Puno raw ng COVID patients… ZSA ZSA, 5 ARAW NANG NAGTITIIS SA SAKIT, 'DI MAKAPAGPAOSPITAL

ni Nitz Miralles - @Bida | April 11, 2021

Ang tweet ni Zsa Zsa Padilla na “Been in pain for 5 days already. Don’t know what to do ‘coz the hospitals are full of COVID patients. I may need to go in and get the MRI test that I need. Good Lord have mercy!”

May kasunod pang tweet si Zsa Zsa na “Full for COVID. 'Yun na nga, napabayaan na din natin health natin kasi wala na checkup sa ibang sakit na nararamdaman. Huhuhu. Paano na?”

Sa naunang tweet, nabanggit ni Zsa Zsa na may pain sa kanyang back at leg, pero hindi sinabi kung ang area na ‘yun ng body niya ang kailangan ng MRI.

Nakalulungkot lang na sa ganu’ng tweet, na-bash pa rin si Zsa Zsa dahil OA raw siya dahil kung pupunta siya ng hospital, iba ang wing ng COVID patients sa non-COVID patients.

Pero, may rason ang takot ni Zsa Zsa na pumunta ng hospital at totoo ring hassle kahit magpa-checkup lang dahil sa ibang hospital, kailangang magpa-swab test muna bago makapagpa-checkup.

Taping ng serye, stop… GLAIZA, NAGKA-COVID-19!

ni Nitz Miralles - @Bida | April 10, 2021

Pati pala si Glaiza de Castro ay nagka-COVID at inamin niya ito sa interview sa kanya ng 24-Oras. Hindi nabanggit ni Glaiza kung kailan at kung saan siya nahawa ng COVID. Ang magandang balita lang, magaling na siya at bumalik muna sa Baler, Quezon habang nagpapalakas pa.

Ang pagkakasakit yata ang rason kaya natigil ang taping ng Nagbabagang Luha at naurong ang airing nito. Mahirap nga namang iere ang teleserye kung kakapusin ng for airing episode.

Isa pa ring nagka-COVID ay si Rhian Ramos na kasabay pa niyang nagkasakit ang manager na si Rachel Librado. Magaling na at nagpapalakas sina Rhian at Rachel at inamin ng aktres na natakot siya at nagpapasalamat na gumaling din.

Bukod sa nilait ang mukha ng bata… BABY NINA JANELLA AT MARKUS, SINABIHAN NG NETIZEN NA MAGKA-COVID

SANA

ni Nitz Miralles - @Bida | April 9, 2021

May mas grabe pa palang comment sa baby nina Markus Paterson at Janella Salvador kesa sa comment ni Gabriel Anunciacion na pinuntirya ang mukha ni Baby Jude.

May babaeng basher na nag-wish na magka-COVID ang baby. Ano ba'ng pumasok sa isip ng babaeng ‘yun na pati bata, pinag-isipan nang masama?

Kaya ang payo ng mga netizens kina Janella at Markus, ituloy nila ang demanda sa mga bashers na nag-comment ng nega sa anak nila, lalo na ‘yung Gabriel at ‘yung nag-wish na magka-COVID si Baby Jude.

Sa umpisa lang matatapang, matatakot din naman pala. Si Gabriel nga, nag-post ng letter of apology sa Facebook at para hindi siya ma-bash, naka-settings na walang makakapag-comment.

Pati ang mga kagaya ni Gabriel na nag-comment, deactivated na raw ang FB account, kaso na-save ni Markus, kaya ang payo sa kanila ni Janella, tuluyang idemanda ang mga bashers.