Aug. 4: 'Carlos Yulo day',kinontrata ni Konsi Lou Veloso

ni Pablo Hernandez @Prangkahan | August 18, 2024

DAHIL SA KAWALAN DAW NG RESPETO SA MAGULANG, KINONTRA NI MANILA COUNCILOR LOU VELOSO ANG AUG. 4: ‘CARLOS YULO’ DAY -- Kinontra ni Manila 6th District Councilor Lou Veloso ang panukala ni Manila 6th District Councilor Philip Lacuna na gawing “Carlos Yulo Day” ang August 4 dahil ayon kay Konsi Veloso ay hindi dapat bigyan ng ganitong parangal ang atleta na ipinakikita sa publiko na matigas ang puso sa mga magulang, na baka raw gayahin ito ng mga batang umiidolo kay Caloy.

May punto si Konsi Veloso na tutulan ang panukalang ito, lalabas na parang kinukunsinte ng Manila City LGU ang ipinakikitang kawalang respeto ni Caloy sa kanyang mga magulang, sa ina at sa pamilya, period!

XXX

KASIRAAN SA ‘PINAS ANG BINTANGAN NG MGA KAMPO NG DUTERTE AT MARCOS TUNGKOL SA KUNG SINO SA KANILA ANG SANGKOT SA DROGA -- Matapos ang sunud-sunod na pag-atake ng kampo ni ex-P-Duterte na adik sa cocaine si Pres. Bongbong Marcos (PBBM), ay nagsagawa naman ng imbestigasyon ang mga pro-Marcos congressmen, at sa inilabas nilang presong testigo na si former Customs intel operative Jimmy Guban ay ibinulgar nito na nagpasok daw noon ng shipment ng shabu si Chinese national Michael Yang, kasabwat umano sina Davao Rep. Paolo Duterte at Mans Carpio na mister ni Vice Pres. Sara Duterte-Carpio.

Bintangan nang bintangan tungkol sa droga, at hindi na naisip ng kampo nina Duterte at Marcos na ang ginawa nilang ito ay kasiraan sa Pilipinas dahil hindi maiaalis na pag-usapan sa ibang bansa na ang ‘Pinas ay mayroon umanong presidenteng adik, na ang mister at kapatid daw ng bise presidente ay mga drug trafficker, tsk !

XXX

DAHIL SA SIRAAN NG DUTERTE VS. MARCOS, BAKA MARAMING PINOY ANG MAWALAN NG WORK -- Nakakabahala ang batuhan ng akusasyon ng kampo nina Duterte at Marcos tungkol sa droga.

Kasi kapag naniwala ang mga foreign investor na adik ang presidente at sangkot sa kalakaran ng droga ang pamilya ng bise presidente ay baka tuluyang hindi na sila mag-invest ng negosyo sa ‘Pinas, at ang mga may negosyo na sa bansa ay baka i-pullout ang kanilang mga business, at kapag nangyari iyan, tiyak maraming Pinoy ang mawawalan ng work, saklap!

XXX

NO BAIL ANG KASONG ISASAMPA KAY HARRY ROQUE -- Noong makulong ang noo’y Sen. Leila de Lima sa kasong no bail na drug trafficking, inalaska ito ng noo’y presidential spokesman Harry Roque nang sabihan nito ang detenidong senadora nang, “May you spend the rest of your life in jail.”

Ang pang-aalaskang ito noon ni Roque kay De Lima ay nagbu-boomerang sa kanya ngayon kasi ang kasong qualified trafficking in person na isasampa ng Presidential Anti-Organized Crime  Commission (PAOCC) laban sa dating presidential spokesman ay no bail din. Dahil diyan, kapag nakulong siya ay puwedeng ang dating senadora naman ang mang-alaska at sabihan ito (Roque) nang, “May you spend the rest of your life in jail,” boom!

Kasya raw and P64 pagkain sa isang araw, eh 'di wow!

ni Pablo Hernandez @Prangkahan | August 17, 2024

SABLAY ANG ANUNSIYO NG NEDA NA KASYA ANG P64 PAGKAIN SA ISANG ARAW NG BAWAT MAMAMAYANG PINOY -- Sablay ang anunsiyo ng National Economic Development Authority (NEDA) na hindi raw maituturing na mahirap ang isang Pinoy na nagagawang gumasta ng P64 isang araw para sa pagkain, o P21 sa kada kain sa tatlong beses sa isang araw.

Sa totoo lang, iyang P64 na pagkain sa isang araw ng bawat Pinoy ay hindi na kakasya dahil ubod na ng mahal ang presyo ng mga pagkain sa panahon ng Marcos administration, period!

XXX

SA SONA NEXT YEAR NI PBBM DAPAT HINDI NA P10K, KUNDI P64 NA LANG ANG BUDGET SA FOODS AND DRINKS PER PERSON -- Kung ipilit ng NEDA na kasya ang P64 halaga ng pagkain sa isang araw ng bawat isang Pinoy, dapat ang gawin ng pamahalaan sa next State of the Nation Address (SONA) ni Pres. Bongbong Marcos (PBBM) ay maging P64 ang budget sa pagkain ng bawat pulitiko, gov’t. officials at guests na dadalo sa 2025 SONA ng presidente.

Sa nakalipas kasing SONA ni PBBM ay P20M ang inilaan ng gobyerno na pagkain para sa 2,000 mga pulitiko, gov’t. officials at guests, na sa kuwentada ang P20M kapag dinivide sa 2K katao, ay lumalabas na P10K ang halaga ng kinain ng bawat isang nasa loob ng Kongreso.

Sana nga ganyan ang gawin sa SONA ni PBBM next year, na ang ibadyet sa pagkain ng bawat taong naroroon sa Congress ay P64 at hindi na P10K, boom!

XXX

KAPAG NAPATUNAYANG GUILTY, MABUBULOK SI HARRY ROQUE SA KULUNGAN -- Sinabi ni Presidential Anti-Organized Crime Commission (PAOCC) spokesman Winston Casio na may mga sapat na raw silang ebidensya para sampahan si former presidential spokesman Harry Roque ng kasong “qualified trafficking in person” kaugnay sa pagkakasangkot nito sa mga ilegal na gawain sa Philippine Offshore Gaming Operators (POGO) hub sa Porac, Pampanga.

Naku, mabigat na kaso ‘yan at kapag napatunayang guilty ay tiyak mabubulok sa kulungan ang dating spokesman ni ex-P-Duterte, abangan!

XXX

PARAMI NANG PARAMI MGA BALIMBING NA PULITIKO -- Habang papalapit ang filing ng candidacy sa October 2024 ng mga kakandidato sa 2025 election ay sangkaterbang PDP members sa local level ang kumakalas sa kapartido ni ex-P-Duterte at lumilipat sa administration party ng magpinsang PBBM at House Speaker Martin Romualdez.

Ibig sabihin n’yan, habang papalapit ang eleksyon, parami nang parami ang mga balimbing na pulitiko, boom! 

VP Sara, join na rin sa pag-atake sa isyung cocaine sa Marcos admin

ni Pablo Hernandez @Prangkahan | August 11, 2024

VP SARA, JOIN NA RIN SA PAG-ATAKE SA ISYUNG COCAINE SA MARCOS ADMIN -- Umatake na naman si Vice Pres. Sara Duterte-Carpio sa Marcos administration, at ito ang latest na litanya niya, “Leaders should not be motivated by cash, cocaine and champagne.”

Ito ang unang pagkakataon na naki-join si VP Sara sa isyung cocaine sa Marcos admin.

Kaya ang tanong: Sino kaya ang pinatutungkulan ni VP Sara sa isyung cocaine na kabilang sa kanyang sinabi laban sa Marcos admin? Boom!

XXX

MARCOS LOYALIST SI GADON AT HINDI DDS, KAYA ALAM NA NI VP SARA NA ‘DI SIYA IBOBOTO O IKAKAMPANYA NITO SA 2028 ELECTION -- Nang umpisahan ni VP Sara ang mga pag-atake sa iba’t ibang isyu laban sa Marcos admin, sinabi ni Presidential Adviser on Poverty Alleviation Sec. Larry Gadon na hindi na raw niya ito iboboto sa pagka-presidente sa 2028 election.

Sa totoo lang, kahit hindi sabihin ‘yan ni Gadon ay alam naman ni VP Sara na hindi talaga siya nito (Gadon) iboboto o ikakampanya kasi nga Marcos loyalist talaga ito at hindi DDS (Duterte Diehard Supporters), period!

XXX 

EX-P-DUTERTE, TARGET SA SANIB-PUWERSA NG 3 KOMITE NA MAG-IIMBESTIGA SA ILLEGAL POGO, DROGA AT EJK SA ‘PINAS -- Tatlong komite sa Kongreso ang nagsanib-puwersa para imbestigahan ang illegal Philippine Offshore Gaming Operators (POGO), illegal drugs at extrajudicial killings (EJK) sa bansa.

Sa panahon ni ex-P-Duterte nag-umpisa ang POGO, ang friend ng ex-president na si Michael Yang ay iniuugnay sa illegal drugs at ang EJK ay naganap sa panahon ng Duterte admin.

Dahil diyan ay hindi na dapat pang i-memorize na ang target ng imbestigasyong ito ng Kongreso ay walang iba kundi si ex-P-Duterte, period!

XXX

COMELEC CHAIRMAN, ISINASANGKOT NA SA ANOMALYA, NEVER MAGRE-RESIGN -- Sa kabila na nasasangkot ngayon si Comelec Chairman George Garcia sa anomalya sa komisyon, sinabi niyang never daw siyang magre-resign sa puwesto dahil mga paninirang-puri lang daw ang mga alegasyon sa kanya.

Sa ibang bansa, kapag ang opisyal ng kanilang pamahalaan ay nasangkot sa anomaly, agad nagre-resign sa puwesto, pero iba sa ‘Pinas, kasi dito walang ‘delicadeza’, pakapalan ng mukha ang mga gov’t. official na nasasangkot sa katiwalian, boom!