9 patay sa pamamaril sa mosque sa Oman

ni Eli San Miguel @Overseas News | July 17, 2024

Namatay ang siyam na katao, kasama ang tatlong mga salarin, at higit sa dalawang dosenang iba pa ang sugatan sa pag-atake sa isang mosque ng mga Shi'ite sa Oman noong Lunes ng gabi. Iniulat ng mga otoridad na ito'y isang security breach.

Ayon sa mga opisyal, apat na Pakistani, isang Indian, at isang pulis ang kasama sa mga namatay sa pamamaril. Sinabi ng pulisya ng Oman na 28 katao mula sa iba't ibang bansa ang nasugatan, kabilang ang mga tauhan ng seguridad.

Sinabi ng foreign ministry ng Pakistan na naganap ang pag-atake sa mosque ni Ali bin Abi Talib. Kilala rin ito bilang Imam Ali mosque, isang bahay-sambahan ng mga Shi'ite sa Oman na pinamumunuan ng Ibadi, na may maliit ngunit impluwensyal na minorya ng mga Shi'ite. Hindi pa sinabi ng pulisya kung natukoy na nila ang motibo ng pag-atake o kung may mga naaresto na sila. Hindi rin nila inilabas ang mga pangalan ng mga salarin.

Travel restrictions sa 10 bansa, extended sa Agosto 15

ni Ronalyn Seminiano Reonico | July 30, 2021

Pinalawig ng Pilipinas ang travel restrictions sa mga biyahero mula sa sampung bansa hanggang sa Agosto 15 upang maiwasan ang pagkalat ng COVID-19 Delta variant, ayon sa Malacañang.

Saad ni Presidential Spokesperson Harry Roque, "President Rodrigo Duterte approved the recommendation of the Inter-Agency Task Force (IATF) to extend the travel restrictions currently imposed to 10 countries until August 15. These countries include India, Pakistan, Nepal, Sri Lanka, Bangladesh, Oman, United Arab Emirates, Indonesia, Malaysia and Thailand."

Samantala, inilabas na rin ng Malacañang ang listahan ng mga bansang ikinokonsidera bilang “green countries” o ang mga low-risk sa COVID-19 na binubuo ng: Albania, Antigua and Barbuda, Benin, Brunei, Cayman Islands, Comoros, Djibouti, Gabon, American Samoa, Australia, Bermuda, Bulgaria, Chad, Ivory Coast, Equatorial Guinea, Gambia, Anguilla, Azerbaijan, Bosnia and Herzegovina, Burkina Faso, China, Dominica, Falkland Islands, Ghana, Grenada, Kosovo, Marshall Islands, Montserrat, Niger, Northern Mariana Islands, Romania, Saint Pierre and Miquelon, Slovakia, Hong Kong, Laos, Federated States of Micronesia, New Caledonia, Nigeria, Palau, Saba, Singapore, Taiwan, Hungary, Mali, Moldova, New Zealand, North Macedonia, Poland, Saint Barthelemy, Sint Eustatius, at Togo.

OFWs sa Oman, puwede na uli

ni Lolet Abania | June 22, 2021

Sumang-ayon na ang Pilipinas na bawiin ang deployment ban ng mga manggagawa patungo sa Oman, kapalit ng pagluluwag naman ng naturang bansa sa kanilang entry restrictions para sa mga biyaherong Filipino.

Ayon sa Philippine Overseas Employment Administration (POEA) Administrator Bernard Olalia, ang mga opisyal ng dalawang bansa ay nagpulong kahapon, June 21, upang talakayin ang pagpasok ng mga Filipino sa Oman.

Sinabi ni Olalia, ipinaliwanag ng gobyerno ng Oman na hindi nila intensiyon na i-ban ang pagpasok ng mga overseas Filipino workers (OFWs) sa kanilang bansa, kung saan unang ipinagbawal ang entry ng mga Filipino sa Oman.

Bilang kapalit nito, nakatakdang i-lift ang ibinabang order na pagbabawal sa deployment ng mga Pinoy sa Oman na inianunsiyo ng gobyerno noong nakaraang linggo.

Wala namang ibinigay na timeline si Olalia kung kailan ili-lift ang restriksiyon, subalit posibleng magresulta ito ng pag-aalis ng entry restrictions sa Oman.

“Sa madaling salita po, ‘pag nagkaroon na ng lifting sa Oman at tayo ay nag-lift na, ora mismo makakapagpadala na tayo ng OFWs sa Oman,” ani Olalia.

Ayon pa kay Olalia, mayroong 5,000 OFWs na patungong Oman na umalis na simula January hanggang May, katumbas ng 1,000 kada buwan.