CREATE bill, pirmado na ni P-Duterte

ni Ronalyn Seminiano Reonico | March 27, 2021

Nilagdaan na ni Pangulong Rodrigo Duterte ang Corporate Recovery and Tax Incentives for Enterprises o ang CREATE bill.

Ang CREATE bill ay naglalayong pababain ang corporate income tax rate mula sa 30% sa 25% para sa mga malalaking enterprises at 20% naman sa mga small enterprises upang makahikayat ng mga foreign investments na makatutulong upang makaahon ang ekonomiya ng bansa.

Pahayag pa ni P-Duterte, "The CREATE Act will be the guiding document for much of Philippines businesses and industries over the next decades.

"With over P600 billion in tax relief for job creation in the next five years, we lay our faith and invest in Filipino businesses for them to reinvigorate the economy, create more quality jobs, and generate more revenues for the government to tide us along in these trying times.”

Samantala, mayroong ilang probisyon ang bagong batas na hindi inaprubahan ni P-Duterte katulad ng panukalang itaas ang threshold sa exemption ng value added tax para sa real property sales.

Ayon sa pangulo, sa ilalim ng Tax Code, ang pagbebenta ng bahay at lupa na ang halaga ay hindi hihigit sa P2.5 million ay exempted sa VAT upang makatulong sa mga buyers ng socialized housing at based-level economic housing.

Ngunit sa probisyon sa ilalim ng CREATE bill, tinaasan ito sa P4.2 million.

Ayon kay P-Duterte, kung tataasan ito, maaari itong maabuso dahil hindi lamang ang mga target na mabenepisyuhan ang makikinabang.

Aniya, “(It would) benefit those who can actually afford proper housing.

"If not vetoed, the estimated revenue loss from the foregoing is P155.3 billion from 2020 to 2023, which could be used in public goods to benefit the poor directly.”

Hindi rin inaprubahan ni P-Duterte ang pag-alis sa lupa at operating expenses bilang sukatan sa pagkakaroon ng investment.

Kabilang din sa mga hindi inaprubahan ng Pangulo ay ang mga redundant o paulit-ulit na incentives para sa domestic enterprises.

Hindi rin aprubado kay P-Duterte ang automatic approval of applications para sa incentives.

Saad pa ni P-Duterte, "Crucial portions of the CREATE Act were intended to be emergency tax relief for struggling enterprises, but we must not lose sight of this reform's long-term objectives.

"As fiscal resources will be much needed for the government's economic recovery efforts, we must keep this reform's provisions reasonable and not redundant."

Ligtas at epektib na COVID vaccine, target ni P-Du30

ni Lolet Abania | December 3, 2020

Dadalo si Pangulong Rodrigo Duterte kasama ang mga lider ng mga bansa sa isang special session ng United Nations General Assembly (UNGA) ngayong December 3 at December 4 upang talakayin ang COVID-19 pandemic.

Nakatakda ring magbigay ng mensahe si Pangulong Duterte sa Huwebes (oras sa New York) sa nasabing virtual session kung saan nakatuon ito sa paglaban sa pandemya ng Coronavirus.

"… further amplify his call for global solidarity in addressing the challenges posed by the COVID-19 pandemic," ayon sa pahayag ng Office of the President ngayong araw.

"Of particular concern for President Duterte are universal access to COVID-19 technologies and products and the need for global efforts to ensure availability of safe and effective vaccines to people of developing stations," dagdag na statement ng Palasyo.

Matatandaang sinabi ni Duterte na ang pag-access sa COVID-19 vaccines, "must not be denied nor withheld. It should be made available to all, rich and poor nations alike, as a matter of policy," sa general debate 75th session ng UNGA noong September.

Samantala, kahapon, binigyan na ng awtorisasyon ni Pangulong Duterte ang Food and Drug Administration para sa ‘emergency use’ ng COVID-19 vaccines at mga gamot laban dito, kung saan umabot na sa 435,413 ang infected ng virus, 399,325 ang gumaling habang 8,446 ang namatay.

RJ Jacinto, bagong adviser ng telecommunications

ni Lolet Abania | December 2, 2020

Itinalaga ni Pangulong Rodrigo Duterte ang musician at businessman na si Ramon “RJ” Jacinto bilang adviser ng telecommunications, ayon sa Malacañang.

Sa isang pahayag ngayong Miyerkules, sinabi ni Presidential Spokesperson Harry Roque na pinirmahan na ni Pangulong Duterte ang appointment ni Jacinto noong November 25.

“PA Jacinto has served the Duterte administration in various capacities. He was the former Presidential Adviser on Economic Affairs and Information Technology and later became Undersecretary of the Department of information and Communications Technology,” sabi ni Roque.

“We are therefore confident that PA Jacinto would ably and effectively discharge his duties in this new assignment,” dagdag ng kalihim.

Nagpalabas ng anunsiyo si Roque isang araw matapos na himukin ng Palasyo ang mga telecommunications companies na Smart at Globe na magbigay ng updates para sa konstruksiyon ng bagong cell sites na kinakailangan para matiyak ang pagpapalawak ng coverage nito.

Matatandaang noong July ay binalaan ni Pangulong Duterte ang dalawang kumpanya na kanyang ipasasara sakaling mabigo ang mga ito na mapaganda ang kanilang serbisyo sa Disyembre.