Mga ‘Kamag-anak Inc.’, hindi na tinatablan ng hiya, tuloy sa 2025 Election

ni Pablo Hernandez @Prangkahan | Oct. 8, 2024

HINDI NA TINATABLAN NG HIYA, TULOY ANG KANDIDATURA NG MGA ‘KAMAG-ANAK INC.’ SA ELEKSYON -- Patuloy ang pambabatikos ng netizens sa social media sa mga magkakamag-anak na pulitikong sabayang kakandidato sa May 2025 midterm elections.

Ang problema, hindi na tinatablan ng hiya ang mga “Kamag-anak Inc.” na kahit anong uring pamba-bash pa ang gawin ng netizens, ay wala nang atrasan ang pagtakbo next year ng mga magkakamag-anak na pulitiko, period!

XXX

MALAMANG HINDI LANG KASONG MURDER ANG KAHARAPIN NI GARMA, KUNDI PATI KASONG PLUNDER -- Iimbestigahan ng Quad-Committee ng Kamara ang millions of pesos converted to dollars na “money laundering” ni former Philippine Charity Sweepstakes Office (PCSO) General Manager, ret. Col. Royima Garma sa United States (US), sa tulong ng dati niyang mister na si P/Col. Roland Vilela.

Kapag napatunayan ng Quad-Committee na galing sa masamang paraan ang sangkatutak niyang dolyares na  nakadeposito sa mga bangko sa Amerika ay malamang hindi lang kasong multiple murder sa pagpatay kay PCSO Board Member Wesley Barayuga ang kaharapin niya, kundi pati kasong plunder, abangan!

XXX

HARRY ROQUE TAKLESA LANG, PERO HINDI MATAPANG -- Nanawagan si former Sen. Leila de Lima kay former presidential spokesman Harry Roque na harapin niya nang buong tapang ang mga alegasyon sa kanya na nag-uugnay sa operasyon ng illegal na Philippine Offshore Gaming Operators (POGO) sa Porac, Pampanga.

Naku, iyang panawagan ni De Lima ay tiyak dededmahin lang ni Roque kasi nga hindi naman siya matapang, taklesa lang, boom!

XXX

BATAS VS. AGRI-SMUGGLERS, TILA PABIDA LANG NG MARCOS ADMIN -- Halos dalawang linggo na ang nakakalipas matapos na lagdaan ni Pres. Bongbong Marcos (PBBM) ang pagpapataw ng parusang habambuhay na pagkabilanggo sa mga agri-smuggler, pero hanggang ngayon ay wala pang nahuhuli ang mga otoridad ng Customs na mga agri-smuggler sa Adwana.

Dahil diyan, lumalabas na pabida lang ng Marcos administration ang batas na ito laban sa mga agri-smugglers, period!

Majority ng mga botante, mga ignorante na, mga low IQ pa!

ni Pablo Hernandez @Prangkahan | Oct. 7, 2024

KAYA SABAYANG KUMAKANDIDATO ANG MAGKAKAPAMILYANG PULITIKO KASI ALAM NILA NA IGNORANTE AT LOW IQ PA ANG MAJORITY NG BOTANTENG PINOY -- Sa inilabas na data ng Ipsos International na nakabase sa Paris, France noong February 2018 ay pangtatlo ang mga Pilipino sa mga lahi sa buong mundo na ignorante sa mga isyung panlipunan at sa data rin na inilabas ng World Population Review na nakabase sa California USA  noong May 2023 ay number 1 ang mga Pinoy sa may low intelligence quotient (IQ) o mapurol ang utak sa mga lahi ng Southeast Asian nations.

Iyan ang dahilan kaya mas dumami ang mga magkakamag-anak na pulitiko (mag-asawa, kanilang mga anak at mga kapatid) ang sabayang kakandidato sa May 2025 midterm elections kasi alam ng mga magkakapamilyang politician na sila ay mananalo sa halalan gamit ang mga sikat nilang apelyido dahil alam nila na ang majority ng botanteng Pinoy ay mga ignorante at low IQ o mapupurol pa ang mga utak, boom!

XXX

HINDI LANG ‘KAMAG-ANAK INC.’ NI VILMA SANTOS-RECTO ANG DAPAT I-BASH, KUNDI LAHAT NG PULITIKONG MAY POLITICAL DYNASTY -- Unfair ang pamba-bash ng netizens sa political dynasty ng mag-iinang Vilma Santos-Recto (for Batangas governor), Luis Manzano (for Batangas vice governor) at Ryan Santos Recto (for Batangas 6th district congressman) na sabayang kakandidato sa May 2025 midterm elections.

Unfair kasi sa totoo lang, hindi lang naman sila ang may “Kamag-anak Inc.” na sasabak sa darating na halalan, kundi napakarami pa.

Ang nais nating ipunto rito ay hindi lang sina Ate Vi ang dapat i-bash, kundi lahat ng may “Kamag-anak Inc.” na sabayang kakandidato sa eleksyon, period!

XXX

KAYA ANG DAMING MAGKAKAMAG-ANAK, CELEBRITY AT VLOGGERS NA GUSTONG MAGING SENADOR AT KONGRESISTA KASI MAY PERA SA SENADO AT KAMARA -- Bakit ba sangkaterbang pami-pamilya, pati mga celebrity at vloggers na wala namang kaalaman sa paggawa ng batas ang nagsipag-file ng kandidatura sa pagka-senador, district congressman at partylist representatives?

Kung babalikan natin ang isyung P10 billion pork barrel scam ni Janet Napoles noong year 2013, at ang ibinulgar ni Baguio City Mayor Benjamin Magalong na may pork barrel pa rin, at ang mga pork barrel politician ay may tinatanggap na standard operating procedure (SOP) na mas kilala sa tawag na kickback, ay isa lang ang ibig sabihin niyan, may pera sa Senado at Kamara, boom!

XXX 

DAPAT IPAHULI NI GEN. MARBIL ANG MGA ‘TONGPATS COLLECTOR’ NA SINA ALYAS ‘RANIEL’ AT ‘PATRICK’ - -Ginagamit daw nina alyas  "Raniel" at "Patrick" ang pangalan ng ilang high ranking officials sa Camp Crame sa pagkolekta ng payola sa mga ilegalista sa Central Luzon.

Dapat ipahuli ni PNP Chief Gen. Rommel Marbil sina "Raniel" at "Patrick" kasi kasiraan sa mga opisyal ng Camp Crame ang ginagawa ng dalawang “tongpats collector” na ito, period!

Sistema ng Comelec bulok, pinakakandidato ang mga sikat, ‘pag hindi reject, nuisance candidate daw

ni Pablo Hernandez @Prangkahan | Oct. 6, 2024

PILIPINAS ANG MAY PINAKAMATAAS NA VAT SA BUONG SOUTHEAST ASIA -- Sa isinapublikong data ng PricewaterhouseCoopers (PwC) na nakabase sa London ay sa buong Southeast Asian countries, ang Pilipinas ang may pinakamataas na VAT o Value-Added Tax na 12%.

Ngayon, dapat pa bang i-memorize bakit ubod nang taas ang presyo ng mga bilihin at mga bayarin sa bansa? Boom!

XXX

NAGSASALIMBAYAN SA DAMI NG MGA MAGKAKAPAMILYANG PULITIKO SA PAG-FILE NG COC SA KAGUSTUHANG LAHAT SILA SUWELDUHAN NG MAMAMAYAN, MAY KAPANGYARIHAN PA SA PAMAHALAAN -- Mula nang umpisahan ang filing ng certificate of candidacy (COC) noong Oct. 1 at hanggang ngayon ay nagsasalimbayan sa rami ang mga magkakapamilyang pulitiko na sabayang kakandidato sa May 2025 midterm elections.

Ganyan karami ang mga political dynasty sa ‘Pinas na bukod sa pagnanais na lahat sila ay maging suwelduhan ng mamamayan, hangad din na magkaroon ng kapangyarihan sa pamahalaan, mga buset!

XXX

MGA SIKAT LANG ANG PINAKAKANDIDATO, KAPAG ‘DI SIKAT REJECT NG COMELEC, NUISANCE CANDIDATE DAW -- May mga hindi kilalang personalidad ang sasabak din sa eleksyon, kaya lang dahil hindi sila sikat, siguradong idedeklara sila ng Comelec na mga nuisance candidate o pampagulo lang sa halalan kaya’t siguradong ire-reject o ikakansela ng komisyon ang kanilang mga certificate of candidacy (COC) o hindi sila

papayagang lumahok sa eleksyon.

Isa ‘yan sa bulok na sistemang pamantayan ng Comelec, na basta hindi sikat, hindi nila pinapayagang kumandidato, tsk!

XXX

‘DI MAN MAKAKANDIDATO SA ELEKSYON, KAPAG NAHULI PUWEDE NAMANG TUMAKBONG ‘MAYOR’ SA SELDA SI HARRY ROQUE -- Sa tuwing may eleksyon sa bansa ay kumakandidato si former presidential spokesman Harry Roque, kaya lang dahil nagtatago siya sa batas matapos i-contempt ng Quad-Committee ng Kamara ay hindi niya magawang lumabas sa kanyang pinagtataguan para mag-file ng candidacy.

Kapag sumapit na ang deadline sa filing ng COC sa Oct. 8, 2024 at hindi pa rin siya nakapag-file ng kanyang candidacy ay may pag-asa pa naman siyang kumandidato kapag nahuli na siya ng mga otoridad.

Puwede siyang tumakbong “mayor” sa seldang kanyang kapipiitan, boom!