Hirit na pagsuspinde sa PUVMP, tablado kay PBBM, batikusin kaya ng mga senador?

ni Pablo Hernandez @Prangkahan | August 10, 2024

PANINIRA KAY SEN. BONG GO, HINDI PINANINIWALAAN NG MAMAMAYAN KAYA SA SENATORIAL SURVEY, NAG-RANK NO. 3 SIYA -- Sa kabila ng mga sunud-sunod na demolition job o paninira kay Sen. Bong Go, sa latest senatorial survey ng OCTA na inilabas noong July 18, 2024 ay nag-rank number 3 pa rin ang senador.

Ganyan din ang nangyari sa unang sabak sa pulitika ni Sen. Go na noong bago sumapit ang 2019 senatorial election ay sunud-sunod na demolition job ang ibinato sa kanya, pero nang matapos bilangin ang boto, panalo siya, rank number 3 dahil 20,465,005 Pinoy ang bumoto sa kanya. 

Ang nais nating ipunto rito, hindi naniniwala ang majority Pinoy sa mga demolition job kay Sen. Go kung kaya nagwagi siya noong 2019 senatorial survey at laging mataas na rating ang nakukuha niya sa mga survey para sa 2025 election, period! 

XXX

MATAPOS TABLAHIN NI PBBM ANG SENATE RESOLUTION NA PAGSUSPINDE SA PUV MODERNIZATION PROGRAM, BATIKUSIN KAYA NG SENADO ANG PRESIDENTE? -- Dinedma lang ni Pres. Bongbong Marcos (PBBM), ng Dept. of Transportation (DOTr) at Land Transportation Franchising and Regulatory Board (LTFRB) ang resolusyon ng Senado na humihiling sa pamahalaan na suspendihin ang Public Utility Vehicle Modernization Program (PUVMP) dahil ayon sa Marcos admin, tuloy ang implementasyon ng programang ito.

Ngayong tinabla ng Marcos admin ang Senate resolution, tingnan natin kung magagawa ng majority senators na batikusin si PBBM sa isyung ito, abangan!

XXX

KUNG SINSERO ANG SENADO SA SUSPENSYON NG PUV MODERNIZATION PROGRAM, DAPAT SA SC LUMAPIT AT HINDI SA PAGGAWA NG SENATE RESOLUTION -- Kung sinsero ang Senado na masuspinde ang implementasyon ng PUV Modernization Program, dapat hindi resolusyon ang ginawa nila.

Ang dapat ginawa ng Senado ay naghain sila ng petisyon sa Supreme Court (SC) tungkol sa isyung ito kasi ang SC lang ang may karapatang mag-utos sa Malacanang na suspendihin ang implementasyon ng PUVMP, kung sa pag-aaral nila ay lalabas na unconstitutional ang ganitong uri ng programa ng pamahalaan, period! 

XXX

PATI MGA BUNDOK NG ‘PINAS, TILA SINISIRA NA RIN NG MGA CHINESE -- Sampung Chinese na sangkot sa illegal mining sa Zamboanga ang iaresto ng Presidential Anti-Organized Crime Commission (PAOCC).

Grabe naman ang ginagawa sa ‘Pinas ng mga Chinese na ‘yan, kasi hindi lang pala harassment sa mga Pinoy sa West Philippine Sea (WPS), hindi lang pagpapalaganap ng illegal Philippine Offshore Gaming Operators (POGO), hindi lang pagpapakalat ng shabu ang ginagawa nila, kundi pati pala pagsira sa mga kabundukan ng bansa, tsk!

Atake sa Marcos admin ni VP Sara, Nagsimula na

ni Pablo Hernandez @Prangkahan | August 9, 2024

VP SARA, UMATAKE NA SA MARCOS ADMIN AT TIYAK MASUSUNDAN PA -- Binira na ni Vice Pres. Sara Duterte-Carpio ang iba’t ibang isyu laban sa Marcos administration.

Iyan na, nag-umpisa nang umatake si VP Sara, kaya asahan nang masusundan pa ang mga pag-atake niya laban sa administrasyong Marcos, abangan!

XXX

RAKET NA ‘DICE’ NINA ‘MELAD’ AT ‘ELMO’ UNTOUCHABLE SA TUGUEGARAO CITY -- Dinededma lang daw ng kapulisan ang walang alisan sa puwestong illegal gambling na "dice" nina alyas "Melad" at "Elmo" sa Magno Lim, Diversion Road, Tuguegarao City.

Aba’y kung ganyan na walang nanghuhuli, lumalabas na "untouchable" pala sa lungsod ang mga raket nina "Melad" at "Elmo," period!

XXX

HARRY ROQUE, HINDI MAN AMININ PERO TIYAK KABADO SIYA SA KINASASANGKUTAN NIYANG ILLEGAL POGO -- Nagpalabas na ng "lookout bulletin" ang Bureau of Immigration (BI) laban kay former presidential spokesman Harry Roque na nasasangkot sa ilegal na operasyon ng Chinese Philippine Offshore Gaming Operators (POGO), na ibig sabihin ay mahihirapan na siyang makalabas ng bansa habang nagpapatuloy ang imbestigasyon sa kanya patungkol sa POGO.

Hindi man aminin ay tiyak kakaba-kaba na si Harry Roque kasi tila madidiin siya sa operasyon ng illegal POGO sa ‘Pinas, boom!

XXX

SANA MEDALYA NG ‘PINAS MADAGDAGAN PA -- Apat na medalya na meron ang Pilipinas sa Paris Olympics, dalawang ginto kay Carlos Yulo at tig-isang bronze kina Nesthy Petecio at Aira Villegas.

Congrats sa mga dangal ng bayan, at sana madagdagan pa ang mga medalya sa iba pang atletang sumasabak sa Paris Olympics, period!

1.62-M PINOY NA LANG DAW ANG JOBLESS, PERO 8.8-M NAMAN ANG NAGUGUTOM!

ni Pablo Hernandez @Prangkahan | August 8, 2024

BABAYARAN NG SAMBAYANANG PINOY ANG P10.29-B CONFI FUND NI PBBM NA ‘DI ALAM KUNG SAAN ITO GAGASTAHIN -- Ang halos kalahati sa P6.352 trillion national budget next year (2025) ng Marcos administration ay uutangin ng Pilipinas sa iba’t ibang financial institution sa mundo. At sa uutanging ito ay kabilang dito ang nakakalulang P10.29 billion confidential fund na hirit ni Pres. Bongbong Marcos (PBBM) para sa year 2025.

Alam naman ng lahat na ang confi fund ay ginagasta nang walang kaakibat na resibo, at iyan ang masakit na katotohanan na babayaran ng sambayanang Pinoy ang P10.29-B confi fund ni PBBM na kabilang sa dagdag-utang ng Pilipinas na hindi naman alam ng mamamayan kung saan ito napunta at ginasta ng Presidente, tsk!

XXX

1.62-M PINOY NA LANG DAW ANG JOBLESS, PERO 8.8-M PINOY ANG NAGUGUTOM -- Kung totoo ang ibinida ng mga alagad ni PBBM sa Philippine Statistics Authority (PSA) na sa ilalim daw ng Marcos admin ay 3.1% o katumbas ng 1.62 milyong Pinoy ang walang trabaho sa ‘Pinas, dapat ay 1.62-M Pinoy lang ang nagsabing sila ay nakakaranas ng gutom sa bansa.

Ang problema, hindi 1.62-M Pinoy lang ang nagpahayag na sila ay nakakaranas ng gutom, kundi 17.6% o katumbas ng 8.8 milyong Pinoy, ayon iyan sa latest survey ng SWS. Ibig sabihin kaya sila nakakaranas ng gutom ay dahil wala silang pinagkakakitaan ng pera para pambili ng tsibog, kaya ang nais nating ipunto rito, iyang pabidang konti na lang ang jobless, fake news ‘yan, period! 

XXX

SAKIT ULO SI EX-GEN. CARLOS GARCIA, KASI P303-M LANG ANG IN-SCAM NIYA, TAPOS ANG UTOS NG KORTE, P407-M ANG IBALIK SA KABAN NG BAYAN -- Siguradong sumasakit ang ulo ngayon ni convicted former Gen. Carlos Garcia, dating military comptroller chief na nakulong dahil sa pang-i-scam sa pondo ng Armed Forces of the Philippines (AFP) mula 1993 hanggang 2004.

Mantakin n’yo, P303 million lang ang kabuuang dinekwat niya sa AFP fund, tapos ang utos sa kanya ng korte, P407.8-M ang dapat ibalik niya sa kaban ng bayan, he-he-he!

Ang kasong ito ni ex-Gen. Garcia ay maging leksyon sana sa mga kurakot na politicians at iba pang opisyal ng pamahalaan, period!