ni Jeff Tumbado @News | September 12, 2023
Iba't ibang progresibong grupo ang nagkasa ng kilos-protesta sa harapan ng Department of Agriculture (DA) sa Quezon City para kalampagin ang kasalukuyang administrasyong Marcos kaugnay sa kawalang solusyon umano na ginagawa para mapigilan ang walang tigil na pagtaas sa presyo ng krudo at bigas.
ni BRT @News | September 10, 2023
May nakaamba na namang panibagong taas-presyo sa petrolyo sa susunod na linggo, na 10th straight week na.
Base sa pagtaya, posibleng tumaas ng 30 sentimos hanggang 60 sentimos ang kada litro ng diesel.
Sisirit naman mula P0.10 hanggang P0.40 kada litro ang gasoline habang P0.20 hanggang P0.50 kada litro ang kerosene.
Kadalasang ipinatutupad ang oil price hike tuwing Martes.
ni Mai Ancheta @News | September 2, 2023
May nakaambang na panibagong pagtataas sa presyo ng produktong petrolyo sa susunod na linggo.
Batay sa pagtaya ng Department of Energy-Oil Industry Management Bureau, posibleng tumaas ng 20 sentimos hanggang 40 sentimos kada litro ang kasalukuyang presyo ng gasolina; 80 sentimos hanggang piso kada litro naman sa diesel; at 90 sentimos hanggang P1.10 kada litro ang dagdag sa presyo ng kerosene.
Sinabi ni DOE-OIMB Assistant Director Rodela Romero na posibleng mabago pa ang projected oil increase depende sa magiging resulta ng huling araw ng trading sa linggong ito.
Ang napipintong oil price hike ayon sa opisyal ay dahil sa aksyon ng China na pagaanin ang demand ng petrolyo sa kanilang bansa, gayundin sa epekto ng hurricane Idalia na tumama sa oil production at power generation facilities sa Amerika at Gulf of Mexico na nagbunsod para higpitan ng Estados Unidos ang kanilang supply ng krudo.
Batay sa monitoring ng DOE sa retail price sa Metro Manila, ang presyo ng gasolina ay nasa pagitan ng P60 at P81.05 per liter; diesel nasa pagitan ng P58.95 at P72.20/liter; at kerosene sa pagitan ng P86.65 at P89.30 per liter.
