'Di na raw ma-take ang mga kasinungalingan… KIER, NAGBANTANG MAGPAPAINTERBYU RIN VS.

SA ANAK NA SI DANI.

ni Nitz Miralles - @Bida | July 20, 2021

Mukhang magkakaroon ng isyu ang estranged father and daughter na sina Kier Legaspi at Dani Barretto.

Obvious na hindi nagustuhan ni Kier ang interview ni Dani sa vlog ni Dra. Vicki Belo kung saan sinabi ng anak ni Marjorie Barretto na nag-reach out siya sa amang si Kier. May iba pa yatang sinabi si Dani tungkol sa relasyon nila ng ama na hindi nagustuhan ni Kier.

May post si Kier na, “Magpa-interview kaya ako para 'yung side ko naman ang marinig. I’m trying to take all the punches and lies but let’s see how you would feel if I tell my side of the story. Game?”

May dapat bang ikatakot si Dani sakaling totohanin ni Kier ang magpa-interview para ang side naman niya ang marinig ng tao?

Marami ang nagpapayo kay Kier na magpa-interview na siya para raw malaman kung ano ang totoo. May nag-comment din na gusto nilang marinig ang side ni Kier sa estranged relationship nila ni Dani.

Sa wakas, lumantad na! BEA AT DOMINIC, MAGKASAMA NA SA PICTURE SA BABY SHOWER NI BETH TAMAYO

ni Nitz Miralles - @Bida | July 19, 2021

Nakunan din ng picture na magkasama sina Bea Alonzo at Dominic Roque at nangyari ito sa baby shower ni Beth Tamayo na alam nating tita ng aktor.

Tuwang-tuwa at kinilig ang mga BeaDom shippers na matagal naghintay na may lumabas na larawang magkasama sila at hindi ‘yung kina-crop ang isa’t isa.

Sa San Francisco, California house ni Beth at ng American husband nito ginanap ang baby shower at comment ng mga fans, ipinakilala na siguro ni Dominic si Bea sa kanyang tita na malamang, nangyari nga.

Hindi naman siguro nag-request sina Bea at Dominic na ‘wag silang kunan na magkasama o ‘wag i-post ang kanilang mga litrato na magkasama.

May napanood pa kaming video sa baby shower kung saan makikitang nag-enjoy sina Bea at Dominic, lalo na sa mga pa-games.

Nagsusubuan pero 'di kita ang mukha… BEA AT DOMINIC, PURO BIBIG AT KAMAY ANG BIDA

SA MGA PAKILIG NA VIDEOS.

ni Nitz Miralles - @Bida | July 17, 2021

Sa first week ng August pa raw ang balik nina Bea Alonzo at Dominic Roque mula sa one week vacation nila sa California, USA. Ibig sabihin, marami pa silang mga lugar na pupuntahan at marami pa silang kukunang larawan at videos at gagawing vlog.

Kaya lang, hanggang hindi pa inaamin ng dalawa ang kanilang relasyon, paa, kamay, buhok, baggage, relo, food na kinain, suot na sapatos at kung anu-ano pang parte ng katawan muna ang makikita sa kanilang ipino-post na litrato. Bahala na muna ang kanilang mga fans na pagtagpi-tagpiin ang mga litrato at videos para malamang magkasama sila.

Nanghihinayang nga ang BeaDom fans dahil pampakilig sana ‘yung vlog ni Dominic na hinihimayan siya ng lobster ni Bea, kaso kamay lang ng aktres na naghihimay ang napanood. Pati ang video na sinusubuan naman ni Dominic ng food si Bea, kamay lang niya, food at bibig ni Bea ang mapapanood.

Comment ng mga fans, mga kamay nina Bea at Dominic ang mga bida sa kanilang photos, videos at vlogs.

Wish ng BeaDom fans, bago man lang bumalik sa Pilipinas sina Bea at Dominic, mag-share sila ng photos at videos na magkasama sila at kita ang kanilang mga mukha. Sana naman daw, pagbigyan sila.

Samantala, nabanggit ni Bea na pagbalik niya ng bansa, magge-guest siya nang live sa All-Out Sundaysat kakanta raw siya. Natuwa naman ang mga fans nina Bea at Alden Richards dahil magkikita sila kapag nag-guest siya sa AOS.