'Di bumalik para sa 2nd dose, ipinahahanap ni P-Du30

ni Ronalyn Seminiano Reonico | June 8, 2021

Nanawagan si Pangulong Rodrigo Duterte sa mga hindi pa nababakunahan ng 2nd dose laban sa COVID-19 noong Lunes nang gabi.

Aniya, kulang ang panlaban sa COVID-19 kung hindi magpapaturok ng 2nd dose ng bakuna.

Saad pa ni P-Duterte, “Ang problema rito, ‘yung nabakunahan na, except for the one dose… I think Johnson and Johnson, wala rito niyan… ‘yung nabakunahan na sa first injection ninyo, kailangan kayo ng booster. A second injection. Please find time to go back in line there. Line up and show your card so that they would know that you are receiving the second dose. Booster po ‘yan.

“Alam mo, ang medisina nitong mga Sinovac, Sinopharm and the rest which are available in the Philippines, they require a second dose booster. At kayong iisa lang, kulang ‘yan. Pakilinya lang uli for the second dose because ang protection ninyo is not complete without the booster.”

Ayon pa sa pangulo, nahihirapan siyang kumbinsihin ang mga Pilipino “lalo na ‘yung matigas ang ulo.”

Aniya pa, “Kindly follow instruction. Hindi naman mahirap ‘yan, eh. You find time at your convenience na bumalik doon, pumila at magpabakuna ng tinatawag nilang second booster. ‘Yun ang magbibigay sa inyo ng more or less, a good protection.”

Pero diin din ni P-Duterte, “But it does not guarantee that you will not be contaminated unless you observe the protocols of the washing of the hands again and mask, and social distancing kasi hindi pa talaga nawala itong COVID-19.”

Nanawagan din si Pangulong Duterte sa mga opisyal ng mga local government units (LGUs) na hanapin ang mga hindi pa nababakunahan ng second dose at kumbinsihin ang mga ito na magpaturok ulit.

Aniya pa, “I want the authorities and the LGUs to find out why this is happening and to take steps to return there… (makumbinsi) sila na madala ng mga barangay captain pati mayors.

"Kindly help us ferret out persons who have not received the booster until now.”

Halos isang taon din umanong hinintay ng mga Pilipino ang bakuna laban sa COVID-19 at ngayong medyo maluwag na ang suplay, maaari nang makapagpabakuna ang mas nakararaming mamamayan.

Aniya pa, "Paki ano lang kasi itong COVID na ito is a very toxic thing and it can contaminate you again. There is no guarantee. Although it would give you a measure of protection, it does not guarantee that you will not get COVID again. In spite of your vaccines and boosters, please observe the basic protocols.”

Public address ni P-Duterte, 2 beses na-postpone dahil sa puyat

ni Lolet Abania | May 25, 2021

Muling ipagpapaliban sa ikalawang beses ngayong Martes ang regular public address ni Pangulong Rodrigo Duterte, ayon sa Malacañang.

Paliwanag ni Presidential Spokesperson Harry Roque, si Pangulong Duterte at kanyang delegasyon ay kababalik lamang sa Manila mula sa isang Regional Peace Council meeting sa Dumaguete City na ginanap nu'ng Lunes nang hapon.

“Talk to the People will be moved tomorrow. Nakauwi na kami galing Dumaguete, ala-una na. Medyo puyat po lahat, including ang mga tao sa OP [Office of the President],” ani Roque sa isang Palace briefing ngayong Martes.

“Kaya sa Wednesday ang Talk to the People,” dagdag ni Roque.

Karaniwan nang isinasagawa ang public address ni P-Duterte tuwing Lunes ng gabi, subalit ito ay na-postpone dahil sa pulong nito sa Dumaguete.

Matatandaang noong May 17 sa naganap na Talk to the People, nakasama ni Pangulong Duterte si Senate President Juan Ponce Enrile na 97-anyos na, bilang kanyang guest upang talakayin ang isyu sa West Philippine Sea.

Dahil sa naging mga pag-uusap at mahabang paliwanag ni Enrile, tumagal ang taped address ng Pangulo kung saan ipinalabas ito at hinati sa dalawang bahagi.

Ang part 1 ay noong May 17 ng gabi at ang part 2 ay May 18 naman ng tanghali.

Sa kabila ng patuloy na pananatili ng mga Chinese sa paligid ng Exclusive Economic Zone (EEZ) ng Pilipinas na nasa West Philippine Sea, sinusuportahan ni Enrile ang posisyon ni P-Duterte na hindi dapat kalabanin ang China.

P-Duterte at VP Leni team-up para sa bakuna, panghatak ng magpapaturok

ni Ronalyn Seminiano Reonico | May 20, 2021

Iminungkahi ni Senator Joel Villanueva ngayong Huwebes na magsama sa isang infomercial sina Pangulong Rodrigo Duterte at Vice-President Leni Robredo upang hikayatin ang mga Pilipino na magpabakuna laban sa COVID-19.

Saad ni Villanueva, “Ang isang mungkahi po natin, maglabas ng isang joint public service announcement ang pangulo at ang bise-pangulo. This is the kind of ad that will be effective in convincing a large part of our population that vaccines are safe.

“Ito po ang tambalang nakikita nating mabisa na pangontra sa mga fake news. Both are vaccine recipients, and are living proof that vaccines do no harm.

Ito ang naisip na suhestiyon ni Villanueva matapos ianunsiyo ng Department of Health (DOH) na sasabihin lamang sa recipient ang vaccine brand bago sila bakunahan upang maiwasan ang overcrowding at siksikan sa mga vaccination sites.

Aniya pa, “Vaccine agnosticism will not work without vaccine advocacy. We have to educate before we inoculate. Sadly, much still needs to be done in this area. There is only one vaccine against fake news and that is truth told in a convincing manner.

“But the biggest problem actually is not brand rejection among the people, but vaccine hesitancy in general. Informed choice cannot be substituted with a ‘take-it-or-leave-it’ policy.”