Presyo ng petrolyo posibleng tumaas pa ng P4-5 kada litro sa susunod na linggo — industry source

ni Jasmin Joy Evangelista | March 5, 2022

Posible pa umanong tumaas ang presyo ng petrolyo sa susunod na linggo kung saan ito na ang magiging ika-10 sunod na linggo ng weekly hikes, dahil sa patuloy na pagtaas ng global crude oil sa gitna ng Ukraine-Russia war.

Batay sa oil trading monitoring sa nakalipas na limang araw, base sa Mean of Platts Singapore, sinabi ng oil industry source sa GMA News Online na posibleng tumaas ang presyo kada litro ng diesel ng P5.30 hanggang P5.50.

Ang presyo naman ng gasolina ay posibleng tumaas ng P3.50 hanggang P3.70 kada litro.

Samantala, batay sa Unioil Petroleum Philippines’ price forecast mula March 8 hanggang 14 trading week, posibleng tumaas ang presyo ng P4 kada litro ang habang P3 kada litro naman ang gasolina.

Ika-8 na oil price hike nagbabadya sa Peb. 22

ni Jasmin Joy Evangelista | February 20, 2022

Nagbabadya ang ika-walong taas-presyo sa langis sa Pebrero 22, ayon sa mga taga-industriya. 

Inaasahang nasa P0.80 hanggang P1 ang taas-presyo sa kada litro ng gasolina habang P0.50 hanggang P0.60 naman ang nagbabadyang taas-presyo sa diesel at P0.40 hanggang P0.50 na price hike naman ang aasahan sa kada litro ng kerosene. 

Taas-presyo sa produktong petrolyo:

Gasolina P0.80-P1.00/L

Diesel P0.50-P0.60/L

Kerosene P0.40-P0.50/L

Ika-5 sunod na oil price hike sa Pebrero 1

ni Jasmin Joy Evangelista | January 30, 2022

Nakatakdang muling magtaas ang presyo ng petrolyo sa Pebrero 1.

Ito na ang ika-5 sunod na linggo na may ika-5 sunod na price hike.

Galaw sa presyo ng petrolyo:

Gasolina - P0.80-P0.90/L

Diesel - P0.60-P0.70/L

Kerosene - P0.40-P0.50/L

Ayon sa mga taga-industriya, mabagal pa rin at hindi nahahabol ang pagtaas ng demand ng petrolyo kahit nag-anunsiyo na ng dagdag-produksyon ng OPEC-plus countries.

Tumaas din ang presyo sa world market dahil sa posibleng giyera at sanctions sa Russia na isang malaking exporter ng langis sa buong mundo.