Miguel, sorry ka na lang… KYLINE-MAVY, BUKING ANG RELASYON SA PIKTYUR

ni Nitz Miralles - @Bida | June 19, 2021

Dahil sa post ni Mavy Legaspi na dinudutdot niya ang left dimple ni Kyline Alcantara at may caption na “her. her smile. her dimples. yup, that’s the post,” marami ang nag-isip na they are in a relationship.

Sila na raw ang newest showbiz couple at sa dami ng nag-like at nag-comment sa post ni Mavy, obvious na marami ang kinikilig na netizens, pati mga taga-showbiz, sa kanila.

Tinukso si Mavy at pinuri dahil kung totoong sila na ni Kyline, very proud ito at talagang nag-shout-out. Aliw ang reaction ng kakambal ni Mavy na si Cassy Legaspi na “Maverick Peter! Ano na naman to?” na sinagot ni Mavy ng “@cassymariacassandra! Ako lang 'toh!”

Nalungkot naman ang mga shippers nina Kyline at Miguel Tanfelix dahil akala nila, may something sa dalawa, pero si Mavy pala ang someone special ni Kyline.

Kahit fully vaccinated na… SHARON, 'DI PA RIN BABALIK SA 'PINAS

ni Nitz Miralles - @Bida | June 17, 2021

Sharon on US-Instagram / reallysharoncuneta

Pine-flex ng mga taga-showbiz kapag sila’y nabakunahan na, which is a good thing, dahil nakukumbinse ang tao, lalo na kung fan ng artista, na magpabakuna na rin.

Gaya sa kaso ni Marian Rivera na maraming seniors ang nagpabakuna after silang makita ni Dingdong na nagpaturok na.

Kinumbinse rin nina Drew Arellano, Iya Villania, Glaiza de Castro, Jane Oineza, RK Bagatsing, Vhong Navarro at iba pang nabakunahan ang publiko na magpabakuna na para may panlaban tayo sa COVID-19.

Nabakunahan na rin sina Ai Ai delas Alas, Joross Gamboa, JM de Guzman, Mike Tan, Wendell Ramos, Boobay, Suzi Entrata at Piolo Pascual, na naging kontrobersiyal dahil sa kanyang joke na namatay siya after magpabakuna.

Sana, madagdagan pa ang mga taga-entertainment industry na mabakunahan para makabalik na sa trabaho at para mabuhay na ang industriyang ito.

Si Sharon Cuneta nga, ibinalitang fully vaccinated na siya. May video uli sa bakuna niya for her second dose at nagpasalamat ito. Pero hindi pa rin yata siya babalik sa bansa, may mga gagawin pa siguro siya sa Amerika.

Manok ng pangulo, urong-sulong sa 2022… WILLIE, PINAGHIHINTAY SI P-DU30

ni Nitz Miralles - @Bida | June 14, 2021

Hindi lang si President Rodrigo Duterte ang naghihintay sa sagot ni Willie Revillame sa pangungumbinse ng presidente na tumakbong senador ang TV host sa 2022 national elections.

Nakaabang din sa magiging desisyon ni Willie ang kanyang mga supporters at sumusubaybay sa Wowowin: Tutok to Win.

Sa isang video message ni Pres. Duterte kay Willie, inulit nito ang wish na i-consider ng TV host ang pulitika sa kanyang mga plano ngayon.

“Willie, si Mayor ‘to. Kumusta ka? Matagal na tayong ‘di nagkita pero palagi kitang naaalala dahil gusto ko sanang maging senador ka,” sabi ng pangulo.

Nalaman ni Pres. Duterte kay Sen. Bong Go na nagdadalawang-isip si Willie na pasukin ang pulitika. Ang katwiran ng TV host, kahit wala siya sa pulitika, nakatutulong pa rin siya sa mga tao na nangangailangan ng kanyang tulong via his TV show Wowowin: Tutok to Win.

“Pero ganunpaman, open ang slot until the last minute. Kung ayaw mo na talaga, eh, di puwede na tayo mag-usap ulit.”

May nabanggit pa ang pangulo na “Bilib ako sa appeal mo sa masa.”

As of now, wala pang sagot si Willie kay Pres. Duterte dahil mas gusto pa rin nitong host siya ng sariling show at ngayon nga, papasukin na rin ang pagpoprodyus ng sitcom na tampok sina John Lloyd Cruz at Andrea Torres. Inihahanda na ang sitcom at sa October na ang filing ng mga kakandidato sa darating na elections.

Tatanggapin kaya ni Willie ang offer ni Pres. Duterte o mananatili sa telebisyon at sa kanyang free time ay lalaruin na lang ang bagong apo sa anak na si Meryll Soriano?