‘Wag daw magmadali sa pagsikat… HEART: ‘DI BASEHAN NG WORTH ANG DAMI NG LIKES

ni Nitz Miralles @Bida | Oct. 19, 2024

Photo: Heart Evangelista / IG

May post si Heart Evangelista sa Instagram (IG) na “Just some thoughts- numbers, ratings, likes will always change. It should never determine your worth. (If by chance you make it- be thankful to those who blessed you with love)- be kind (sometimes) it’s the hardest thing to do) but KINDNESS WILL always WIN - it’s not how fast you get there... It’s all part of the story, the show of your life is NOT gonna end with 1 season after all there has got to be more! So don’t rush! You’re on your own path, take your time, it’s not a rat race.”

Tila sagot ‘yun ni Heart sa inilabas ng Launchmetrics na siya ang top celebrity sa katatapos na Paris Fashion Week (PFW). 

Sa lumabas na data, sa buong fashion week, Heart delivered a $10.6M in media impact value (MIV) sa mga appearances niya sa shows ng Louis Vuitton, Balmain, Schiaparelli, Elie Saab, Dior at iba pang shows na kanyang pinuntahan.

Tapos na ang mga fashion week, mapapahinga ang mga fans nina Heart at Pia Wurtzbach sa awayan at parinigan, until the next fashion week o sa mga ganap na pareho silang invited.

Samantala, sa October 26, 9:30 PM na ang airing ng docu series ni Heart na Heart World sa GMA-7. Marami na ang nag-aabang dito na ipapakita ang mga ganap ni Heart kapag nasa mga fashion week.

Sa post ni Heart na “This is for you my darling #Heartworld,” pati mga fans ni Heart Evangelista sa ibang bansa, gusto itong mapanood.

---

NAGPAABOT ng pasasalamat si Sanya Lopez sa positive feedback sa acting niya sa Pulang Araw (PA) and to think, ang napanood pa lang na eksena ay noong hinuli siya ng mga Hapon at ‘yung narinig niya ang iyak ng kapwa babae na nire-rape ng mga Hapon, posibleng maging simula na rin ng pagiging comfort woman niya. 

Marami pang mahihirap na eksena si Sanya bilang si Teresita, kaya marami pang papuri siyang matatanggap.

Sey niya, “Halu-halo na nararamdaman ko... nakakataba ng puso ‘yung mga komento ninyo sa eksenang napakasakit sa puso. Maraming salamat po.”  

Dagdag pa niya, “Maraming-maraming salamat po talaga dahil maganda ‘yung komento nila sa sobrang sakit na eksena na ginagawa namin.

“Though mabigat s’ya pero after naming gawin ‘to, ang nasa isip ko lang talaga, ito lang ‘yung kaya kong ibigay para du’n sa mga comfort women natin para maipakita natin sa ibang mga kababaihan at sa mga ibang mga Pilipino ‘yung istorya ng buhay nila.” 

Kahit si Sanya, nahihirapang panoorin ang mabibigat  na eksena sa Pulang Araw, lalo pang bumigat sa eksena ng mga comfort women. 

Sa husay nila nina Ashley Ortega at Rochelle Pangilinan, may mga nadadala sa eksena. May nagmu-mute ng kanilang TV, may umaalis sa harap ng telebisyon, may mga napapamura at may mga nagalit sa mga Hapon. Ito ay kahit hindi pa sila ipinanganak noong panahon ng giyera. 

May mga umiiyak at may ini-skip kapag ‘yun na ang eksena at ‘yung pagpapahirap ng mga Hapon sa mga Pilipino.

---

NAIS ipaalam ng MTRCB na nakiisa sila sa Bagong Pilipinas Serbisyo Fair para sa mga Manggagawa sa Paglikha. 

Bilang pagsuporta sa mga manggagawa ng pelikula, telebisyon at mga kaparehong sangay, dumalo ang Movie and Television Review and Classification Board (MTRCB) sa two-day event na ginawa sa Philippine Sports Complex, Pasig City noong October 13 and 14.

Ilan sa mga dumalo ay mula sa organisasyon ng mga aktor, nasa likod ng produksiyon, at mga manunulat at director sa industriya.

Sa event na ‘yun, sinagot ng MTRCB ang mga tanong ng more or less 200 na katao mula sa industriya tungkol sa proseso ng registration ng MTRCB at iba pang serbisyo ng ahensiya. 

Namahagi rin ang Board ng Information and Education Campaign materials sa mga benepisyaryo.

“Kinikilala natin ang malaking ambag ng bawat manggagawa sa industriya ng paglikha. Ang kanilang trabaho ay tunay na napakahalaga sa paghubog ng moralidad at perspektibo ng bawat Pilipino,” sabi ni MTRCB Chairperson at CEO Lala Sotto-Antonio.

Nagsilbi rin bilang one-stop shop para sa mga benepisyaryo ang naturang programa na dinaluhan ng nasa 23 ahensiya kabilang ang MTRCB, at nagbigay ng aabot sa 100 serbisyo para sa mga lumahok sa BPSF.

Ang two-day BPSF event ay programa na handog ni President Bongbong Marcos para sa mga manggagawa sa industriya ng paglikha.

Para magka-boses ang LGBT community… VICE, NAG-ENDORSO NG PARTYLIST

ni Nitz Miralles @Bida | Oct. 18, 2024

Photo: Vice Ganda - FB

Hindi lang suportado ni Vice Ganda ang Ang Kasangga Partylist, present din siya nang i-announce ni George Royeca, ang CEO ng Angkas, ang pagkandidatong congressman sa darating na 2025 midterm elections. Ine-endorse ni Vice ang kandidatura ni George, hindi lang dahil kaibigan niya ito, naniniwala rin siya sa advocacy ng partylist nito.

Sa pamumuno ni George, isinusulong ng Ang Kasangga Partylist ang pagtulong na maitaas ang buhay at kinabukasan ng informal sector sa bansa. Kabilang dito ang gig workers working in various industry kasama ang entertainment sector.

Saad nila, “The partylist is pioneering an initiative to bring to light the often overlooked and undervalued contributions of informal workers to the national economy.”

Dahil sa endorsement ni Vice, mas lalakas ang boses within the LGBTQ+ community, pati na ang gig at informal workers sa entertainment industry.

---

Sa Tahanang Walang Hagdan (TWH) nag-celebrate ng kanyang 37th birthday kahapon si Bea Alonzo at pinasaya niya ang mga naroon by her presence pati na maraming dala niyang mga regalo. Kasama niya sina Jeric Gonzales at Timmy Cruz, gumaganap na nanay at kapatid niya respectively sa Widows’ War (WW) at kinantahan ang mga nasa TWH. 

Naging host naman ng event si Kakai Bautista na kumanta rin. Nakita rin namin sa reels ang mom ni Bea.

Sey ni Bea, “Spreading joy where it matters most. An early birthday celebration at Tahanang Walang Hagdan, a day filled with laughter, love, and unforgettable moments.

“As you know, my mom’s condition has opened my eyes to the challenges faced by persons with disabilities. It’s a cause that resonates with me deeply. Celebrating my birthday at Tahanang Walang Hagdan didn’t just make my day special; it felt like we were able to share a slice of happiness with an incredible community.”

Kasunod nito, pinasalamatan ni Bea sina Timmy, Jeric at Kakai at ang WW staff pati na ang maraming sponsors. Ang daming sponsors kaya maraming naibigay na regalo si Bea.

Maganda ang birthday messages nina Timmy at Jean Garcia kay Bea, pati na ng mga fans at pinuri siya sa kanyang good deeds. Ang dami raw niyang napasaya at maganda ang balik nito sa kanya.

Isa na siguro sa magandang balik kay Bea sa mga pagtulong niya ay ang extension ng WW hanggang sa January 2025. Aabutan yata ang pagre-renew niya ng kontrata sa GMA Network.

---

Kung kelan magpa-Pasko…

JODI, DUROG ANG PUSO PARA SA 100 NA MATATANGGAL SA ABS-CBN

Photo: Instagram / Jodi Sta. Maria

MAY ‘heartbreaking’ na reaction si Jodi Sta. Maria sa balitang 100 workers ng ABS-CBN ang male-lay-off. May kasama pang emoji ng broken heart ang post ni Jodi na ipinag-react din, hindi lang ng mga Kapamilya fans kundi pati ng mga netizens.

“Ang sakit basahin ng balita.” 

“Bilang Kapamilya, super-sakit nito.” 

“Hugs to everyone affected by the decision.” 

May nag-comment pa ng “Yes... truly heartbreaking. Praying for the God of provision to provide for whatever was lost a hundredfold. Praying for strength for the entire network too.”

Ang mas nakalulungkot nito, malapit na ang Pasko at papasok ang Bagong Taon, makakuha man ng separation pay ang mga mawawalan ng trabaho, mauubos din ‘yun. 

Sana lang, makahanap agad ng bago ang mga mawawalan ng trabaho.

Naalala namin, may nabasa kaming tumulong financially si Jodi Sta. Maria sa ilang empleyado ng ABS-CBN na naunang nawalan ng trabaho. Siguradong gagawin uli ito ng Lavender Fields (LF) actress kapag may lumapit sa kanya at humingi ng tulong.

‘Di raw dapat nag-sorry sa simbahan… NEIL, TODO-KAMPI KAY JULIE ANNE

ni Nitz Miralles @Bida | Oct. 17, 2024

Photo: Neil Arce at Julie Anne San Jose - Instagram

Nagpasalamat ang mga fans ni Julie Anne San Jose kay Neil Arce dahil sa Facebook (FB) post nito tungkol sa kontrobersiyang kinasangkutan ng Kapuso singer-actress dahil sa performance niya sa simbahan.

Sey ni Neil, “Saw the issue about Julie Anne San Jose singing in church. I saw her and her network apologize as well. Why apologize? Let’s all remember, we were made in His image and likeness. We have a sense of humor because God has a sense of humor, we enjoy listening to music and seeing people dance because God likes listening to music and seeing people dance as well! 

“Why would He give us these talents if He doesn’t want us to use it? I guarantee you mas hindi nagustuhan ng Diyos ang mga nag-judge sa kanya.”

Ang daming nag-like sa post na ito ni Neil na ibig sabihin, pabor sila sa sinabi nito. Matutuwa si Julie kapag nabasa ang post na ito ni Neil Arce dahil may mga gaya sa husband ni Angel Locsin na hindi siya kinondena at ipinagtanggol pa nga siya.      

---

PORMAL nang ipinakilala si Ogie Diaz bilang main host ng Quizmosa, ang new variety show ng TV5 na ang description ay “chismis with a quiz”. Kasamang ipinakilala ang mga makakasama niya sa show na sina Ton Soriano na isang viral comedian and content creator, ang social media star na si Tita Jegs at ang heartthrob na si Kid Yambao.

Sa mediacon, nagpa-sample ng isang game na gagawin na tinawag na “Mamili Ka” na ang mga tanong ay tungkol sa showbiz, kaya mahuhulaan ng contestant. 

Ang contestant ay puwedeng from showbiz o non-showbiz peeps at sabi ni Ogie, welcome mag-guest kahit ang mga artistang ayaw, galit o nagdemanda sa kanya.

Hindi lang host ng Quizmosa si Ogie, kasali rin siya sa creative, hindi nga lang sinagot ang tanong namin kung iba ang talent fee (TF) niya bilang host at bilang member ng creative team. Nabanggit nito ang pangalan ni Enrico Santos na isa sa mga writers o kasama sa creative team. Nagkatrabaho na sila ni Ogie sa ABS-CBN.

Kita at ramdam ang rapport ni Ogie with his co-hosts. Maganda ang batuhan nila ng joke at parang ni-rehearse ang batuhan nila ng punchline. Swabe ang datingan at dahil ito sa magagaling sina Ton at Tita Jegs and in fairness, nakasabay si Kid.

Natanong si Ogie sa isyung kapareho ng title ng Quizmosa ang title ng bagong segment ng TikToClock. Ginamit na ng GMA-7 ang segment title sa episode ng kanilang show, samantalang sa October 21, 2:30 PM pa ang pilot ng show nina Ogie sa TV5.

“Bahala na ang MediaQuest Ventures sa isyung ‘yan. Ang alam ko, naka-register sa pangalan ng Mediaquest Ventures ang copyright at trademark at August pa lang, ‘yun na ang title ng show namin,” sagot ni Ogie.

Ang MQuest Ventures at Cignal TV ang producer ng Quizmosa na nangako ng ‘bigger and bolder entertainment package to viewers’. Nangako rin sina Ogie na gagalingan nila ang pagpapatakbo sa show dahil ang goal nila ay bumalik sa panonood sa telebisyon ang mga tao. Goal din nilang paabutin ng 20 years ang show.

---

WORDS of encouragement at ang iba, nag-congratulate pa kay Kylie Padilla for being a good mother to her two sons pagkatapos niyang i-post ang palitan nila ng letters ng kanyang mga anak.

Ang cute ng sulat ng panganay niyang si Alas na ang sabi (as is), “I love you, Mama. In the whole world and universe. Be okay in work.”

Sa isa pang sulat, ang sabi naman (as is), “I wish Bakti will be okay in Heaven and please God takeker of bakti.” 

Ang cute raw na hindi kinorek ni Kylie ang spelling ng “take care” ng anak.

May mga naka-relate naman, lalo na ang mga single moms, sa letter ni Kylie sa mga anak na sina Alas at Axl. May mga naluha pa nga at gustong yakapin ang mga anak ni Kylie.

“Hi babies! Mama misses you. Always thinking of you! Behave kayo, ha? ‘Wag kayo mag-aaway, ‘wag n’yo sigawan mga yaya ninyo. Konting tiis lang, sa work si mama. Bili kayo food n’yo, I love you.”

Ang caption ni Kylie sa kanyang post ay “We are a letter writing family.” 

Ang comment ng mga netizens, iba kapag working mom, gustuhin mo mang hindi iwan ang mga anak, hindi puwede dahil kailangan mong magtrabaho.

At least si Kylie Padilla, may mga projects. Nasa cast siya ng Asawa Ng Asawa Ko (ANAK), may Sang’gre pa siya at kasama sa cast ng MMFF entry ng GMA Pictures at GMA Public Affairs na Green Bones (GB).