Nagpaturok ng Sinovac... DINGDONG AT MARIAN, NAUNA PANG MABAKUNAHAN KESA SA MGA SENIOR

ni Nitz Miralles - @Bida | June 14, 2021

May mga lumabas na litrato na makikitang nakapila sina Dingdong Dantes at Marian Rivera habang hinihintay mabakunahan sa Venice Grand Canal Mall sa Taguig City kaya mali ang hanash sa socmed na sumingit ang mag-asawa at ginamit ang pagiging celebrity para mauna sa vaccination.

May nag-post pa nga na star-studded ang vaccination experience niya dahil nasa likod niya sa pila sina Dingdong, Marian at Boobay.

May picture pang kasama ng DongYan si Kim Atienza habang nasa pila sila.

Ang dami kasing hanash sa socmed na kesyo sumingit sa pila para mauna sina Dingdong at Marian. May comment pang bakit sila nauna, eh, may mga senior citizens pang hindi nababakunahan?

Eh, ayaw nga ng ibang senior na magpabakuna, bakit hindi ibigay ang bakuna sa may gusto? Saka kabilang ang DongYan sa A4 category na iniutos na puwede nang mabakunahan.

Sinovac ang ibinakuna sa DongYan at may mga nakumbinse silang magpabakuna rin nito. Kung ang dalawa raw ay hindi namili, hindi na rin sila mamimili.

‘Katawa lang na pati ‘yung kawalan ng band aid ng Taguig, pinansin ng mga netizens. Hindi kasi band aid kundi gauze ang inilagay sa DongYan after their vaccination.

Ibinuking ng BFF na si Bubbles… ANGEL, 'DI KUMAKAIN NG GULAY

ni Nitz Miralles - @Bida | June 12, 2021

Determinadong pumayat si Angel Locsin at parang may nutritionist siyang kinuha para ayusin at i-check ang kanyang diet.

Sa IG Story nga nito, ipinost na puro gulay ang kanyang kinakain at chicken ang meat.

Ibinuking ng friend nitong si Bubbles Paraiso na hindi pala kumakain ng gulay si Angel at ‘pag sabay silang kumain, inililipat nito sa plate niya ang gulay.

Sinagot ni Angel ang post ni Bubbles ng “Sorry, hindi ko na mabibigay ang gulay ko sa 'yo. Nagbago na ako. It’s time to move on.”

Broccoli, beans at carrots ang ilan sa mga ipinost ni Angel na sabi niya, nakain naman niya dahil crispy. Hindi nabanggit ni Angel kung ilang weeks o months ang kanyang pagda-diet.

Masaya ang mga fans ni Angel at wish nilang maging successful ang kanyang weight loss journey para sa kasal nila ni Neil Arce ay slimmer Angel ang makita nilang nakasuot ng wedding gown.

ALDEN-JASMINE SERYE, BINANTAANG IBOBOYKOT NG ALDUB FANS

ni Nitz Miralles - @Bida | June 11, 2021

Sa July na ang world premiere ng The World Between Us kaya naglabas ng short teaser ang GMA-7 kung saan ipinapakitang magki-kiss na sina Alden Richards at Jasmine Curtis-Smith.

Si Alden din ang nag-voice over sa short teaser na nagdulot ng sari-saring reaction mula sa mga netizens.

May mga kinilig sa balik-tambalan nina Alden at Jasmine at wish nilang magkatuluyan dito ang mga karakter ng dalawa na sina Louie at Lia. Sana raw, ‘wag patayin ang karakter ni Jasmine gaya sa I Can See You: Love On The Balcony.

May umaasa namang iba ang concept ng TWBU sa mga naunang teleserye ni Alden para worth the wait ang kanilang paghihintay. Looking forward na rin ang mga Kapuso viewers na mapanood ang ibang cast ng teleserye na pawang magagaling.

‘Yun nga lang, hindi pa rin maiwasang may mga hate comments, gaya ng ayaw nila kay Jasmine as Alden’s leading lady at nakakatawa ang kanilang mga rason.

May nagreklamo naman na bakit sa July ang airing schedule ng TWBUna anniversary ng AlDub, ang love team nina Alden at Maine Mendoza. May rason na naman sila para hindi panoorin at i-criticize ang serye.

May nag-comment naman na unfair ang GMA-7 dahil hindi isinama si Tom Rodriguez sa teaser. Short teaser pa lang kasi ito at nakasentro kina Alden at Jasmine, hindi puwedeng isama si Tom dahil hindi sila love triangle sa story. Hintayin na lang ang mga susunod na teaser na kumpleto ang cast.

Samantala, isa ang virtual reality concert ni Alden na Alden’s Reality sa mga programs ng GMA Network na finalist sa 2021 New York Festivals (NYF) TV & Film Awards. Entertainment Special ang category ng concert. Kasama nitong finalist ang USA, United Kingdom, Germany, South Korea, Spain, Norway at Singapore.

Sa October 12 ang annual Storytellers gala na gagawin sa NAB sa Las Vegas. Kung wala sigurong pandemic, dadalo si Alden sa awards night at ang apat pang finalists na programs ng GMA Network.

Kabilang sa mga finalists ang Kapuso Mo, Jessica Soho ni Jessica Soho, Reel Time, Reporter’s Notebook at The Atom Araullo Specials.