Bigtime oil price hike na naman.. P1.40 sa diesel, P1.65 gasoline, P2.40 kerosene

ni Mai Ancheta @News | August 12, 2023

Panibagong kalbaryo na naman ang haharapin ng mga motorista sa susunod na linggo dahil sa nakaambang bigtime oil hike sa gasoline, diesel at kerosene.

Ayon kay Oil Industry Management Bureau Assistant Director Rodela Romero, ang napipintong malakihang oil hike ay batay sa apat na araw na oil trading simula August 7-10.

Inaasahang tataas ng mula P1.35 hanggang P1.65 per liter ang presyo ng gasoline, habang P1.10 hanggang P1.40 per liter naman ang diesel at tataas ng P2.05 hanggang P2.40 per liter ang kerosene.

Kapag nailarga ang dagdag-presyo, ito na ang ikalimang beses na straight na pagtaas ng gasoline, at pang-anim sa diesel at kerosene.

Bigtime oil price hike, non-stop.. P3.60 sa diesel, P2.65 kerosene, P.35 gasoline

ni Mai Ancheta @News | August 5, 2023

Panibagong kalbaryo ang kahaharapin ng mga motorista sa susunod na linggo dahil sa posibleng oil price hike.

Ito ang magiging ikalimang linggo ng pagtaas sa presyo ng diesel, kerosene at pang-apat sa gasolina.

Ayon kay Oil Industry Management Bureau Assistant Director Rodela Romero, posibleng tumaas ng mula P3.40 hanggang P3.60 kada litro ang diesel batay sa apat na araw na oil trading.

Maaari namang tumaas ng P2.45 hanggang P2.65 per liter sa kerosene at sa gasolina naman ay madadagdagan ng 15 sentimos hanggang 35 sentimos.

Sinabi ng opisyal na ang inaasahang oil hike ay epekto pa rin ng anunsiyo ng Saudi Arabia na magbabawas sila ng kanilang produksyon.

Sinegundahan naman ng ilang oil industry expert ang napipintong oil hike at hindi nalalayo ang kanilang pagtaya sa naging pahayag ng mga opisyal ng Department of Energy na nasa pagitan ng P2.45 hanggang P2.65 per liter sa kerosene; habang P0.15-P0.35 per liter sa gasolina.

Oil price hike, non-stop — tsuper.. Piso dagdag-pasahe

ni Mai Ancheta @News | August 1, 2023

Dahil sa sunud-sunod na pagtaas sa presyo ng produktong petrolyo, hihirit ng pisong dagdag sa pasahe ang mga tsuper ng pampasaherong jeep.

Dudulog ngayong Martes sa Land Transportation Franchising and Regulatory Board (LTFRB) ang grupong Pasang Masda para ipaalala ang hirit nilang pisong surcharge sa pasahe tuwing rush hour para makabawi sa non-stop oil price hike.

Ang pisong surcharge ay sisingilin lamang tuwing rush hour mula alas-5 ng madaling-araw hanggang alas-8 ng umaga, at tuwing alas-5 ng hapon hanggang alas-8 ng gabi.

Ayon kay Obet Martin ng Pasang Masda, malaking tulong ang pisong surcharge tuwing

rush hour upang makabawi naman sila kahit papaano sa apat na sunud-sunod na taas-presyo sa petrolyo.

Ngayong Martes, panibagong pasanin ang sasalubong sa mga motorista dahil sa mahigit tatlong pisong dagdag-presyo kada litro sa produktong petrolyo.