku, sablay yata ang pagkakatalaga ni ex-P-Duterte kay Sen. Padilla bilang PDP president kasi bilang bagong lider ng kanilang partido ay dapat pinakikiusapan nito ang mga miyembro na manatili sa kanilang political party, pero ang ginawa hinahamong mag-resign, kaya kung hindi babaguhin ng PDP president ang style niyang ito ay baka kalaunan ay silang dalawa na lang ng “Tatay Digong” niya ang matira sa PDP, boom!

XXX

NAGPABIDA PA SI PBBM PERO HINDI NAMAN PALA KAYANG IPA-STOP ANG ONLINE SABONG AT POGO -- Sa kabila na ipinagbawal na ni Pres. Bongbong Marcos (PBBM) ang online sabong at Philippine Offshore Gaming Operators (POGO), ay laganap pa rin sa social media ang mga pasugalang ito.

Kung hindi kayang ipatigil ng Marcos admin ang mga ganitong pasugalan, sana hindi na nagpapabida pa sa publiko si PBBM na ipinagbabawal na niya ang online sabong at POGO, period!

XXX

NALIMUTAN NA YATA NI PBBM NA FAKE NEWS ANG NAGPANALO SA KANYA -- Nanawagan si PBBM sa mainstream media na tulungan ang kanyang pamahalaan na labanan ang fake news sa social media.

Nalimutan na yata ni PBBM na fake news ng mga bayarang vloggers laban kay former Vice Pres. Leni Robredo ang nagpanalo sa kanya, he-he-he!

Sen. Padilla, desidido sa anti-political dynast bill, 'di kaya ma-tulfo?

ni Pablo Hernandez @Prangkahan | August 5, 2024

BAKA MA-TULFO SI SEN. ROBIN PADILLA NA NAGSULONG NG ANTI-POLITICAL DYNASTY BILL, KASI NAG-NO. 1 AT NO. 2 LANG NAMAN SA SENATORIAL SURVEY ANG MAGKAPATID NA TULFO -- Desidido talaga si Sen. Robin Padilla na wasakan na ang political dynasty sa Pilipinas kasi nitong nakalipas na July 30, 2024 ay gumawa na siya ng resolusyon na ipagbawal ang sabayang pagkandidato ng mga magkakapamilyang pulitiko sa bansa.

Naku, hindi kaya itong si Sen. Padilla ay ma-Tulfo? Kasi kung kelan nag-number 1 at nag-number 2 sa senatorial survey ng OCTA ang dalawang kapatid ni Sen. Raffy Tulfo na sina ACT-CIS partylist Rep. Erwin Tulfo at Ben Tulfo ay saka ito (Sen. Padilla) nagpursiging wakasan na ang political dynasty sa ‘Pinas, boom!

XXX

KUNG SI EX-VP ROBREDO ANG NANALONG PRESIDENTE, HINDI HIHINGI NG BILYUN-BILYONG CONFI FUND -- Kung si former Vice Pres. Leni Robredo ang nagwaging presidente last 2022 election ay tiyak na hindi aabot sa bilyong piso ang hihingin niyang confidential fund dahil mahihiya ito sa taumbayan.

Ang problem, natalo siya at si Pres. Bongbong Marcos (PBBM) ang nanalo, kaya sa umpisa ay P4.5 bilyon ang inihirit nitong confi funds noong 2023 at ngayong 2024, at ang shocking next year (2025) ay P10.29-B na ang gusto niyang maging confi fund, tsk!

XXX

HIMUTOK NI SEN. DELA ROSA SA MARCOS ADMIN -- Naghihimutok si Sen. Ronald Dela Rosa sa Marcos administration.

Kung noon kasi ay sinasabi nina PBBM, Solicitor General Menardo Guevarra at Justice Sec. Boying Remulla na hindi nila papayagang pumasok sa bansa ang International Criminal Court (ICC) para mag-imbestiga sa naganap na extrajudicial killings (EJK) sa ‘Pinas sa panahon ng Duterte administration dahil wala raw hurisdiksyon ang ICC sa bansa, ay iba na ang statement nila ngayon, na ayon kay SolGen Guevarra ay hindi naman nila kayang pigilan ang pagpasok sa bansa ng mga ICC investigator, at sabi naman ni Sec. Remulla, hindi raw nila trabahong pigilan ang mandato ng Interpol, na indikasyon ‘yan na kapag bumaba ang warrant of arrest, kulong sa ICC jail sa The Netherlands ang bagsak nina ex-P-Duterte, Dela Rosa at iba pang sangkot sa EJK sa ‘Pinas, period!

XXX

HINDI LANG SI HARRY ROQUE ANG IIMBESTIGAHAN NG PAOCC KUNDI PATI MISIS NIYA -- Hindi lang si former presidential spokesman Harry Roque ang iimbestigahan ng Presidential Anti-Organized Crime Commission (PAOCC) patungkol sa pagkakadawit nito sa ilegal na Philippine Offshore Gaming Operators (POGO) kundi pati ang misis niyang si Mylah Roque na pumirma sa kontrata sa pagpapatira sa dalawang POGO executives sa kanilang bahay sa Benguet.

Naku, kapag napatunayang sabit sa illegal POGO ang mag-asawang ito, malamang magsama sila sa selda, boom!