‘Pinas, lalago ang ekonomiya kung next president, anti-pork barrel

ni Pablo Hernandez @Prangkahan | Sep. 29, 2024

WALANG MABUTING DULOT SA MAMAMAYAN ANG PORK BARREL -- Matapos mabulgar ang P10 billion pork barrel scam ni Janet Napoles, mga senador at kongresista noong July 2013 at idineklara ng Supreme Court (SC) noong November 2013 na unconstitutional ang pork barrel funds kasi nga ini-scam lang ito ng pork barrel queen (Napoles) at ilang buwayang pork barrel politicians, ay agad ipina-stop ng noo’y Pres. Noynoy Aquino ang pork barrel projects ng mga lawmaker, kaya noong year 2014, 2015 at 2016 ay wala nang pork barrel ang mga sen. at cong.

Sa totoo lang, walang mabuting dulot ang pork barrel funds sa mamamayan at napatunayan na iyan nang mabulgar nga ang P10 B pork barrel scam.

Ang nais nating ipunto, kung nagawa ni P-Noy tanggalin ang pork barrel, at kung gugustuhin ni Pres. Bongbong Marcos (PBBM) ay magagawa rin niya itong ipatanggal, period!

XXX

NANG MAWALA ANG PORK BARREL, ANG ‘PINAS AY NAGING “ASIA’S RISING TIGER” O LUMAGO ANG EKONOMIYA – Maganda ang naging dulot sa pamumuhay ng mga Pinoy ng pagkawala ng pork barrel sa ilalim ng Aquino admin, lumiit ang utang ng Pilipinas, dumami ang mga proyekto na nagbigay ng maraming trabaho sa mga jobless Pinoy, nakapagbigay ng todong suporta sa mga magsasaka kaya naging rice sufficient ang ‘Pinas, naging mura ang presyo ng bigas, naging malaki ang pondo ng Pantawid Pamilyang Pilipino Program (4Ps) na mula sa dating bilang na 786,000 pamilyang Pinoy lang ang nabibiyayaan ay pumalo ito sa higit 4.4 pamilyang Pinoy kaya nga bago bumaba sa kanyang termino si P-Noy, ang dating taguri sa Pilipinas na “Sick Man of Asia,” ay naging “Asia’s Rising Tiger.”

Ang masaklap, dahil ang pork barrel ng mga sen. at cong. ay naibalik noong panahon ng Duterte admin at Marcos admin kung kaya’t nabaon na nang husto sa utang ang ‘Pinas, nagmahal ang presyo ng mga bilihin at bayarin. Kaya ang resulta nito, ang taguring “Asia’s Rising Tiger” o paglago ng ekonomiya sa panahon ni P-Noy, ay pabalik na sa taguring “Sick Man of Asia” sa panahon ni PBBM, tsk!

XXX

NANG IBULGAR NI MAYOR MAGALONG NA MAY PORK BARREL PA RIN ANG MGA SEN. AT CONG., WALANG LAWMAKER NA NAGSABING SINUNGALING SIYA -- Nang ibulgar ni Mayor Benjamin Magalong na pinagpipiyestahan umano ng mga sen. at cong. ang kaban ng bayan sa pamamagitan ng pork barrel funds, wala isa man sa mga senador at kongresista ang nagsabing sinungaling ang alkalde ng Baguio City.

Ibig sabihin niyan, totoo ang ibinulgar ni Mayor Magalong na patuloy na nagtatamasa ang mga “honorabol” sen. at cong. sa pork barrel funds, boom!

XXX

DAPAT ANG MAGING NEXT PRESIDENT SA 2028, ANTI-PORK BARREL -- May pag-asa pa naman ang Pilipinas na bumalik sa pagiging “Asia’s Rising Tiger.”

Ito ay kung ang magiging presidente after ng 2028 election ay anti-pork barrel, period!

Daming gustong maging senador, bilyunan na raw kasi ang pork barrel

ni Pablo Hernandez @Prangkahan | Sep. 28, 2024

IBINULGAR NOON NI EX-SEN. SOTTO NA ANG AGRI-SMUGGLERS NA SINA ‘GERRY TEVES’ AT ‘LEAH CRUZ’, TATAMAAN SA ANTI-AGRICULTURAL ECONOMIC SABOTAGE ACT -- Nilagdaan na ni Pres. Bongbong Marcos (PBBM) bilang ganap na batas ang “Anti-Agricultural Economic Sabotage Act” na magpapataw ng habambuhay na pagkabilanggo sa mga agri-smuggler sa bansa.

Kabilang sa mga ibinulgar noon ni dating Senate President Vicente Sotto III na mga agri-smuggler sa bansa ay sina alyas “Gerry Teves” (smuggler ng karne) at “Leah Cruz” (smuggler ng mga gulay).

Kaya ang tanong: Ititigil na kaya nina “Gerry Teves” at “Leah Cruz” ang raket nilang agri-smuggling o dededmahin lang nila ang bagong batas na ito at ipagpapatuloy pa rin nila ang kanilang agri-smuggling sa Adwana? Abangan!

XXX

MGA SMUGGLER NA SINA “TINA U.” “BIG MAMA” AT “KIMBERLY”, WALANG KABA SA ANTI-AGRICULTURAL ECONOMIC SABOTAGE ACT -- Walang kakaba-kaba ang mga smuggler na sina alyas “Tina U,” “Big Mama” at “Kimberly” sa bagong batas na “Anti-Agricultural Economic Sabotage Act.”

Wala silang kaba dahil hindi sila kabilang sa puwedeng makasuhan at makulong ng habambuhay kasi hindi naman sila mga agri-smuggler, dahil ang ini-smuggle nila ay “ukay-ukay,” plastic resins, electronics at general merchandise.

Hay naku, magpapabida rin lang ang Marcos admin laban sa smuggling, hindi pa nilahat, tumutok lang sa agri-smuggling, tsk!

XXX

DAMING GUSTONG MAGING SENADOR, KASI SABI NI EX-SEN. PING LACSON, BILYUNAN NA ANG PORK BARREL -- Ang daming pulitiko at maraming kapamilya ng mga pulitiko ang kakandidatong senador sa 2025 midterm election.

Naalala tuloy natin ang sabi ni anti-pork barrel, former Sen. Ping Lacson sa panayam sa kanya ni Radyo 5 host Ted Failon, na kung dati raw ay P200 million lang ang yearly pork barrel, ngayon daw ay bilyunan na.

Ang nais nating ipunto rito, kung sakaling walang pork barrel funds ang mga senador, siguradong mabibilang lang sa daliri ang mga kakandidatong senador, at iyan ‘yung mga tinatawag na mga mararangal na mga political leader na ang iisipin ay gumawa ng mga panukalang batas para sa kapakanan ng bayan at mamamayan, period!

XXX

TIYAK SOBRANG KABA NA SI HARRY ROQUE SA PAGKAKATALAGA KAY GEN. TORRE SA CIDG -- Matapos maitalaga si P/Gen. Nicolas Torre bilang bagong director ng PNP-Criminal Investigation and Detection Group (CIDG), hindi man aminin ay tiyak na sobrang kinabahan si former presidential spokesman Harry Roque na idineklang pugante ng Quad-Committee ng Kamara.

Kakabahan talaga si Harry Roque, kasi ang sabi ni Gen. Torre, isa sa misyon nila ay tugisin ang mga pugante, at kabilang diyan ang former presidential spokesman, boom!

Tama si Manila Kon. Veloso, ‘di dapat nagpasa ng ‘Carlos Yulo Day’, pagpapaalala ito sa atletang suwail na anak

ni Pablo Hernandez @Prangkahan | Sep. 27, 2024

TANGERE FIRM ‘KASABWAT’ SA PAGPAPABAGSAK KAY VP SARA? -- Sa latest survey ng Tangere firm ay nagsitaasan ang rating nina Pres. Bongbong Marcos (PBBM), Senate President Chiz Escudero at Speaker Martin Romualdez, pero ang rating ni Vice Pres. Sara Duterte-Carpio ay bumagsak.

Naku ha, tila kasabwat itong Tangere firm sa pagpapabagsak kay VP Sara kasi mantakin n’yo, sa apat na mataas na opisyal ng bansa, bukod tanging ang rating lang ng bise presidente ang bumagsak, boom!

XXX

KAMOT-ULO ANG MGA BOBOTANTE KASI NANIWALA SA FAKE NEWS NA MABIBIGYAN SILA NG ‘TALLANO GOLD’ -- Nagbenta ng mga gold bar ang Bangko Sentral ng Pilipinas para pandagdag-pondo sa pamahalaan.

Tiyak kamot-ulo ngayon ang mga bobotante sa isyung ito, kasi naniwala sila noong panahon ng 2022 presidential election sa ipinakalat na fake news sa social media ng mga bayarang vlogger na kapag nanalong presidente raw si BBM (Bongbong Marcos) ay mamimigay daw ito ng tig-isang Tallano gold bar sa bawat pamilyang Pilipino, pero ang masaklap, nang maging pangulo ay walang nabalitang may ipinamigay na ginto si PBBM, at sa halip ang nabalitaan nila ay nagbenta ng gold bars ang BSP, period!

XXX

COMELEC, DAPAT SISIHIN SA PAGDAMI NG POLITICAL DYNASTY SA ‘PINAS --Nagkalat na ngayon sa social media ang partylist na inaprub ng Comelec na lumahok sa 2025 midterm election, at kung titingnan ang mga nominado nito, ilan sa kanila ay misis at anak ng mga senador at kongresista.

Isa iyang Comelec sa dapat sisihin kung bakit sandamakmak ang political dynasty sa ‘Pinas kasi imbes i-reject ang partylist ng mga magkakapamilyang pulitiko, ang ginagawa ay aprub nang aprub, buset!

XXX

HINDI DAPAT NAGPASA NG ‘CARLOS YULO DAY’ ANG MANILA DAHIL TUWING AUG.

4  MAAALALA NG PUBLIKO NA MAY ATLETANG SUWAIL NA ANAK, NAGTAKWIL SA PAMILYA -- Hanggang ngayon ay hindi pa rin pinagbibigyan ni 2 gold medalist Carlos Yulo ang pakiusap sa kanya ng amang si Mark na mag-sorry siya sa mama niya na sinabihang magnanakaw ni Caloy.

Tama si Manila Councilor Lou Veloso na hindi dapat nagpasa ng ordinansang “August 4 Carlos Yulo Day” ang Manila local government unit (LGU) sa pamumuno nina Mayora Honey Lacuna at Vice Mayor Yul Servo kasi napakatigas ng puso ni Caloy at hindi talaga katanggap-tanggap na tuwing sasapit ang Aug. 4 kada taon ay sini-celebrate ng Manila ang “Carlos Yulo Day,” dahil pagpapaalala lang ito sa atletang suwail na anak, nagtakwil sa pamilya, period!