12 pang Pinoy mula Lebanon, balik-bansa na

ni Eli San Miguel - Trainee @News | December 16, 2023

Nakapagpa-repatriate ng 12 Pilipino ang Philippine Embassy sa Beirut sa gitna ng patuloy na tensiyon sa pagitan ng Hezbollah, isang kilalang kaalyado ng Palestiyanong militanteng grupo na Hamas, at ang Israeli Defense Forces (IDF), ayon sa Department of Foreign Affairs (DFA).

Sa isang pahayag, sinabi ng DFA na binubuo ang 12 Pilipino ng siyam na permanenteng residente ng Lebanon, isang Overseas Filipino Worker (OFW) na nananatili sa kampo ng Migrant Workers Office, at isang kamakailang pinalaya mula sa pagkakapiit.

“The repatriates expressed their gratitude to the Embassy for facilitating their return to the Philippines during the crisis alert level 3 in Lebanon,” nakasaad sa pahayag.

8 OFWs sa barkong tinamaan ng Russian missile, balik 'Pinas

ni Angela Fernando - Trainee @News | December 9, 2023

Nakauwi na sa 'Pinas nitong Biyernes ang 8 Pinoy na crew members sa barkong Kmax Ruler, na tinamaan ng isang Russian missile nu'ng Nobyembre.

Mainit ang naging pagsalubong sa mga OFW sa Ninoy Aquino International Airport ng Department of Migrant Workers (DMW).

Ayon sa DMW, "With their arrival, all 25 Filipino crew members of the ill-fated Kmax Ruler, which was damaged in a Russian missile attack at the Ukrainian port of Pivdennyi in the Black Sea, are back in the country."

Matatandaang nakarating nu'ng Nobyembre 25 ang unang batch ng repatriates na nasundan ng grupo ng 14 na OFW nu'ng Disyembre 2.

10 OFWs sa Lebanon, nakauwi na

ni Eli San Miguel - Trainee @News | November 4, 2023

Nakauwi na sa 'Pinas ang 10 overseas Filipino workers (OFW) mula sa Lebanon kung saan may tensyon sa pagitan ng Israel at mga miyembro ng Hezbollah.

Ito ay ayon kay Department of Migrant Workers (DMW) Officer-in-Charge Hans Leo Cacdac sa isang panayam sa Super Radyo dzBB ngayong Sabado.

Inanunsiyo ni Cacdac na ang dumating na anim na OFWs sa Pilipinas noong Biyernes ay ang ikalawang grupo ng mga nag-repatriate mula sa Lebanon.

Dagdag niya, apat na hiling para sa repatriation mula sa 26 OFWs sa West Bank ang kasalukuyang isinasagawa.

“Meron na [ding] dalawang nakatawid from West Bank to the Allenby Border Crossing to Jordan at nasa Jordan na sila. Hopefully, magkaroon pa ng pag-process ng mga gusto nang makauwi,” ani Cacdac.

Sinabi ni Cacdac na ang kakulangan ng mga flight at ang pagkaantala sa pagproseso ng mga dokumento ay ilan sa mga hamon na kinahaharap para sa repatriation.

Sinabi rin ni Cacdac na inaasahan na may isa pang grupo na binubuo ng 23 Pilipino ang darating mula sa Lebanon sa Lunes.