Oil price hike sa Setyembre 28

ni Jasmin Joy Evangelista | September 27, 2021

Muling magkakaroon ng pagtaas sa presyo ng petrolyo simula bukas, Setyembre 28.

Ito ay inanunsiyo ng mga kompanya ng langis ngayong Lunes.

Ito na ang ika-5 sunod na linggong nagkaroon ng oil price hike.

Ipinaliwanag ng mga taga-industriya na may taas-presyo dahil humina ang palitan ng piso kontra dolyar.

Tumataas din daw ang overall demand sa langis sa gitna ng pagkapos ng suplay ng United States (US) dahil pa rin sa pananalasa ng bagyo noong mga nakaraang linggo sa maraming US oil refineries.

Caltex

DIESEL +P0.90/L

GASOLINA +P0.55/L

KEROSENE +P0.95/L

Shell, Seaoil (Alas-6 ng umaga)

DIESEL +P0.90/L

GASOLINA +P0.55/L

KEROSENE +P0.95/L

Petrogazz (Alas-6 ng umaga)

DIESEL +P0.90/L

GASOLINA +P0.55/L

Cleanfuel (Alas-4:01 ng hapon)

DIESEL +P0.90/L

GASOLINA +P0.55/L

Oil price hike sa Setyembre 14

ni Jasmin Joy Evangelista | September 11, 2021

May dagdag-presyo muli sa langis sa Martes, Setyembre 14, ang ikatlong sunod na linggo ng price hike.

Presyo ng petrolyo:

• Gasolina — P0.30 - P0.40 /litro

• Diesel — P0.25 - P0.35/litro

• Kerosene — P0.10 - P0.20/litro

May P0.30 hanggang P0.40 kada litrong taas-presyo sa gasoline.

Ang diesel, magdaragdag ng singil na P0.25 hanggang P0.35 kada litro.

Samantala ang kerosene may P0.10 hanggang P0.20 kada litrong dagdag-singil.

Matatandaan din na nitong Biyernes ay sinabi ng Meralco na tataas ang bill ng Meralco sa Setyembre.

Big-time taas-presyo sa gas, simula bukas

ni Lolet Abania | August 2, 2021

Magtataas ang apat na kumpanya ng langis ng kanilang produktong petrolyo simula bukas, Agosto 3.

Sa magkakahiwalay na advisories ngayong Lunes, ang Pilipinas Shell, Petro Gazz, Cleanfuel, at Seaoil ay nag-abiso na ang kanilang presyo ng gasoline ay itataas ng P1.05 per liter.

Ang Seaoil at Pilipinas Shell ay magpapatupad naman ng dagdag na P0.75 per liter sa kerosene. Gayundin, ang apat na kumpanya ng langis ay may dagdag-presyo sa diesel na P0.80 per liter.

Epektibo ang taas-presyo ng alas-6:00 ng umaga ng Martes para sa Pilipinas Shell, Petro Gazz, at Seaoil habang alas-4:01 ng hapon naman sa Cleanfuel.