After ng 1 month bakasyon sa Tate… BEA AT DOMINIC, 10 DAYS MAGKASAMA SA HOTEL SA 'PINAS

ni Nitz Miralles - @Bida | August 08, 2021

Nakabalik na ng bansa sina Bea Alonzo at Dominic Roque mula sa one month vacation sa States. Kaya lang, nasa quarantine pa ang couple sa Manila Marriot Hotel. Ten days ang quarantine nila at habang nasa hotel, nagwo-workout si Bea, para tunawin ang mga kinain nila ni Dominic sa bakasyon na napakarami.

Paglabas ni Bea, tamang-tama na lifted na ang ECQ, matutuloy na ang nabanggit nito na magge-guest siya nang live sa All-Out Sundays at kakanta siya. Isa rin siguro sa kanyang gagawin ay ang makipag-meeting sa GMA management para sa first project na gagawin niya sa GMA-7.

May mga nagre-request na pagsamahin sina Bea at Kris Aquino sa isang talk show. Posible kaya ito?

Si Jessica Soho mismo ang magpapatunay na puwede at kayang maging talk show host ni Bea dahil articulate.

Anyway, pahulaan kung sino kina John Lloyd Cruz at Alden Richards ang makakasama ni Bea sakaling gumawa siya ng teleserye sa GMA. Isinama na naminsi JLC dahil kinumpirma naman na ni Karen Davila na the actor is with GMA na sa interview niya rito sa kanyang podcast.

Bawal matalo, or else… PAGTAKBONG PANGULO NI PACQUIAO SA 2022, NAKASALALAY SA LABAN KAY SPENCE

ni Nitz Miralles - @Bida | August 07, 2021

Mapapanood sa GMA-7 at 11 AM sa August 22 ang laban ni Senator Manny “Pacman”

Pacquiao laban kay American boxer Errol Spence, Jr..

Nakipag-partner ang GMA Network sa TAP Digital Media Ventures Corp. para mapanood sa Kapuso Network ang laban ng dalawa para sa International Boxing Federation (IBF) at World Boxing Council (WBC) welterweight titles.

For the radio listeners, mapapakinggan ang blow-by-blow coverage exclusively on the network’s flagship AM station na Super Radyo DZBB 594 and in all Super Radyo stations nationwide beginning 9 AM.

Importante ang laban na ito kay Manny lalo na sa political career niya dahil kapag nanalo, big boost ito sa pagtakbo niyang presidente sa 2022 elections.

Mga ex nila, magsasama raw sa sitcom… ELLEN AT DEREK KINA JOHN LLOYD AT ANDREA:

GOOD FOR THEM. CONGRATS!.

ni Nitz Miralles - @Bida | August 05, 2021

Hindi na siguro hihingin ang reaction nina John Lloyd Cruz at Andrea Torres at hindi na magre-react ang dalawa sa naging reaction nina Derek Ramsay at Ellen Adarna sa posibilidad na magsama ang mga ex nilang sina Andrea at JLC sa isang sitcom ng GMA-7.

Sagot kasi ni Ellen nang tanungin sakaling magsasama nga sina JLC at Andrea sa isang project, “Good for them. More blessings, more fun.”

Sinundan ito ni Derek ng “That’s true! Congratulations. I mean, may project sila together. Maganda ang sitcom kasi it spreads good vibes. So, wala naman akong ano. Congrats!”

Saka, ma-interview man sina JLC at Andrea, good words din siguro ang ibabalik sa sinabi nina Derek at Ellen.

Sa last interview kasi kay Andrea, nabanggit nitong pinapraktis niya ang pagiging positive at nakakatulog siya nang mahimbing knowing na wala siyang sinaktang tao.

Anyway, inaabangan ng mga viewers ng Legal Wives ang pagpapakasal ng karakter ni Andrea na si (Diane) at ni Ismael (Dennis Trillo) at ang mga eksena ng tatlong asawa ni Ismael.

Naikuwento kasi ni Andrea ang mga batuhan nila ng linya at ang setup sa Muslim family na ang lalaki ay may tatlong asawa.

Inaabangan din ang streaming ng LGBT-themed movie nina Andrea at Kylie Padilla, kung saan, parang may kissing scene sila at may bed scene pa.