Aktor, wa' pa ring GF… 2 MISS UNIVERSE CANDIDATES, NAKA-DINNER DATE NI ALDEN

ni Nitz Miralles - @Bida | May 6, 2022

Nasa IG story ni Miss Spain ang photo nila ni Alden at naka-tag pa ang aktor, kaya tiyak na nakita na nito ang photo nilang dalawa. May mga nag-isip na baka may project si Alden with Miss Spain na welcome sa fans ng Kapuso actor.

Tapos na ang Miss Universe Philippines, nasa bansa pa rin sina Miss Spain at Miss Bahrain at sa Instagram ni Miss Spain, parang may photo shoot siya for a magazine yata o endorsement.

Dahil sa lumabas na photos kasama ang naggagandahang dilag, may nagpaalala na naman kay Alden na kailangan na niyang maghanap ng girlfriend.

Dahil kay Alden… JOHN LLOYD, GUSTONG SI BEA ULI ANG MAKASAMA, 'DI NA PUWEDE

ni Nitz Miralles - @Bida | May 5, 2022

Sina Max Collins at Julie Anne San Jose ang mga guests sa summer episode ng Happy ToGetHer, ang sitcom na pinagbibidahan ni John Lloyd Cruz.

Sa Boracay kinunan ang episode at dahil summer episode, naka-swimsuit sina Max at Julie.

Second season na ng Happy ToGetHer at nabanggit ni JLC na may offer na ibang show ang GMA-7 sa kanya at nagustuhan niya.

Ang usapan, si Bea Alonzo ang kanyang makakapareha, kaya lang, ginagawa ni Bea ang Start-Up with Alden Richards. Kung itutuloy ng GMA-7 na si Bea pa rin ang ipareha kay JLC, matatagalan pa ito dahil may Start-Up si Bea at marami pang projects.

Sino kaya sa Kapuso leading ladies ang puwedeng makapareha ni JLC maliban kay

Bea?

Saka na gawin ang JLC-Bea project, bigyan na lang ng bagong makakapareha si JLC sa series na kanyang gagawin sa GMA-7.

Todo-enjoy sa ginagawa… RAYVER, MADALAS NA SA BAHAY NI JULIE

ni Nitz Miralles - @Bida | May 4, 2022

Tama ba ang nasagap namin na ‘yung bagong piano ni Julie Anne San Jose ay regalo ni Rayver Cruz?

Parang advance birthday gift daw ni Rayver kay Julie ang Steinway & Sons piano dahil birthday ng singer-actress sa May 17.

Ang bongga palang magregalo ni Rayver! Inaabangan na tuloy kung ano naman ang ireregalo ni Julie kay Rayver sa birthday nito sa July 20.

Ang tsika, dapat ay sorpresa ang regalo ni Rayver kay Julie. Hindi lang napigil ng nag-deliver ng piano kina Julie dahil ipinost sa Facebook at maraming fans ang nakabasa.

Siguro, hindi pa man naide-deliver ang piano, nalaman na ng mga fans ng dalawa na siyempre, kinilig.

Sa regalong piano ng aktor, madalas mag-collab sina Rayver at Julie at ibig sabihin, madalas ang una sa bahay ng huli, gaya ng latest collab nila na ang sabi ng mga fans, ginawa sa recording studio nina Julie.

Mababasa rin ang mga comments na puro positive at aprub ang love team nina Julie at Rayver.

Mababasa rin ang mga comments ng relatives ni Rayver gaya nina Sunshine Cruz, Geneva Cruz, ang brother na si Rodjun Cruz at asawa nitong si Dianne Medina.

Naki-comment din ang uncle ni Rayver na si Jeff Cruz, ang mga showbiz friends ng dalawa kabilang sina Lani Misalucha, Shaira Diaz, EA Guzman, Jak Roberto at Piolo Pascual.

Parehong nagpasalamat sina Julie at Rayver kay Piolo sa comment nitong “Wow! Galing n’yo 'tol” sa collab ng dalawa sa song na Location Unknown. May bonus ang fans dahil towards the end of the video, sa halip na makiapir kay Julie, biglang niyakap ni Rayver ang singer-actress.

Samantala, mapapanood na ang Limitless concert ni Julie sa TV sa May 15, 22 at 29, Sunday at 2 PM. Ang concert ay nanalo ng Silver Medal sa New York Festivals TV & Film Awards 2022.