‘Di pa raw siya sure na tatakbong senador…“‘WAG N’YO AKONG I-BASH!” — WILLIE

ni Nitz Miralles - @Bida | July 26, 2021

Marami na pala ang gustong ma-interview si Willie Revillame para siguro malaman ang political plans niya at plataporma sakaling ituloy ang pagtakbong senador sa 2022 elections. Pero sabi nito, kung sakali, uunahin niyang magpa-interview sa mga taga-GMA Network.

Nakakahiya raw kina Mel Tiangco, Vicky Morales at Mike Enriquez na anchors ng 24-Oras kung mauuna pa siyang magpa-interview sa ibang network gayung sa Kapuso Network umeere ang Wowowin. Saka, kung sa radio, may DZBB ang GMA.

Ayon pa kay Willie, saka siya magpapa-interview kapag nakapag-decide na siyang tatakbo at sa August niya ia-announce ang kanyang desisyon.

Malapit na ‘yun, kaya hintayin na lang ng mga gustong mag-interview sa kanya.

“Kaya nakikiusap ako, ‘wag n’yo muna akong tirahin, wala pa akong desisyon.

Hintayin n’yo ang desisyon ko bago n’yo ako tirahin at i-bash,” sabi pa ni Willie.

HEART, TODO-DISPLEY NG LV, CHANEL AT YSL NA DAMIT, SAPATOS AT BAGS SA SERYE

ni Nitz Miralles - @Bida | July 25, 2021

Hindi madi-disappoint ang mga fans ni Heart Evangelista sa inaabangang mga OOTD niya sa rom-com series ng GMA-7 na I Left My Heart in Sorsogon dahil mula sa first day ng taping, fashionista na fashionista ang datingan ni Heart. Puro branded ang suot nito, mula sa damit, hanggang sa bag at sapatos.

Sa mga lumabas na photos, kundi Louis Vuitton, Chanel at YSL ang suot ni Heart, pero mas marami siyang suot na LV mula sa pants, skirt, dress at bags. Hindi pa nasa-sight ang mga sapatos na suot ni Heart na tiyak, LV din at iba pang international brand na laging ginagamit ni Heart.

In fairness, may chemistry sina Heart at Richard Yap, at ganu’n din sina Heart at Paolo Contis. Kasama rin pala sa cast si Michelle Dee at sina Mavy Legaspi at Kyline Alcantara.

At para mas mabilis ang trabaho, sina Mark dela Cruz at Rechie del Carmen ang mga directors ng rom-com series.

Positive ang comments ng mga netizens sa series kahit photos at behind the scenes pa lang ang kanilang nakikita. May K-drama feels daw ang I Left My Heart in Sorsogon.

Nainsulto na laglag sa mga nominado sa award-giving body… SHERYL, TODO-PARINIG NA

'DI NIYA KAILANGANG BUMILI NG AWARD.

ni Nitz Miralles - @Bida | July 24, 2021

Hindi binanggit ni Sheryl Cruz kung anong award-giving body ang nang-snub sa kanya at hindi siya isinama sa list ng mga nominees sa acting category. Pero, ang lalim ng hugot ni Sheryl at napa-post siya twice sa IG Stories.

Sabi nito sa unang post: “Being bypassed or knowing you didn’t make the cut for the efforts you’ve put in completing a successful project is heartbreaking. Then I realize, I’m not here to please the judges just to make the list. I’m a person with God given talents that can’t be compared to anyone and what I do is for the greater glory of the Almighty Father. And that is what I intend to keep doing.”

Ang sumunod na IG stories ni Sheryl, may pasaring siya na hindi niya kailangang bumili ng award.

“At the end of the day, I am grateful and can hold my chin up high knowing I didn't have to buy the recognition I deserve. It’s vindication enough to have the public’s approval for the work I’ve done. Who are the majority and not the critics.”

May pahabol pa siyang, “Nominations, nor awards are not the purpose in my life by continuing my profession as an Actress in the politicized entertainment industry I belong to.”

Kada post ni Sheryl, naka-tag ang Artist Circle Management niya na pinamumunuan ni Rams David na kanyang manager at ang soap niya sa GMA-7 na Magkaagaw.

May nag-comment lang na sana, binanggit ni Sheryl kung anong award-giving body ang tinukoy niya para nasagot siya.