Taas-presyo sa sardinas at tinapay, dagdag-dusa sa mamamayan

ni Pablo Hernandez @Prangkahan | Sep. 26, 2024

IMBES SA GOBYERNO MAPUNTA, SA BULSA NG GAMBLING LORDS SA BATANGAS NAPUPUNTA ANG MALAKING KITA SA STL -- Kumuha sina alyas "Tisoy" at "Nonit" ng sangkaterbang kubrador ng illegal STL-bookies para kumpetensyahin ang legal na operasyon ng STL sa Batangas.

Aba’y dapat ipa-tokhang na agad nina PNP-Region 4-A Director, Brig. Gen. Kenneth Lucas, Batangas PNP Director, Col. Jack Malinao at Gov. Hermilando Mandanas sina

"Tisoy" at "Nonit" kasi kung walang gagawing aksyon, sa bulsa ng dalawang gambling lords na ito mapupunta ang malaking kita sa STL-bookies, imbes na sa pamahalaan, period!

XXX

PATI PANGUNGUTANG SA MGA FINANCIAL INSTITUTION SA MUNDO, IBINIBIDA NI SEC. RALPH RECTO -- Ibinida ni Sec. Ralph Recto ng Dept. of Finance (DOF) na dahil daw sa maayos na pagbabayad ng utang ng Marcos administration sa mga utang panlabas ng Pilipinas ay makakamit na raw ng bansa ang “A-Credit Rating” ng ‘Pinas sa mga financial institution sa mundo na may mababang interest sa year 2028.

Hay naku, akala ng publiko na ang ibibida ni Sec. Recto ay mababayaran na ng Marcos admin ang lahat ng utang ng ‘Pinas pagsapit ng year 2028, eh ‘yun pala, pag-utang na naman ang nasa isip, buset!

XXX

MGA UTAK NG POGO SA ‘PINAS, KABADO NA KASI KAPAG NAHULI, MABUBULOK SILA SA KULUNGAN -- Sa pagdinig sa Senado ay sinabi ni former Mayor Alice Guo na hindi siya ang mastermind sa sindikato ng Philippine Offshore Gaming Operators (POGO) at humiling siya ng executive session para ibulgar ang mga big boss ng POGO syndicate sa Pilipinas.

Dahil diyan, siguradong kakaba-kaba na ang mga utak ng POGO sa ‘Pinas kasi kapag napatunayan na sila nga ang mga big boss ng POGO syndicate, tiyak pagkabulok sa kulungan ang aabutin nila, abangan!

XXX

DAGDAG-DUSA SA MAMAMAYAN ANG TAAS-PRESYO SA SARDINAS AT TINAPAY -- Humihirit ang mga kapitalista ng sardinas at tinapay sa bansa ng dagdag-presyo.

Naku po! Kapag inaprub ng Dept. of Trade and Industry (DTI) ang hirit nilang taas-presyo ay tiyak dagdag-pahirap ‘yan sa mga mamamayan, tsk!

Best friend Bong Revilla vs. Phillip Salvador, sino’ng magwawagi sa 2025 Election?

ni Pablo Hernandez @Prangkahan | Sep. 25, 2024

HARRY ROQUE, MINALAS SA ILALIM NG MARCOS ADMIN, KASI IDINEKLARA NA SIYANG ‘PUGANTE’ NG QUAD-COMMITTEE, TILA MADI-DISBAR PA --Naghain si Atty. Melvin Matibag sa Supreme Court (SC) ng disbarment case laban kay former presidential spokesman, Atty. Harry Roque.

Talagang minalas na si Roque sa ilalim ng Marcos administration kasi mantakin n’yo, idineklara na siyang pugante ng Quad-Committee ng Kamara, tapos tila madi-disbar pa siya sa pagka-abogado, tsk!

XXX

KUNG MABAIT ANG TURING NI CARLOS YULO SA KANYANG SARILI, WALA NANG MASAMANG TAO SA MUNDO -- Sa isang bahagi ng interview ni Toni Gonzaga kay 2 gold medalist Carlos Yulo ay nag-ha-ha-ha reactions ang napakaraming netizens nang sabihin niyang mabait daw siyang tao.

Mantakin n’yo, ipinakita niya sa mundo ang kawalang respeto niya sa kanyang ina at pagtakwil sa buong pamilya porke isa na siyang multi-millionaire, tapos sa ginawa niyang iyan ay nababaitan pa siya sa kanyang sarili.

Sa totoo lang, magtatawanan talaga ang netizens sa ibinidang ito ni Caloy kasi kung ang turing niya sa kanyang sarili ay mabait siyang tao, aba’y wala nang masamang tao sa mundo, boom!

XXX

BEST FRIEND BONG REVILLA AT PHILLIP SALVADOR, MAGKALABAN NA SA PULITIKA, SINO’NG MAGWAWAGI SA KANILA SA 2025 MIDTERM ELECTION? -- Sa pulitika ay walang kai-kaibigan, at mangyayari iyan sa magkaibigang artistang sina Sen. Bong Revilla na re-electionist senator at Phillip Salvador na kakandidatong senador.

Sa 2025 midterm election ay hindi puwedeng magkampihan sina Revilla at Salvador dahil ang mga partido nila ay magkalaban sa pulitika. Si Revilla ay kasapi ng Lakas-CMD at si Salvador naman ay kasapi ng Partido Demokratiko ng Pilipinas (PDP).

Kaya’t ang tanong: Pareho kaya silang magwagi sa halalan o isa sa kanila ang malalaglag sa top 12 senatoriables? Abangan!

XXX

2-ARAW PA LANG SA PUWESTO SI ERC HEAD JESSE ANDRES, MAY OIL PRICE HIKE AGAD! -- Dalawang araw pa lang sa puwesto si Atty. Jesse Andres bilang Officer-in-Charge (OIC) ng Energy Regulatory Commission (ERC) kapalit ni ERC Chairperson Monalisa Dimalanta na sinuspinde ng Ombudsman, inaprub agad nito ang hirit na oil price hike (P1.10 per litro ng gasolina at P0.20 per litro sa diesel) ng mga kumpanya ng langis.

Akala ng publiko maghihigpit si Andres kapag humirit ng taas-presyo sa gas ang oil

companies, ‘yun pala tulad din siya ni Dimalanta na “bow nang bow” sa dagdag-presyo ng mga produktong petrolyo ng mga kumpanya ng langis, boom!

Ilang percent kaya ng P6.352 T ang magiging ‘PORK’ ng mga sen. at cong.?

ni Pablo Hernandez @Prangkahan | Sep. 24, 2024

SA P6.352 T BUDGET NEXT YEAR, ILANG PERCENT KAYA ANG MAGIGING PORK BARREL NG MGA SEN. AT CONG. -- Inanunsiyo ni Speaker Martin Romualdez na bukas (Sept. 25) ay aaprubahan na raw ng Kamara ang P6.352 trillion national budget ng Marcos administration para sa year 2025.

Eh ang tanong: Ilang percent kaya sa P6.352 trillion national budget na iyan ang magiging pork barrel ng mga senador at kongresista? Abangan!

XXX

KAPAG NALALAPIT ANG ELEKSYON KUNG ANU-ANONG PROMISE NG MGA PULITIKO PERO KAPAG NALUKLOK NA, ‘YUNG PANGAKO, NAPAKO NA -- Ilang kongresista ang nagsulong na bigyan ng Christmas bonus at free legal assistance ang mga barangay tanod dahil daw sa mahalagang papel na ginagampanan nila tungkol sa peace and order sa mga nasasakupan nilang barangay.

Ganyan talaga ang kalakaran ng pulitika sa Pilipinas, na kapag nalalapit ang eleksyon ay kung anu-ano ang ipinangangako sa mga tauhan ng barangay, na ‘ika nga, need kasi nila ng boto, pero kapag mga naluklok na, ‘yung pangako, napako na, boom!

XXX

MALAPIT NANG MAHUBARAN NG MASKARA ANG EX-PNP CHIEF NA PROTEKTOR NG POGO AT NI ALICE GUO -- Nagsanib-puwersa na ang PNP-Criminal Investigation and Detection Group (CIDG) at Pagcor para malaman kung sino ang former PNP chief na may payola sa POGO (Philippine Offshore Gaming Operators) at tumulong sa pagtakas palabas ng bansa ni former Mayor Alice Guo ng Bamban, Tarlac.

Ibig sabihin niyan, malapit-lapit nang malaman ng publiko at mahubaran ng maskara ang former PNP chief na protektor ng POGO at ni Alice Guo, period!

XXX

SANA ANG BAGONG HEAD NG ERC HINDI TULAD NG DATING CHAIRMAN NG AHENSYA NA APRUB NANG APRUB SA HIRIT NA OIL PRICE HIKE NG MGA OIL COMPANY -- Itinalaga ni Pres. Bongbong Marcos (PBBM) si Atty. Jesse Andres bilang Officer-in-Charge (OIC) ng Energy Regulatory Commission (ERC) bilang kapalit ni ERC Chairperson Monalisa Dimalanta na sinuspinde ng Ombudsman.

Ngayong may bagong head na ang ERC, sana naman hindi ito katulad ni Dimalanta na kapag humirit ng oil price hike ang mga oil company ay aprub nang aprub, boom!