'Di palalampasin… BASHERS NG ANAK NINA JANELLA AT CARLO, IDEDEMANDA NG ABS-CBN

ni Nitz Miralles - @Bida | April 15, 2021

Naglabas ng statement ang Star Magic tungkol sa pamba-bash ng mga walang magawang netizens sa mga anak ng mga artista kung saan kabilang ang baby boy nina Janella Salvador at Markus Paterson sa mga biktima. Sinundan ito ng anak nina Carlo Aquino at Trina Candaza na si Enola Mithi na binantaan pang papatayin.

Heto ang nilalaman ng "Statement Against Bashing Of Artists Children On Social Media".

“Star Magic is deeply concerned about the bashing and threats directed to our artists’ young children on social media. These posts are not only irresponsible and unnecessary, but they are also downright heartless and cruel.

"We stand with our artists in calling out these people, who may be liable for violating the law against child abuse (Republic Act 7610) and existing libel laws.

"We will not hesitate in seeking legal action to make sure these individuals, whose posts have already caused undue hurt and trauma, will learn their lesson.”

Hirap na hirap daw mag-isa… RICHARD YAP, UMAMING NAGKA-COVID

ni Nitz Miralles - @Bida | April 14, 2021

Sa interview kay Richard Yap ng 24-Oras, inamin nitong nagka-COVID siya last year, nu'ng unang bugso pa lang ng pandemic. Inamin niya sa interview ni Lhar Santiago ang hirap na pinagdaanan niya nang magka-COVID.

“At the time, there was still no treatment for it. Also there’s no one who can help you, you have to be all by yourself, so psychologically, it was really very hard. There was nothing I could do but pray,” pahayag ni Richard.

Sa patuloy na pagtaas ng COVID case sa bansa, nagpo-focus si Richard sa kanyang health by working out at tamang kinakain. Kumuha siya ng personal trainer para siya’y matulungan o i-guide.

May kinalaman din sa sisimulang taping nina Richard at Heart Evangelista ng series na I Left My Heart in Sorsogon ang pagsabak niya sa workout. Ayaw daw niyang magmukhang bodyguard ni Heart kapag magkasama sila sa eksena at kailangan, nasa kondisyon ang kanyang katawan.

Nabanggit pala ni Richard na fan ni Heart ang anak niyang babae, kaya masaya ang anak na makakatrabaho niya si Heart. Tiyak, gugustuhin ng anak ni Richard na makilala nang personal ang bagong leading lady ng ama.

Ex-BF, todo-displey ng lambingan nila ni Ellen… ANDREA, IPINOST ANG PIKTYUR NG V-DAY GIFT SA KANYA

NI DEREK

ni Nitz Miralles - @Bida | April 12, 2021

Hindi pala isinauli ni Andrea Torres ang last Valentine’s Day gift sa kanya ni Derek Ramsay na isang pusa at pinangalanan niyang Lewis.

Sabagay, ilang months nang nakasama ni Lewis si Andrea at baka malito ito kapag nagising na nasa bahay na siya ni Derek.

Naalala ng mga fans ni Andrea kung sino ang nagbigay sa aktres ng naturang pet kaya nang i-post niya ang photo ni Lewis, ang daming nag-comment at sinabing “Derek Junior” daw ang pusa na kamukha ng hunk actor.

May nag-comment pang mas magandang magkaroon ng pet kesa playboy BF.

Lalo sigurong marami ang magko-comment sa larawan ni Lewis kung may caption dito si Andrea.

Anway, may nag-comment na ang pagpo-post ng mga photos at video with her family o ‘di kaya’y food na online ibinebenta nina Andrea ang pantapat ng aktres sa mga posts nina Derek at Ellen Adarna.

Wala nga namang puwedeng mai-bash kay Andrea kung laging malinis ang post sa social media.

Samantala, nalalapit na ang world premiere ng Legal Wives dahil sunud-sunod na ang airing ng teaser ng GMA-7.

Gagampanan dito ni Andrea ang karakter ni Diane, ang Katolikong asawa ni Ismael (Dennis Trillo).

Marami ang curious kung paano ang ginawang execution ni Director Zig Dulay para walang sektor na magreklamo kapag umeere na ang sinasabing cultural drama series.