Boto nang boto sa sikat na ‘Kamag-anak Inc.’ politicians, pero angal nang angal na lalong naghihirap

ni Pablo Hernandez @Prangkahan | Oct. 11, 2024

BOTO NANG BOTO SA MGA SIKAT NA ‘KAMAG-ANAK INC.’ POLITICIANS, TAPOS NAGREREKLAMO NA KESYO MAHIRAP PA RIN DAW SILA -- Sa latest survey ng SWS ay pumalo sa 16.3 pamilyang Pinoy ang nagsabing sila ay nananatiling mahirap.

Iyang 16.3 pamilyang Pinoy na nagsabing sila ay mahirap, sila iyong madalas nauunggoy ng mga “Kamag-anak Inc.” politicians, at sila iyong mga bumoboto sa mga magkakamag-anak na pulitiko.

Hay naku, angal nang angal na sila ay mahirap tapos boto naman nang boto sa tuwing eleksyon sa mga sikat na “Kamag-anak Inc.” politicians na mga walang malasakit sa mahihirap, tsk!

XXX

MAS NAKAKATAWA MGA BOBOTANTENG BUMOBOTO SA MGA ‘KAMAG-ANAK INC.’ POLITICIANS -- Pinagtawanan ng ilan ang mga hindi kilalang personalidad na nag-file ng certificate of candidacy (COC) para sa pagka-senador kasi turing nila sa mga ito ay mga nuisance candidate.

Sa totoo lang, mas katawa-tawa ang mga bobotante na bumoboto sa “Kamag-anak Inc.” kasi sobrang katangahan na ang kanilang ginagawa dahil mantakin n’yo, buong angkan ng political dynasty ibinoboto nila, boom!

XXX

MGA BOBOTANTE ANG SISIHIN KUNG BAKIT PATI SA MAHIHIRAP NA BANSA, NAMAMASUKANG KASAMBAHAY ANG MGA PINAY -- Nasa higit 11,000 overseas Filipino workers (OFWs), karamihan ay domestic helper o kasambahay ang trabaho sa Lebanon, ang naiipit ngayon sa digmaan ng Israel at Hezbollah terrorists group.

Hindi ‘yung giyera ang iisyu natin dito, kundi ‘yung dami ng mga Pinay na namamasukang DH sa mahirap na bansang Lebanon. 

Kaya natin nasabing mahirap na bansa lang ang Lebanon dahil mas rich ang Pilipinas, base ito sa GDP o Gross Domestic Products ranking ng Georank Org. sa mga bansa sa mundo, kasi ang ‘Pinas ay nasa rank 40 na may GDP na $330 billion, kumpara sa Lebanon na nasa rank 81 na meron lang GDP na $56 billion.

Mga bobotante ang dapat sisihin kung bakit may mga kababayan tayong namamasukang kasambahay kahit sa mga mahihirap na bansa, kasi nga ang iniluluklok nila sa puwesto ay mga sikat na “Kamag-anak Inc.” politicians na “nagpapanggap” na mga lingkod-bayan, pero ang katotohanan ang nais lang yata ay magkaroon ng power sa gobyerno at magka-pork barrel funds, period!

XXX

SA ‘KAMAG-ANAK INC.’ VS ‘KAMAG-ANAK INC.’, AFTER ELECTION ‘KAMAG-ANAK INC.’ PA RIN ANG PANALO -- “Kamag-anak Inc.” vs. “Kamag-anak Inc.” Iyan ang magiging labanan ng mga magkakapamilyang magkalaban sa pulitika sa mga lalawigan, lungsod at munisipalidad.

Iyan ang nakalulungkot na nangyayari sa ‘Pinas, kasi sinuman ang manalo sa magkalabang angkan ng mga pulitikong ito, eh ang panalo ay political dynasty o “Kamag-anak Inc.” pa rin, tsk!

PBBM, initsapwera na si VP Sara na caretaker ng ‘Pinas dahil sa pulitika

ni Pablo Hernandez @Prangkahan | Oct. 10, 2024

DATI SI VP SARA ANG CARETAKER NG ‘PINAS KAPAG LUMALABAS NG BANSA SI PBBM PERO DAHIL SA PULITIKA, ITSAPWERA NA ANG BISE PRESIDENTE -- Sa pag-alis ni Pres. Bongbong Marcos (PBBM) sa bansa para dumalo sa apat na araw (October 8-11) sa ASEAN Summit sa Vientiane, sa Laos, ay sina Executive Sec. Lucas Bersamin, Justice Sec. Crispin Remulla at Agrarian Reform Sec. Conrad Estrella ang ginawa niyang mga caretaker ng Pilipinas at hindi na ang bise presidente na si VP Sara Duterte-Carpio.

Sa totoo lang, dati ang gandang tingnan na kapag lumabas ng bansa ang Pangulo ay ang bise presidente ang nagiging tagapamahala ng Pilipinas, pero dahil sa pulitika, initsapwera na ni PBBM bilang caretaker ng ‘Pinas si VP Sara, tsk!

XXX

KANDIDATURA NG MGA HINDI SIKAT REJECT, PERO KANDIDATURA NG MGA SIKAT NA ‘KAMAG-ANAK INC.’ APRUB SA COMELEC -- Kapag panahon ng eleksyon, laging agrabyado ang mga hindi kilalang personalidad na nais kumandidato sa mga sikat na “Kamag-anak Inc.” o political dynasty.

Ang ginagawa kasi ng Comelec ay nire-reject ang kandidatura ng mga hindi kilalang personalidad na kesyo nuisance candidates daw ang mga ito at sa kabilang banda, ang pinapayagang kumandidato ay ang mga sikat na magkakamag-anak na pulitiko, na ‘ika nga kahit pa sabayang kumandidato sa iba’t ibang posisyon ang mga may “Kamag-anak Inc.” ay aprub sa Comelec, buset!

XXX

PATI ‘SON OF GOD’ JOIN NA RIN SA HALALAN -- Mistulang circus na ang eleksyon sa Pilipinas.

Hindi lang kasi mga may “Kamag-anak Inc.”, mga vloggers at celebrity ang kakandidato sa halalan, kundi pati ang nagpapakilalang “Son of God” na si Pastor Apollo Quiboloy, tatakbo na rin para sa May 2025 midterm elections, boom!

XXX

ANUNSYO NG PSA NA KONTI NA LANG ANG JOBLESS PINOY, KATAKA-TAKA – Inanunsyo ng Philippine Statistics Authority (PSA) na bumaba raw ang bilang ng mga jobless Pinoy sa bansa.

Kataka-taka naman iyang ibinida ng PSA kasi wala namang nababalitang foreign investors na pumasok at nagtayo ng negosyo sa bansa, tapos sasabihin nilang konti na lang daw ang jobless sa ‘Pinas, mga pwe!

Pacquiao, noon inaatake si PBBM, ngayon todo-puri na, ‘anyare?

ni Pablo Hernandez @Prangkahan | Oct. 9, 2024

DOH MISMO ANG NAGSABI, HIGIT 15M PASYENTENG PINOY NASERBISYUHAN NG MALASAKIT CENTER KAYA’T PATUNAY ‘YAN NA ANG BATAS NI SEN. BONG GO MAMAMAYAN ANG NAKIKINABANG -- Sa public hearing ng Senate Committee on Health and Demography nitong nakalipas na Oct. 2, 2024 ay mismong ang Dept. of Health (DOH) ang nagsabi na mahigit 15 milyong Pinoy na naging pasyente ng mga public hospital ang natulungan sa free hospitalization ng Malasakit Center Act ni Sen. Bong Go.

Patunay iyan na ang batas ni Sen. Bong Go na Malasakit Center Act ay epektibong nakapagbibigay ng serbisyo sa sambayanang Pilipino.

Kaya’t sana suklian naman ng mga botanteng Pinoy ang naipagkaloob niyang serbisyo sa mamamayan, lalo na sa mga mahihirap na kababayan, at ito ay ang iluklok siya (SBG) bilang number 1 senador dahil sa batas niyang Malasakit Center, number 1 ang taumbayan sa nakikinabang, period!

XXX

NOONG MAGKALABAN SILA SA PULITIKA INAATAKE NI PACQUIAO SI PBBM, PERO NGAYONG KAKAMPI NA TODO-PURI NA SA PRESIDENTE -- Noong kumandidato si former Sen. Manny Pacquiao sa pagka-presidente year 2022, sa interview sa kanya ni TV host Boy Abunda noong January 2022 ay tinanong siya kung bakit hindi dapat iboto ang frontrunner na presidential candidate noon na si Ferdinand “Bongbong” Marcos, Jr. at ang tugon ni Pacquiao ay may bahid daw ng corruption ang Marcos.

Pero ngayong kasama na siya sa 2025 senatorial lineup ng Marcos administration, tila nalimutan na ni Pacman ang atake niya noon kay Pangulong Marcos kasi iba na ang kanyang sinasabi na kesyo wala raw corruption sa panahon ni PBBM, boom! 

XXX

AKALA NG MGA BOTANTENG PINOY ‘KAMAG-ANAK INC.’ SA PULITIKA ANG MAG-AAHON SA KANILA SA KAHIRAPAN, MALI PALA -- Sa mga nagdaang halalan ay nagluklok na rin ang majority na mga botanteng Pinoy ng mga magkakapamilyang pulitiko, sa pag-aakala na ang “Kamag-anak Inc.” na mga politician ang magbibigay ginhawa sa kanilang pamumuhay. Pero kalaunan ay ang magkakapamilyang politicians ang yumaman nang yumaman, at ang mamamayang nagluklok sa political dynasty ay patuloy ang paghihirap.