Bukod sa sariling bahay… ALDEN, GUSTUNG-GUSTO NANG MAGKADYOWA

ni Nitz Miralles - @Bida | June 24, 2021

Kahapon ginanap ang mediacon ng The World Between Us kung saan ipinakilala ng cast ang kani-kanilang karakter. Si Alden Richards ay si Louie na ang description niya ay “Hardworking student, matalino, masipag sa buhay. May nangyari lang na unfortunate events sa buhay niya na nag-push pa sa kanya even further to his limits.”

Excited na ang mga fans ni Alden na makilala si Louie at hindi na magtatagal ang paghihintay nila dahil sa July 5 after 24-Oras na ang world premiere nito. Inaabangan din ang mga eksena ni Alden with Tom Rodriguez, Sid Lucero, Dina Bonnevie, Jasmine Curtis-Smith at Jaclyn Jose. Si Dominic Zapata ang director ngThe World Between Us.

Relate na relate si Alden sa karakter niyang si Louie sa teleserye na mahilig din sa games at technology dahil kilalang gamer ang aktor. Ang gaming nga ang favorite ‘me time’ activity niya at may paliwanag siya kung bakit.

“’Yun ‘yung pinaka-sanctuary ko, when I play games after work. Parang ‘yun ‘yung nagde-detach sa akin sa showbiz world,” paliwanag nito.

Samantala, sa interview kay Alden ni Cassy Legaspi sa Sarap, ‘Di Ba, natanong si Alden kung ano ang mga gustong ma-achieve this 2021.

“Build my own house, do an international project, at saka find that someone.”

Wish ng mga fans ni Alden, makahanap na siya ng babaeng mamahalin this year. Last year, ito rin ang wish niya, kaya lang nagka-pandemic, alangan namang unahin pa nito ang paghahanap ng girlfriend.

JUDAY AT ECHO, NASA SIYETE NA RIN

ni Nitz Miralles - @Bida | June 23, 2021

File photo-IG ryan_agoncillo

Kabilang sina Judy Ann Santos at Jericho Rosales sa mga naka-announce na magge-guest sa Mars Pa More this week. Pero bago isiping baka simula na ito ng paglipat ng dalawa sa GMA-7, kaya lang magge-guest sina Judy Ann at Jericho ay dahil makikisaya sila sa birthday celebration ng mga hosts ng morning show ng GMA-7 na sina Camille Prats at Iya Villania.

Noong June 20 ang birthday ni Camille at sa June 29 ang birthday ni Iya.

Kaibigan ni Camille si Judy Ann at wala naman sigurong masama kung mag-guest ang huli para batiin ng happy birthday ang TV host.

Ang nakikita naman naming koneksiyon sa pagge-guest ni Echo bukod sa kaibigan niya si Iya at gusto niyang batiin sa kaarawan nito ay dahil magkasama sila sa isang riding crew.

Pero, anupaman ang dahilan ng pagge-guest nina Judy Ann at Jericho, magkakaisyu pa rin.

Makikisaya rin sa birthday nina Camille at Iya sina Ryan Agoncillo, Sanya Lopez at Alden Richards. Baka sa Friday episode ang airing ng guesting nina Echo at Juday.

Pati pamilya ng aktor, nadale lahat… RITA AT KEN, PAREHONG NAGKA-COVID

ni Nitz Miralles - @Bida | June 22, 2021

Inamin na rin pala nina Ken Chan at Rita Daniela sa All-Out Sundays last Sunday na pareho silang tinamaan ng COVID-19.

Dahil inamin na nila, puwede na ring sabihin na ang kanilang pagkakasakit ang isa sa mga rason kung bakit natigil ang taping ng Ang Dalawang Ikaw. Iyon din ang rason kung bakit naurong ang premiere nito dahil kinailangan nilang magpagaling.

Sabi ni Ken, “Ito na siguro ang pinakamabigat na naranasan ko sa buong buhay ko dahil hindi lamang po ako ‘yung tinamaan at nagkaroon ng virus, ‘yung buong pamilya ko. Lahat kami sa bahay, nagkaroon ng COVID. Wala kang choice kung hindi harapin ito nang buong tapang. Sa kabila ng mga nangyari, nagsilbi itong aral sa aming lahat na ‘yung pag-iingat, kahit gaano siya kahirap, kailangan mong pagtuunan ng pansin.”

Ayon naman kay Rita, nakatulong ang dasal para magkaroon siya ng lakas ng loob na harapin ang pagkakaroon ng COVID.

“Of course, natakot ako. ‘Di ba, when you watch the news, you see numbers? Then it becomes the people that you know. Then one day, ikaw, meron ka na rin. Mahirap siyang tanggapin when you do everything to take care of yourself pero dinapuan ka pa rin.

“COVID is real. Si God lang talaga (ang) puwede mong kapitan. I prayed hard for myself and my family. Every morning I was given a chance to thank Him for all the things He has blessed.”

Nagpagaling muna sina Ken at Rita at saka bumalik sa taping ng Ang Dalawang Ikaw at natapos nila ang taping. Kahapon ang world premiere nito sa GMA-7.