Alden, ‘di pa talaga BF… KATHRYN, KUMAIN NG 12 GRAPES SA ILALIM NG MESA NU'NG NEW YEAR PARA MAGKADYOWA

ni Nitz Miralles @Bida | Jan. 3, 2025

Kathryn Bernardo - Instagram

May meaning pala ang pagkain ni Kathryn Bernardo ng 12 green grapes sa ilalim ng mesa. Ang ibig daw sabihin ay gusto nitong magka-boyfriend at malinaw na wala silang relasyon ni Alden Richards. 

Kung taken na si Kathryn at si Alden ‘yun, hindi siya kakain ng 12 grapes. 

Ikinatuwa ito ng mga ayaw kay Alden for Kathryn at ikinalungkot naman ng mga umaasang may KathDen in real life.

Pero, hindi ba puwedeng nakiuso lang sa trend si Kathryn, kaya kumain ng grapes sa ilalim ng mesa. Binigyan lang ng ibang meaning ng mga netizens.

Anyway, siguro naman, nagbatian noong New Year sina Kathryn at Alden, pero hindi sila magkasama. Nasa ibang bansa ang aktor at doon nag-celebrate ng kanyang 33rd birthday kasama ang pamilya.

Itutuloy ni Alden sa bakasyon habang nasa ibang bansa siya para naman makapagpahinga at makapag-recharge.

Ikinatuwa at nagpasalamat ang mga fans ni Alden sa Eat…Bulaga! (EB!) at sa mga hosts

ng noontime show dahil kahit wala na sa EB! si Alden, hindi pa rin siya nakakalimutang batiin tuwing birthday niya.

Matatandaan na noong kasal nina Jose Manalo at Mergene Maranan, kabilang si Alden Richards sa wedding entourage, patunay na hindi nawala ang friendship niya sa mga taga-EB!.

---

Pasabog ang Instagram post ni Barbie Forteza sa unang araw ng 2025.

Kahapon, January 1, ginulat ng Kapuso princess ang lahat sa kanyang IG post na matapos ang 7 taon, hiwalay na sila ng kanyang Kapuso actor boyfriend na si Jak Roberto.

Simula ng post ni Barbie, "Having you in my life was the happiest I had ever been. Seven wonderful years, a lot of laughs, a lot of ramen, and so much love.

“Your love was exceptional.

“But sometimes, good things fall apart so better things can come together.”

“Beautiful goodbye, @jakroberto”

Nagpasalamat din ang aktres sa pagmamahal na ipinakita ni Jak sa kanya sa loob ng kanilang pitong taong relasyon.  

“Thank you for loving me the way you did. I am excited for what's to come for the both of us. You take care of yourself. May you find the love you deserve.”

Pagtatapos nito, “I hope for everyone's understanding and I wish you can help us put this matter to rest.”

Hindi sinabi ni Barbie ang dahilan ng hiwalayan kaya tiyak na maraming espekulasyon na naman ang maglalabasan.

---

MAY pre-Valentine concert ang Sessionistas sa February 8, 2025 sa The Theater at Solaire billed Love Sessionistas: A Pre-Valentine Concert. Kinabibilangan ito nina Ice Seguerra, Nyoy Volante, Sitti, Duncan Ramos, Princess Velasco, Kean Cipriano at Juris.

Ang nasabing concert ay love letter ng mga performers sa kanilang fans na walang sawang sumusuporta sa kanila mula pa nang ipakilala sila sa ASAP’s 2009 Pwesto segment. 

They promised an evening filled with music, nostalgia and heartfelt moments.

“Over the years, this phenomenal group captures hearts with their soulful renditions, unmatched chemistry, ang personal connection to their audience. Now, they’re back to relive the magic, performing their greatest hits and timeless OPM classics and sharing intimate stories about their journeys-onstage and off.”

Sabi ni Liza Diño, CEO ng Fire and Ice Media, producer ng concert, “This is the perfect love month concert. These seven artists are some of the best in the country, each with their own unique sound and genre. But when they come together, it’s like magic—they become a band that’s truly one in heart and soul. That energy is something fans will definitely feel on stage.”

Huling-huli sa camera na disappointed… CRISTINE AT SUE, NAPANGANGA AT NAPANGIWI NA SI RURU ANG BEST SUPPORTING ACTOR, ‘DI SI SID

ni Nitz Miralles @Bida | Dec. 29, 2024

Sue, Yul at Cristine - MMFF / Circulated

Ayan na nga, may kumakalat na ngayong meme nina Cristine Reyes at Sue Ramirez nang i-announce ang winner sa Best Supporting Actor sa 50th MMFF Awards Night. 

Presenter ang dalawang aktres na magkasama sa The Kingdom (TK) and they were rooting for Sid Lucero to win dahil siguro kasama sa nabanggit na pelikula at gumanap pang kapatid nila.

Kaso, si Ruru Madrid ang nanalo, pangalan ni Ruru ang nabasa nila at hindi pangalan ni Sid, kaya disappointed ang dalawang aktres. 

Nakakatuwa lang ang expression ni Cristine na napanganga at si Sue, napangiwi.

Bago ang announcement ng winner, narinig ang sinabi ni Cristine na, “Kailangan si Sid ‘to, ah...” na ang ibig sabihin, ang co-star nila sa TK ang manalo, kaya disappointed ang magkaibigan.

Hindi namin napanood ang full video kaya hindi namin malaman kung sina Sue, Crisine at Yul Servo rin ang nag-present ng award kay Ruru for winning Best Supporting Actor para sa movie na Green Bones (GB). Kung sila ang nag-present ng trophy, nakangiti kaya ang dalawa at binati kaya nila si Ruru?

‘Kaaliw ang mga comments ng mga netizens kina Cristine at Sue, sana raw ay naging professional ang dalawa. May nag-comment pa na ang pangit ng kanilang reaction. Ano kaya ang masasabi nina Cristine Reyes at Sue Ramirez dito?

---

Kaya ‘di makabalik-showbiz kahit gustung-gusto… “KAILANGAN KONG MAGPAPAYAT” — SEN. JINGGOY 

ISA sa mga naitanong kay Senator Jinggoy Estrada sa post-Christmas party niya sa press ay kung kailan siya babalik sa showbiz? 

Ang sagot nito, “Gusto ko sana, kaya lang, kailangan kong magpapayat.” 

Sa dami ng trabaho nito sa Senado, parang walang time magpapayat ang senador.

Anyway, natutuwa si Jinggoy sa magandang resulta ng 2024 Metro Manila Film Festival (MMFF), sa magagandang film entries at sa sipag at sigla ng tao na manood ng sine. 

Sana raw, magtuluy-tuloy na ang sigla ng pelikula para maraming taga-showbiz ang nabibigyan ng trabaho.

Well, isa nga sa mga rason ni Jinggoy para balikan ang showbiz at gumawa ng pelikula ay para mabigyan ng trabaho ang mga taga-industriya, lalo na ang mga maliliit na manggagawa. Kaya lang, kailangan niyang magpapayat.

Ang mga anak naman daw niya, walang hilig sa showbiz at napilitan lang siguro noon dahil sa kanya. 

Nabanggit din ni Jinggoy na ayaw niyang mag-showbiz ang mga anak, masaya na siya kung saan ang focus ng mga ito ngayon.

Gaya na lang ng anak na si Jolo Estrada, kasama siya ng mom niyang si Precy Estrada na tatakbo sa BFF Partylist o Balikatan of Filipino Families. Si Precy ang first nominee at hindi nabanggit kung sino kina Jolo at Charilu Puno ang second at third nominee.

---

Waging Best Supporting Actor sa 50th MMFF…

RURU: BUONG BUHAY KO, LAGI AKONG TALO

Ruru Madrid sa 50th MMFF - Instagram

Maganda ang mensahe ni Ruru Madrid sa pagkapanalo niyang Best Supporting Actor sa 2024 MMFF para sa pelikulang Green Bones (GB).

Sabi nito, “Buong buhay ko, lagi po akong underdog. Lagi akong talo, ina-underestimate. I realized na kaya pala siya nangyayari sa ‘kin para kapag dumating ‘yung araw na ibibigay na sa ‘kin ‘yun, kapalit nu’n katulad po nito (award), hindi ko po ite-take for granted, lahat ng ‘yun. Naniniwala ako na basta ikaw, naniniwala ka sa sarili mo na kaya mo, mararating mo ‘yung pinapangarap mo.”

Malaki rin ang paniniwala at tiwala ng GMA Network kay Ruru sa kakayahan niya. In fact, ang Book 2 ng Lolong na pinagbibidahan ni Ruru ang isa sa malalaking projects ng network for 2025. Kundi kami nagkakamali, sa January 20, 2025 na ang premiere nito.

Sa New Year Countdown ng GMA, kabilang na si Ruru sa frontliner kasama sina Julie Anne San Jose, Rayver Cruz, Sanya Lopez. Christian Bautista, Bianca Umali, at Ai Ai delas Alas. 

Kasama rin ang SB19 sa mga performers na gumawa ng theme song na ang pamagat ay Nyebe na ginamit sa Green Bones.

Kumpleto raw ang pamilya niya… RUFFA, PROUD NA KASAMA SI HERBERT SA PASKO

ni Nitz Miralles @Bida | Dec. 28, 2024

Herbert Bautista at Ruffa Gutierrez - Instagram

Ipinasilip ni Ruffa Gutierrez ang Christmas party celebration ng kanilang pamilya at kumpleto ito, from her parents, to her daughters, siblings at mga pamangkin.

Lahat ay naka-smile sa mga nai-post na photos at sa isang picture, makikita si Herbert Bautista na nakisaya rin sa party ng mga Gutierrez. Kaya lang, hindi sumunod si Herbert sa dress code dahil sa halip na red, black polo ang suot.

May rason nga ang caption ni Ruffa na, “Grateful for these special moments with loved ones. Merry Christmas and Happy Holidays from my family to yours.”

May mga comments na kinilig kina Ruffa at Herbert.

“Iba ang saya ng face ni Ruffa. Maaliwalas, halatang in love.” 

“Hard launch.” 

“OMG! Herbert Bautista with the beautiful Ruffa. So cute.” 

“Ayieee! Herbert and Ruffa, nakakakilig. Stay happy.”

---

Bago pa tuluyang mawala…

ISANG HIMALA, 9 CINEMAS NA LANG, AICELLE TODO-PAKIUSAP NA PANOORIN NA

Aicelle Santos sa Isang Himala - Instagram

Masaya na sana na nadagdagan ang cinemas ng GB, na ang ibig sabihin, pinakinggan ng theater owners ang panawagan at request ng mga moviegoers na dagdagan ang sinehan na paglalabasan ng pelikula.

Nakalulungkot naman na nabawasan ang mga sinehan ng Isang Himala (IH) sa third day pa lang ng 2024 MMFF. May post si Director Pepe Diokno, director ng pelikula tungkol dito sa X (dating Twitter).

“Just got the heartbreaking news that Isang Himala is down to 9 cinemas.... Pero madadagdagan tayo ng Powerplant bukas! (today). Please watch the film before it’s too late, and please request the film from your nearest cinema if it’s not yet showing in your area,” sabi ni Direk Pepe.

May post din si Aicelle Santos tungkol sa kanyang pelikula na sana ay pakinggan ng moviegoers.

Aniya, “Nag-uumapaw po ang pasasalamat sa magagandang reviews ng Isang Himala. Ngunit sadyang kakaunti lang ang sinehan na nagpapalabas sa ‘min. Bago pa mawala, unahin nang panoorin ang ISANG HIMALA.”

Magaganda ang reviews sa movie at tiyak na kapag nanalo ito ng awards sa awards night kagabi, madaragdagan ang interes ng moviegoers to watch the film. 

Tama nga naman, ‘wag puro pa-trend sa X at papuri, panoorin din ang Isang Himala.

---

Nag-post si Dennis Trillo na magkasama sila ni Alden Richards sa pa-block screening ng huli para sa 2024 MMFF entry na Green Bones (GB). Nakaakbay si Dennis kay Alden sa picture at ang sabi, “Dito sa ‘king tabi... Mr. Box Office King. Maraming Salamat #greenbonesmovie #mmff2024.”

Nang mainterbyu si Alden at matanong kung bakit siya nagpa-block screening, “Na-curious ako sa magandang review at excited akong mapanood,” sagot nito.

Para mas masaya ang kanyang panonood, nagpa-block screening siya sa Shangri-La Plaza Mall at inimbita ang iba nilang kasama sa Pulang Araw (PA). Present sina Barbie Forteza, Jay Ortega at Sanya Lopez at dumating din si Atty. Annette Gozon-Valdes. Of course, baka gawing isyu na wala si David Licauco sa block screening at baka isiping hindi siya inimbita ni Alden. Ang rason kung bakit wala siya ay nasa bakasyon ito sa ibang bansa.

Kaya kahit magkaaway ang mga roles nina Alden at Dennis sa PA, friends sila in real life. 

Dumating din si Ruru Madrid na kahit wala sa PA ay kasama naman sa GB at nagpakita ng husay sa pag-arte.

Sayang at wala si Director Zig Dulay na naikuwento na gusto ni Alden na magkatrabaho sila at gumawa ng pelikula. Wala palang oras dahil pareho silang busy, pero siguradong gagawan ng paraan ng GMA ang schedule ni Alden para matuloy ang pagsasama nila sa pelikula ni Direk Zig.