Mga OFW puwede na ulit sa Taiwan simula Feb. 15

ni Jasmin Joy Evangelista | February 8, 2022

Papayagan nang muling makapasok ang mga Overseas Filipino Workers (OFW) sa Taiwan simula February 15 sa kabila ng banta ng COVID-19, ayon sa Manila Economic and Cultural Office (MECO) nitong Lunes.

Sa isang pahayag, sinabi ni MECO Resident Representative at Chairman Wilfredo Fernandez na ito ay kinumpirma ng Taiwan Economic and Cultural Office sa Maynila.

“We want to thank the Taiwan officials, as well as their business leaders, for their continuing trust and confidence in the world-class skills, competence, and work ethics of Filipino workers,” ani Fernandez.

Gayunman, kailangang mag-comply ng mga OFW sa requirements ng Taiwan government.

Kabilang dito ang documentary requirements ng vaccination cards, RT-PCR results, at mandatory quarantine, ayon kay Fernandez.

Ayon pa kay Fernandez, kailangang bayaran ngrecruitment agencies ang pre-deployment pandemic fees ng OFW na tutungo sa Taiwan, kung saan ito ay mandated sa ilalim ng memorandum circular 1 of the Philippine Overseas Employment Administration (POEA).

“Any infraction will be dealt with severely in accordance with the law,” pahayag ni Fernandez.

Samantala, sinabi ni MECO labor official at lawyer na si Cesar Chavez, Jr. na nagbabala ang Taiwan authorities sa mga OFWs tungkol sa pagpapsa ng fake vaccination cards.

Mahigit 35,000 OFWs ang nag-aabang ng job openings sa Taiwan na may 11,000 new hires at 24,000 replacements, ayon sa MECO.

Sa ngayon, nasa 160,000 Filipinos ang nagtatrabaho sa Taiwan.

Libu-libong OFW apektado ng entry ban sa Taiwan at Hong Kong

ni Jasmin Joy Evangelista | January 19, 2022

Tinatayang nasa mahigit 5,000 OFWs napa-Taiwan at mga nasa 2,000 Pilipinong nagtatrabaho sa Hong Kong ang hindi makaalis ng bansa dahil sa entry ban ng mga nasabing bansa.

Mula pa noong Mayo 2021 ay may entry ban na sa Taiwan para sa migrant workers, habang kabilang naman ang Pilipinas sa 8 bansang may flight ban sa Hong Kong.

"Two weeks 'yung sinabi po ng Hong Kong government dahil po iniiwasan nila 'yung surge. Alam niyo po kasi magcha-Chinese New Year eh, so itong Chinese New year kasi eh spreader ito. Ganu'n din sa Taiwan ano, kaya nga ang pagbubukas nila after the Chinese New Year. Ito din ang inaasahan ng bansang Hong Kong," ani POEA Administrator Bernard Olalia.

Ayon sa POEA, nasa 40,000 ang job vacancies sa Taiwan.

Samantala, nakikipag-ugnayan ang Pilipinas sa Hong Kong at Taiwan para siguruhin na susunod ang mga OFW sa lahat ng protocols oras na tanggalin ang ban.

Sa Hong Kong, kailangan ng vaccination card at negatibong RT-PCR test 2 araw bago ang biyahe at may kasamang 20 araw na compulsory quarantine at 6 pang COVID-19 tests.

Sa Taiwan naman, kailangan ng 14-day quarantine pero kailangan din ng 2 araw na pre-departure quarantine sa Pilipinas.

Ayon pa kay Olalia, hindi dapat mag-alala ang mga OFW sa gastos dahil sakaling hindi pumayag na sagutin ng Taiwanese employers ang expenses ay sasagutin ito ng agency.

336 OFWs dumating sa ‘Pinas mula sa Kuwait

ni Lolet Abania | December 19, 2021

Nasa kabuuang 336 overseas Filipino workers (OFWs) ang dumating sa Pilipinas mula sa Kuwait ngayong Linggo, ayon sa Department of Labor and Employment.

Sa isang post sa Facebook, sinabi ng DOLE na alas-10:30 ng umaga dumating sa Ninoy Aquino International Airport (NAIA) Terminal 1 ang mga nasabing OFWs.

“Ngayon po ang unang araw ng ating Pamasko at Bagong Taong salubong sa mga nanunumbalik na mga OFW. Kayo po ang kauna-unahan nating sasalubungin,” ani Overseas Workers Welfare administration (OWWA) Administrator Hans Leo Cacdac.

Nakatanggap naman ang mga OFWs ng mga pasalubong (souvenir items) at cash gifts na mula sa DOLE at OWWA.

Ang mass repatriation flight na ito ng mga OFWs mula sa Kuwait ay bahagi ng “Pamaskong Handog sa OFW” program ng DOLE at ng OWWA.