'Di lang basta laplapan, Carmina… ZOREN, MAY IKINAMANG 20-ANYOS NA BAGUHANG AKTRES

ni Nitz Miralles - @Bida | April 30, 2022

Pasabog ang role ni Lianne Valentin sa Afternoon Prime ng GMA-7 na Apoy sa Langit na premiere na sa Monday, May 2, 2:30 PM after Eat... Bulaga!.

Pasabog dahil sa maiinit at mapusok niyang eksena kasama si Zoren Legaspi. Bilang si Stella, gaganap siyang kabit ni Cesar (Zoren) at titira pa sa bahay ni Cesar at ng mapapangasawa nitong si Gemma (Maricel Laxa).

May kissing scene, bed scene at iba pang nakakakiliting eksena sina Zoren at Lianne at abangan din ang mga eksenang ang mga kamay ni Zoren will do wonders to Lianne’s body.

ZOREN, MAY IKINAMANG 20-ANYOS

After Apoy sa Langit, hindi na 20 years old ang magiging tingin kay Lianne kahit 20-anyos lang siya in real life.

Sabi nito, “I’m 20 years old at nag-decide ako that I wanna step up sa role na gagampanan and I really want to be challenged. Kaya nang mag-audition ako sa role ni Stella, no second thought, this is what I’m looking forward. Kinabahan ako sa audition with Direk Laurice Guillen, pero hindi ako natakot dahil ito ang gusto ko.”

Daring nga siguro ang mga eksena nina Zoren at Lianne dahil tinanong ni Zoren kung alam ng parents ni Lianne ang kanyang gagawin.

Hindi raw sumagot si Lianne, pero sabi nito, ipinaalam niya sa parents niya ang mga eksena niya para hindi mabigla sakaling mapanood na siyang nakikipaghalikan at nasa bed with Zoren.

BF, maka-BBM… ANDREA, 'DI MAPILIT SI RICCI NA MAGING KAKAMPINK

ni Nitz Miralles - @Bida | April 29, 2022

Tila hindi pa successful si Andrea Brillantes na i-convert ang boyfriend na si Ricci Rivera na maging Kakampink mula sa pagiging BBM supporter.

Kaya namin ito nasabi ay dahil sa pahayag ni Ricci na “Do not be afraid to come out as BBM supporter. That is your freedom to express.”

Nabanggit kasi ni Andrea na patuloy niyang kinukumbinsi ang boyfriend na mag-switch into a Kakampink, kaya lang, nananatiling BBM supporter si Ricci.

In fairness kay Ricci, ipinagtanggol nito si Andrea sa mga bashers. Kung sa kanya raw ay okay lang ang effort ni Andrea to convert him to support VP Leni, sana, ganu’n din daw ang mga netizens.

Finlex pa nga niya ang effort ng GF para magbago ang isip niya.

Tiyuhin, ‘di raw totoong Padilla… BELA, NAGSALITA NA SA KUMALAT NA BANAT NIYA KINA ROBIN

ni Nitz Miralles - @Bida | April 28, 2022

Nag-react at itinanggi ni Bela Padilla via her Instagram Stories ang kumalat na fake statement diumano niya na patama kay Robin Padilla at sa administration ni President Rodrigo Duterte.

Nakiusap si Bela na itigil ang fake news and fake statements. Ang sabi pa, nakuha ni Bela ang fake statement mula sa FB group na Leni Robredo for President 2022.

Heto ang nakasaad sa fake statement na inalmahan ni Bela:

“We, the entire PADILLA clan, except Robin Padilla of course, who claims to be a Padilla, but in reality is not, since his DNA test reveals that he did not come from the Padilla family, strongly condemns the DESPOTIC DUTERTE ADMINISTRATION FOR SHUTTING DOWN ABS-CBN!”

Agad nilinaw ni Bela ang kumalat na fake news na pinalabas na galing sa kanya at ginamit pa ang logo ng ABS-CBN. Wala raw siyang ini-endorse na kandidato dahil hindi siya registered voter.

“Although I am not endorsing any politician for this upcoming election because I didn’t actually register to vote... I would never refer to my uncle @robinhoodpadilla who I grew up with by his first name. We were all taught better than that. Please stop with the fake news and fake statements,” pakiusap ni Bela.

May pahabol pa itong, “Also, PS: Why is the construction of this “statement” chaotic?”

May sasagot kaya sa tanong na ito ni Bela?