Kahit kumalat ang 'fried towel'... REGINE, KAMPI PA RIN KAY JOLLIBEE

ni Nitz Miralles - @Bida | June 07, 2021

Nagpahayag ng suporta sa Jollibee si Regine Velasquez kasama ang anak na si Nate na kabilang sa mga endorsers ng controversial ngayong fast food chain.

Nag-post si Regine ng mga larawang kumakain sila ni Nate ng spaghetti at may picture pang kini-kiss siya ng mascot ng Jollibee.

Sabi ni Regine, “Ang pagsubok, lagi na talagang kakabit ng buhay natin. Pero ‘wag kang mag-alala, kakampi mo pa rin kami.”

Kaya lang, disabled ang comment box ng Instagram post ni Regine kaya hindi makapag-comment ng kanilang suporta ang maraming Jollibee supporters.

KAMPO NINA ELLEN AT JOHN LLOYD, NAG-AWAY DAHIL KAY ELIAS

ni Nitz Miralles - @Bida | June 05, 2021

Malalaman mong bored ang mga tao kung pati ang isyu kung sino ang mas kamukha ni Elias Modesto sa kanyang mga magulang na sina John Lloyd Cruz at Ellen Adarna ay pinag-aawayan.

Nagsimula ang sagutan ng pro-Ellen at pro-John Lloyd fans nang may tumawag kay Elias na “little John Lloyd” at sinundan ng comment na “Super-guwapo ng anak ni John Lloyd.”

Hindi ‘yun nagustuhan ng mga supporters ni Ellen at bumuwelta na kamukha ng aktres si Elias. Pati raw ilong at mga mata ng bata ay kay Ellen nagmana. Bata pa si Elias at kapag malaki na siya, doon na makikita kung sino ang mas kamukha nito.

Samantala, idinepensa ni Derek Ramsay si Ellen doon sa mga nag-comment sa post nito ng larawan na may hashtag na #mombod at underwear lang ang suot.

Sabi ni Derek, “My fiancee is a beautiful sexy woman. She has every right to express herself in the way she wants. I think the picture is decent, a sexy photo. She put in so much work after her pregnancy to get that body.”

Babu na sa Kapamilya… POKWANG AT BEAUTY, NASA SIYETE NA RIN

ni Nitz Miralles - @Bida | June 04, 2021

Tanong ng mga netizens, Kapuso na rin ba si Pokwang dahil nag-taping ito sa GMA Annex last Wednesday?

Gusto ring malaman ng mga netizens kung saang show nag-guest si Pokwang na sa ipinost na larawan, nasa background ang main building ng GMA.

Sabi ni Pokwang, “Good morning! Minsan ‘di ko alam talaga kung deserve ko nga talaga lahat ng biyaya at mga dasal na sinasagot mo, Lord God, pero sa pagkakaalam ko, nararapat lang na ika’y pasalamatan sa lahat ng ganap sa aking buhay, maganda man o hindi, dahil alam ko lahat ng ito ay pagmamahal mo ang dahilan kaya naririto ako at nakaka-survive. I love you at salamat po... #Backtowork.”

Winelcome ni Carla Abellana si Pokwang at sabi naman ni Paolo Ballesteros, deserve ng komedyana ang bagong blessing na natanggap. Pero, sa aling show nga kaya nag-taping si Pokwang at masusundan pa kaya ang guesting niyang ito?

Iisa ang sinasabi ng mga friends at followers ni Pokwang na mabuti siyang tao at deserve niya ang blessing na makapagtrabaho sa GMA. Inaabangan ang pagsasama-sama nila nina Eugene Domingo at Ai Ai delas Alas sa isang show.