'Pag nanalong mayor si Sam… “SI RHIAN ANG FIRST LADY, SECOND LADY LANG AKO” — RS

ni Nitz Miralles @Bida | Dec. 3, 2024

RS at Sam Verzosa - IG @rsfrancisco888

Ang bait na kaibigan ni RS Francisco kay Sam Verzosa dahil ngayong tatakbong mayor ng Manila si Sam, hindi siya umeeksena. 

“Lie low muna ako, hindi nga ako nagba-vlog. Let’s give the spotlight to Sam. Dalhin natin s’ya kung saan siya madadala. My fervent wish ay madala si Sam kung saan s’ya dapat maupo,” pahayag ni RS.

Suportado ni RS si Sam sa lahat ng ginagawa nito para maabot ang gustong maabot sa pagpasok sa pulitika. Nagbiro pa si RS na kung mananalo si Sam, “Si Rhian (Ramos) ang First Lady, Second Lady lang ako.”

Suggestion din ni RS kay Sam, magpatayo ng Boys Town sa Manila, para hindi na sa Boys Town sa Marikina dalhin o pumunta ang kabataan ng Manila. 

Sa ngiti ni Sam, mukhang aprubado sa kanya ang suggestion ni RS, kaya bukod sa dialysis and diagnostic center, mukhang magkakaroon ng Boys Town sa Manila.

Nakakatuwa ang pa-throwback ng president ng Frontrow (RS) at CEO (Sam) sa kanilang mga pinagdaanan bago naging successful owner and founder, kung paano sila nagkakilala at kung paano nagpalibre ng beer si Sam at friend nito kay RS at sa friend naman nito nang magkita sila sa Eastwood.

Ngayon, hindi na nila kailangang magpalibre, ang dami na nilang pambili ng beer. Kilala rin ang Frontrow at si Sam na namimigay ng mga relief package dahil sa halip na sardinas, Spam at Delimondo corned beef ang ibinibigay at may kasama pang chocolate at kung anu-ano pa.

---

Dapat daw parangalan din sa Senado… MOVIE NINA KATHRYN AT ALDEN, NAKA-P1.4 B NA!

Alden at Kath - KathDen

Hindi man mga producers ng Hello, Love, Again (HLA) ang mga fans nina Kathryn Bernardo at Alden Richards, looking forward sila sa pagdating ng araw na bigyan ng karangalan ang dalawa ng Senado dahil sa box office gross ng nabanggit na pelikula.

Kung matatandaan, sina Dingdong Dantes at Marian Rivera were honored by the Senate because of the billion mark gross of their movie, Rewind. Si Senator Robin Padilla ang nag-file ng resolution para kilalanin ang malaking kontribusyon nila sa cinema dahil sa P1.2 billion gross of their movie.

Sa latest update ng ABS-CBN, naka-report na HLA earned P1.4 billion box office sales worldwide.

Showing pa ang pelikula at sa third week ng showing nito, nadagdagan pa ang cinemas na pinaglalabasan. 

Showing ang HLA sa 700 cinemas worldwide, kaya madaragdagan pa nang ilang milyon ang box-office gross nito at baka nga maabot ang P1.5 billion.

---

Wa' paki kahit i-bash ng fans nila ni David…

BARBIE, LANTARAN NG PAGMAMAHAL KAY JAK 

Barbie at Jak - IG Barbie Forteza

Hindi na umiiwas si Barbie Forteza nang may magalit sa kanya na BarDa fans nila ni David Licauco tuwing nagpo-post siya tungkol sa boyfriend na si Jak Roberto. 

Gaya na lang nitong birthday ni Jak, nag-post si Barbie ng birthday greetings at may photo pa silang magkasama.

“Happy birthday, mahal ko @jakroberto. I am so proud of all your accomplishments. I remember we’d always talk about your dreams of having your own house and managing your own business. 

“Ngayon, unti-unti mong tinutupad ang mga pangarap mong ‘yun and I am so happy to have witnesses it myself. 

“Today, we celebrate you. Cheers, Mahal. I love you.”

Sagot ni Jak, “Thank you, Mahal ko sa lahat ng suporta! Mahal na mahal po kita,” at may kasama pang red heart emoji.

Ang hindi na lang ginagawa nina Barbie at Jak ay ang i-open ang comment box ng kani-kanyang Instagram (IG) account para libreng nakakapag-comment ang mga fans, pati na haters nila.

Dapat, dedma na sila sa mga bashers at i-open ang comment box ng IG nila, mas masaya ‘yung minsan, may sinasagot silang bashers.

Speaking of Barbie, malapit na ngang magtapos ang Pulang Araw (PA), pero may next project na siyang aabangan ng kanyang mga fans, ito ang pelikulang P77 na sa title pa lang, maiintriga ka na.

Charo, nag-post ng piktyur, damay din… ABS-CBN, BOBOYKOTIN DAHIL KAY TONI

ni Nitz Miralles @Bida | Dec. 2, 2024

Toni Gonzaga at Charo Santos-Concio - Instagram

Nasa Instagram (IG) Stories ni Charo Santos ang photo nila ng inaanak niya sa kasal na sina Paul Soriano at Toni Gonzaga. Ang caption ni Charo ay: “Catch up lunch with my inaanak @celestinegonzaga and Paul.”

Dahil may mga Kapamilya fans na galit pa rin kay Toni, galit din ang reaction nila. Ang feeling nila, si Toni ang rason kung bakit nagsara ang ABS-CBN. May pagbabanta pa ang iba sa kanila na kung babalik sa ABS-CBN si Toni, bibitaw na sila sa pagsuporta.

May mga netizens naman na nag-aabang kung may mananawagang i-cancel si Charo dahil may mga ganitong panawagan kapag may Kapamilya talent na iniinterbyu si Toni.

Tama naman ang ibang mga netizens, mag-move on na ang hanggang ngayon ay may tampo kay Toni. Kung ang mga bossing ng ABS-CBN nga raw, hindi marunong magtanim ng sama ng loob, ang mga fans, hindi pa rin makapag-move on.

On the other hand, marami ang natuwa na makita sina Toni at Paul with Charo. Inisip ng mga netizens na baka may film offer si Paul kay Charo, kaya sila nagkita-kita.

---

Pareho ng sagot ang magkapatid na KC Concepcion at Frankie Pangilinan na, “I love you, Mama,” sa post ng mom nilang si Sharon Cuneta ng photo nila kasama ang sister nilang si Miel Pangilinan. Mga bata pa ang magkakapatid sa picture at nasa caption ni Sharon ang story behind the photo.

Sabi ni Sharon, “My present phone wallpaper, taken years ago, when all was right in my world.” 

Naunang nag-comment si KC ng, “I love you, Mama,” at sumunod ni Frankie na ganu’n din ang comment. 

Sa post pa lang ni Sharon at sa comment nina KC at Frankie, may mga naiyak na. Nadagdagan ang naramdamang lungkot ng mga nakabasa sa post ni Sharon sa comment ni Judy Ann Santos na, “Everything will be alright soon, my Ate.”

Hindi lang si Judy Ann ang may wish na maging maayos na ang mga anak ni Sharon, halos lahat ng comments, ganu’n ang sinabi. Ang iba, may mga words of encouragement kay Sharon at isa sa magagandang comments ay, “Please don’t allow them to grow older with animosity with each other.”

Isa pang magandang comment, “All will be well in the mighty name of Jesus. My wish is that your family and Gabby’s family will get to know each other better and treat each other as one family.”

Marami ang nag-agree sa comment na ‘yun na hindi imposibleng mangyari, lalo na’t friends na uli sina Sharon at Gabby Concepcion. 

May reels si Sharon na magkasama sila ni Gabby sa airport pabalik na ng Pilipinas. Nabanggit na ni Sharon na sabay silang uuwi ng bansa. May mga nag-wish na dahil okay na sina Sharon at Gabby, sana raw, si Gabby ang maging daan para magkaayos na sina Sharon at KC (kung may tampuhan man sila).

---

Hindi naitanong sa mga taga-production ng Unang Hirit (UH) kung kasama pa sa morning show ng GMA-7 si Matteo Guidicelli. Wala kasi ang mister ni Sarah Geronimo sa mediacon para sa 25th anniversary ng programa.

Si Lyn Ching, wala sa mediacon dahil nasa abroad at may interview. Nabanggit din kung bakit wala si Ivan Mayrina. Hindi nabanggit kung bakit wala si Matteo o baka wala na siya sa programa at tapos na ang kontrata niya sa GMA Public Affairs.

Anyway, pangungunahan ni Arnold Clavio ang isang linggong selebrasyon at masaya itong nakabalik siya sa programa after three months dahil nga nagka-mild stroke. 

Sobrang nag-iingat na si Arnold ngayon sa kanyang pagkain at sobrang naging health conscious.  Gusto niyang makasama pa rin siya hanggang i-celebrate ng UH ang mga susunod na anniversary.

Mabagal pang kumilos si Arnold, mabagal maglakad dahil nagpapa-therapy pa rin. Pero, naniniwala itong babalik ang kanyang sigla dahil sinusunod niya lahat ang bilin ng kanyang mga doctor.

Ang nakalimutang itanong kay Arnold ay kung babalik pa ba siyang newscaster ng Saksi. Late na kasi natatapos ang newscast na si Connie Sison na ang solong nagbibigay ng balita.

Mas bet si Cedric Juan… SOLID FANS NI KATHRYN, AYAW KAY ALDEN

ni Nitz Miralles @Bida | Dec. 1, 2024

Alden at Kath - KathDen IG

Binati kahapon si Kathryn Bernardo ng kanyang solid fans ng “Maligayang Araw ng Kalayaan” dahil kahapon ang anniversary ng breakup nila ni Daniel Padilla.

Wish ng mga fans ng aktres, hindi na uli siya umiyak halimbawang makipagrelasyon uli dahiil hindi raw niya deserve masaktan.

May mga umaasang si Alden Richards na sana ang mahalin ni Kathryn, pero hindi nila ito ipe-pressure. Kung talagang hanggang magkaibigan lang ang relasyon nila, rerespetuhin ito ng KathDen fans. 

Pero, looking forward ang mga fans na magkasama ang dalawa sa Christmas at New Year at sa birthday ni Alden sa January 2, 2025. 

Matupad kaya ang wish ng KathDen fans?

Alam ng KathDen fans na may solid fans si Kathryn na ayaw si Alden para sa kanya at ngayon, tapos at kumita na ang Hello, Love, Again (HLA), sana raw, makita naman nila si Kathryn na iba ang kasama. May pa-hashtag pa nga sila na #FreeKathrynFromAlden na sinagot ng fans ni Alden ng #FreeAldenFrom KathrynsToxicFans.

May mga aktor na isina-suggest ang ilang fans ni Kathryn na gusto nilang makasama sa next project nito, gaya ni Cedric Juan na bet nilang makasama ng aktres sa gagawin nitong Elena 1944.

Anyway, nasa Dubai si Kathryn sa breakup anniversary nila ni Daniel Padilla at ang mom nitong si Min Bernardo ang kasama. Si Daniel naman ay may mediacon for Incognito, pareho na silang masaya at nakapag-move on.

---

Kobe, 'wag daw sanang ma-turn-off… 

KYLINE, AMINADONG ‘DI MARUNONG MAGLUTO 

Kobe at Kyline - IG

Tanong ng mga fans, hindi raw ba na-turn-off si Kobe Paras sa reaction ni Kyline Alcantara na, “Hindi nga ako marunong magluto?” 

Wish kasi ni Kobe na sa Pasko ay ipagluto siya ni Kyline. 

Sabi pa nito, “Sana kahit ano’ng lutuin ni Ky.”

Paano ‘yan at hindi nga marunong magluto ang Shining Inheritance (IS) star? 

Nabahala tuloy ang mga fans nila at sana raw, hindi maging dahilan ‘yung hindi marunong magluto si Kyline para tumabang ang sweet relationship nila.

Hindi naman “fancy dish” ang wish ni Kobe, kaya okey na siguro kahit fried egg na lang, na for sure, alam lutuin ni Kyline.

Nabanggit naman ni Kobe na kung hindi niya makakasama ang family niya sa Pasko, si Kyline at ang pamilya nito ang makakasama niyang mag-celebrate.

Hindi papayag ang parents ni Kyline na magutom si Kobe lalo na sa Pasko, kaya for sure, maghahanda sila. Mas bongga kung tutulong si Kyline sa pagluluto para kahit doon, matuwa si Kobe.

Saka, kabilang sa wish nina Kobe at Kyline na handa sa Pasko ay lumpiang shanghai, lechon, bopis, at pancit. Ang lechon, mabibili sa mga litsunan, ang pancit, bopis at lumpiang shanghai na lang ang lulutuin ni Kyline and her family.

Anyway, hindi na nga naghihiwalay sina Kyline at Kobe at madalas silang magkasama sa mga kasosyalang launching ng international brand. May endorsement na rin silang magkasama, hintayin natin ang launching.   

---

MAY Facebook (FB) post si Ms. Nessa Valdellon tungkol sa Lost Sabungeros (LS) at kung bakit hindi muna mapapanood sa mga sinehan ang nasabing pelikula.

Pahayag niya, “It never ends. LOST SABUNGEROS applied for MTRCB review- so it can be screened on television and in select commercial cinemas. But the MTRCB will still not review us due to concerns about sub judice. They were kind enough to explain the next steps in this process, however. We will comply and hopefully get our rating someday. Meanwhile, grateful for the schools that invited the docu for special screenings. (With our director Bryan, producer Tolits and legal counsel Atty. Viney.”

Kaya habang hindi pa puwede sa commercial release, sa mga schools muna napapanood ang LS. Isa ang pelikula sa mga ipinalabas sa UP Los Baños at parte sa Pelikultura: The Calabarzon Film Festival.

Nagkaroon ng talkback after the screening of the movie with some of the team na gumawa sa pelikula. Pinasalamatan ng GMA Pictures ang mga Iskolar ng Bayan sa UPBL na nanood ng movie.

Noong isang araw, sa UP Film Institute sa UP Diliman naman ipinalabas ang docu-film. Sinundan ng talkback session hosted by Howie Severino. Present si Direk Bryan Brazil at ilang kaanak ng mga nawawala pa ring mga sabungero.