Sa piktyur nila ni Arjo sa beach… MAINE, TINAWAG NA MUKHANG BOKSINGERA SA LAKI NG BRASO

ni Nitz Miralles - @Bida | April 24, 2022

Pinagdudahan ng ilang AlDub fans ang ipinost na photo ni Maine Mendoza sa kanyang Instagram kasama ang boyfriend na si Arjo Atayde. Hindi raw si Maine ang nasa litrato, edited daw 'yun dahil malalaki ang braso nito sa larawan na para itong boksingera. Parang braso raw ng lalaki ang nasa litrato.

May nag-comment naman na ipinatong lang ang ulo ni Maine sa katawan nito sa litrato. May nagsabi pang hindi hawak ni Maine ang Instagram account niya, iba ang may hawak at ang fake Maine na ito ang nagpo-post ng photos nila ni Arjo.

Pero, mas marami ang naniniwalang legit ang pictures, kaya inulan ng congratulations ang dalawa na nag-celebrate pala ng kanilang third anniversary. Kaya pala ang caption ni Maine sa photo nila ni Arjo na nasa beach at may hawak na drinks ay “To more coladas, laughs, and sunsets with you.”

Kabilang sa mga nag-congratulate sa kanila sina Maja Salvador, Jake Cuenca, Miles Ocampo, Liz Uy at maraming ArMaine fans.

Wish nilang maging forever ang relasyon nina Arjo at Maine at mauwi sa kasalan ang dalawa.

Para sa boto… ANAK KO, FREE BOOKING SA MGA BADING — ISKO

ni Nitz Miralles - @Bida | April 23, 2022

Para sa ibang netizens, hindi maganda ang dating kahit biro ang sinabi ni Manila Mayor Isko Moreno sa kampanya niya sa Butuan, last Monday, na ireregalo niya sa mga LGBT ang anak niyang si Joaquin Domagoso.

Sabi ni Isko, “Sa ating mga LGBT, mamaya ireregalo ko sa inyo si Joaquin. Libre ang booking. Pero tingin lang, ‘wag kakainin.”

Si Joaquin naman daw ay kumilos na parang tatalon sa mga tao na nasa kampanya ng ama.

Ilan sa mga nabasa naming reaction, “Anak niya 'yan, ha? Kahit sabihin mong joke, sexually suggestive jokes such as that should not be used to entice a specific group. Masyadong low. Eh, kung ‘yung anak nga niyang lalaki na alam niyang may hitsura, ginagamit niyang pambiro, as if the kid is a sexual object para lang i-arouse ‘yung crowd. Everyday palala ka nang palala, Isko.”

Pati si Joaquin, nadamay sa comment ng isang member ng LGBTQ, parang G na G daw ang young actor.

"Imagine, tatay mo, sasabihin sa mga tao na libreng booking ka sa mga members ng LGBTQIA+ during his rally? How low na you go Isko? Baka akala nila, super-hayok kami sa lalaki,” pahayag nito.

Ang daming tao sa kampanya ni Isko sa Butuan kung saan niya sinabing ireregalo niya si Joaquin sa LGBTQ+. Hindi naman siguro bumitaw sa pagboto sa kanya ang mga nakarinig sa kanyang joke.

Wala pang sagot o reaction si Isko sa mga na-turn-off sa kanyang joke at maging si Joaquin, wala pang reaction sa controversial na pahayag ng ama.

Sa wakas, this is it! SANYA, TODO-CHEER SA PLAYER NG DE LA SALLE NA SI AJ BENSON

ni Nitz Miralles - @Bida | April 22, 2022

Ayan, may mali-link na kay Sanya Lopez at siya ay ang basketball player ng De La Salle at St. Benilde na si AJ Benson.

Nakita kasing nanood ang bida ng First Lady sa laban ng La Salle at St. Benilde sa Mapua Cardinals kasama si Maxine Medina. Si Benson ang tsini-cheer ni Sanya dahil magaling daw.

Nagkakilala na sina Sanya at Benson dahil nang mag-guest sina Sanya at Maxine sa Game On-Sports Studio of Champions, nasa studio rin si Benson.

Clueless si Benson kung sino si Sanya, pero pagkatapos nilang magkakilala, tiyak na alam na ni Benson na artista si Sanya at for sure, pina-follow na niya sa Instagram.

Matagal nang walang nali-link kay Sanya, malay natin, magkasundo sila ni Benson at maging madalas na ang panonood niya sa game nito.

Hindi naman pababayaan ni Sanya kapag muling nag-schedule ng locked-in taping ang First Lady na hanggang July pa raw ang airing.