Misa para kay yumaong si PNoy, ipinagdasal din si Kris

ni Lolet Abania | June 24, 2022

Sa ginanap na Misa bilang paggunita sa unang anibersaryo ng kamatayan ni dating Pangulong Benigno “Noynoy” Aquino III ngayong Biyernes, kasabay na ipinagdasal ang paggaling ng kanyang kapatid na si Kris Aquino.

Ang panalangin para sa pagbuti ng kalagayan ni Kris ay binasa ng kanyang pamangkin na si Miguel Aquino-Abellada sa Prayers of the Faithful na bahagi ng Misa.

“For those sick and burdened, who are bereaved or in any distress, especially Kristina Bernadette, that they may be among the meek and humble of heart whom God comforts by revealing the secrets of his love,” sabi ni Miguel habang binanggit nito ang buong pangalan ng kanyang tita.

Kabilang sa mga dumalo sa Misa para sa yumaong si PNoy ay sina outgoing Vice President Leni Robredo, ang magkakapatid na Aquino, mga miyembro ng Liberal Party, kung saan sila nag-respond ng “Fill us with your love, Lord.”

Matatandaan na na-diagnose si Kris na mayroong Eosinophilic Granulomatosis with Polyangiitis (EGPA), dating kilala bilang Churg-Strauss Syndrome, at sumasailalim na rin sa treatments.

Una nang sinabi ng pinakabata sa magkakapatid na Aquino, na ang paliwanag sa EGPA niya ay tinatawag na kanyang adult-onset asthma, weight loss, gastrointestinal intolerances at fluctuating blood pressure, kung saan ipinagbawal na kay Kris ang pag-travel.

Nitong Mayo, ibinulgar naman ng Queen of All Media, na nagsa-suffer siya mula sa isang life-threatening illness. Sina Kris at Noynoy ay mga anak ng yumaong si Senador Benigno “Ninoy” Aquino Jr. at yumaong dating Pangulong Corazon Aquino.

Samantala, si Ateneo President Fr. Bobby Yap ang nag-officiate ng Misa para kay yumaong PNoy, na ginanap sa Church of Gesu sa loob ng Ateneo de Manila University campus sa Quezon City ng alas-10:00 ng umaga ngayong Biyernes.

AFP, may 21-gun salute sa libing ni ex-P-Noy

ni Lolet Abania | June 25, 2021

Nagsagawa ang Armed Forces of the Philippines ng makabuluhang gun salute sa Camp Aguinaldo ngayong Biyernes nang umaga bilang pagkilala sa yumaong dating Pangulong Benigno “Noynoy” Aquino III.

Mula sa naturang gun salute, ipinagpatuloy ang iba pang programa ng AFP sa buong maghapon. Bandang alas-10:00 ng umaga, ipinahayag ni AFP Chief General Cirilito Sobejana ang kanyang mensahe para sa kanilang dating commander-in-chief na si ex-P-Noy.

Aniya, lahat ng commanders ng subordinate units ay kasabay din nilang nagsasagawa ng parehong ceremony. Binigyang-pugay ni Sobejana ang naging kontribusyon ng Aquino administration sa modernisasyon ng Armed Forces dahil sa patuloy na pagkakaroon ng mga makabagong equipment para sa military.

Samantala, sa isang interview kahapon kay AFP Spokesperson Major General Edgard Arevalo, sinabi nitong eight guns o cannons ang magkakasunod nilang papuputukin simula alas-5:00 ng umaga ngayong Biyernes.

“After the eight round of canon fire, there will be one round of cannon to be fired at 7 o’clock in the morning and then every one hour thereafter. Until the hour of 5, there will be another salvo and another round of eight salvos in succession,” dagdag pa ni Arevalo. Paliwanag nito, ang walong rounds ay sumisimbolo sa walong probinsiya sa Philippine Revolution.

Gayundin, sa libing sa Sabado, sinabi ni Arevalo na bibigyan ng AFP ang dating pangulo ng isang 21-gun salute. Si Aquino ay ihihimlay sa Sabado sa Manila Memorial Park sa Parañaque City, kung saan din nakalibing ang kanyang ama na si dating Senator Benigno "Ninoy" Aquino Jr. at ang kanyang inang si dating Presidente Corazon “Cory” Aquino. Si P-Noy ay naglingkod sa bayan bilang ika-15th pangulo ng Pilipinas simula 2010 hanggang 2016.

P-Noy, tunay na lingkod-bayan – P-Duterte

ni Lolet Abania | June 24, 2021

Nakikiisa si Pangulong Rodrigo Duterte sa pakikidalamhati ng buong bansa sa pagpanaw ni dating Presidente Benigno “Noynoy” Aquino III, na tinawag niyang “true servant of the people” o tunay na lingkod ng bayan.

“I join the nation in mourning the passing of former President Aquino,” ani P-Duterte. “Let us all take this opportunity to unite in prayer and set aside our differences as we pay respects to a leader who has given his best to serve the Filipino people,” sabi pa ni Pangulong Duterte.

Nagpahayag din ang Chief Executive ng pakikiramay sa mga miyembro ng pamilya ng dating pangulo.

“I express my deepest sympathies to his siblings, Ballsy, Pinky, Viel and Kris, as well as to all his loved ones, friends and supporters in this period of sadness,” saad ni P-Duterte.

“May you take comfort in the knowledge that he is now in a better place with his Creator. His memory and family’s legacy of offering their lives for the cause of democracy will forever remain etched in our hearts,” dagdag ng Pangulo.

Una nang nagpahayag ang Malacañang ng pakikidalamhati sa Aquino family dahil sa maagang pagpanaw ni PNoy sa edad na 61.