4 pa sugatan... 2 SAF trainees, todas sa sagupaan sa umano’y NPA

ni Lolet Abania | November 21, 2021

Patay ang dalawang police officers habang apat ang nasugatan matapos masabugan ng isang improvised explosive device (IED) sa isang sagupaan sa pagitan ng mga miyembro umano ng New People’s Army (NPA) sa Northern Samar nitong Sabado ng umaga.

Kinilala ng mga awtoridad ang dalawang nasawi na sina Patrolman Franklin Marquez at Patrolman Jimmy Caraggayan Jr.

Batay sa ulat ng Police Regional Office 8, may apat pang nasugatan matapos ang insidente. Tinamaan ang mga biktima ng IED sa kanilang engkuwentro sa mga tumatakas na rebelde sa Barangay Lonoy sa munisipalidad ng Gamay.

Sa isang Facebook post, nagpahayag ng pakikiramay ang Philippine National Police (PNP) sa mga naulilang mga pamilya nina Santos at Caraggayan.

“Our snappy salute to the bravery they have shown. They were killed in the line of duty defending our country against insurgency. We would want to recognize the valor of four other troop members who were injured during the firefight,” ani PNP chief Police General Dionardo Carlos sa isang statement.

Ayon sa PNP, magbibigay sila ng financial assistance sa mga naulilang pamilya ng dalawang police personnel habang medical aid naman sa apat na iba pa na nagpapagaling na sa ngayon.

Patuloy ring tinutugis ng mga awtoridad ang mga rebelde.

Ang dalawang nasawing pulis ay naka-enroll sa Special Action Force Commando Course (SAFCC) na sumasailalim na sa training para maging kasapi ng PNP-SAF.

3 pulis, patay; 10 sugatan sa ambush

ni Ronalyn Seminiano Reonico | May 29, 2021

Tatlong pulis ang patay at 10 pa ang sugatan sa naganap na pag-ambush ng mga hinihinalang miyembro ng New People’s Army (NPA) sa Magsaysay, Occidental Mindoro noong Biyernes nang umaga.

Ang mga naturang pulis ay miyembro umano ng Philippine National Police’s First Occidental Mindoro Provincial Mobile Force Company na nagtungo sa San Nicolas para sa outreach program na “Serbisyo Caravan” na inorganisa ng Provincial Task Force-Ending Local Communist Armed Conflict.

Base sa ulat ng awtoridad, alas-10:30 nang umaga naganap ang engkuwentro nang paulanan ng bala ng baril ang mga pulis na sakay ng open vehicle na nakaparada malapit sa highway.

Ayon kay Provincial Police Chief Col. Hordan Pacatiw, ang mga nasawing pulis ay sina Police Executive Master Sgt. Jonathan Alvarez at Police Cpl. Stan Gonggora. Ngayong Sabado naman binawian ng buhay si Police Staff Sergeant Nolito Develos Jr..

Dagdag pa ni Pacatiw, ang tinambangang sasakyan ng mga pulis ay bahagi ng security convoy ni Gov. Eduardo Gadiano. Naganap ang pananambang ng armadong grupo nang pauwi na umano sina Gadiano matapos ang “Serbisyo Caravan”.

Samantala, nagsasagawa na ng operasyon ang awtoridad upang matugis ang mga salarin sa insidente.

8 NPA, patay sa Negros Oriental

ni Mary Gutierrez Almirañez | March 24, 2021

Patay ang walong hinihinalang miyembro ng New People's Army (NPA) sa naganap na sagupaan sa pagitan ng mga awtoridad na tumagal nang mahigit 3 oras sa Guihulngan City, Negros Oriental nitong Martes, Marso 23.

Ayon kay Acting Commander Colonel Michael Samson ng 303rd Infantry Brigade, "I urge our soldiers to relentlessly pursue the NPAs who had been threatening our people in the countryside.”

Dagdag pa niya, “I also encourage the people to continue giving information on the presence of NPAs in their communities in order for us to prevent them from casting terroristic activities that could hamper the ongoing peace and development in the area."

Maliban sa katawan ng mga nasawi ay narekober din ang pagmamay-ari umano nilang 11 na malalakas na baril.