‘Di raw mapapahiya sa ibang bansa, Kisses… KRIS, ANAK NI MAYOR ABALOS ANG BET SA MISS UNIVERSE-PHILS

ni Nitz Miralles - @Bida | August 11, 2021

Kapag pala si Kris Aquino nga ang pumalit kay Willie Revillame sa pagho-host ng Wowowin: Tutok to Win habang hindi puwede si Wil sakaling matuloy sa pagtakbong senador sa 2022 elections, ang mom ni Kris na si former President Cory Aquino (SLN) ang matutuwa.

Sabi kasi ni Kris sa grupo ng isa niyang fan, kapag natuloy ang guesting niya sa Wowowin (na natuloy na nga), “It’s for my mom who I know would be so happy (because that’s actually where it all started for me & she was always so grateful sa network for the opportunities they gave me).”

Ang GMA-7 ang tinukoy ni Kris na network kung saan siya nagsimula at nagbigay sa kanya ng opportunity to start a TV career. Matutuwa ang mom ni Kris kung babalik siya sa Kapuso Network.

Speaking of Kris, si Corrine Abalos ng Mandaluyong at anak ni MMDA Chair Benhur Abalos ang bet niya sa Miss Universe Philippines. Ipinost niya sa Instagram ang photo nito at sabi ni Kris, sakaling si Corrine ang manalo, hindi tayo mapapahiya sa ibang bansa.

Worthy candidate raw si Corrine na nag-aral sa Poveda at nag-graduate sa DLSU ng AB International Studies Major in European Studies.

Pakiusap ni Kris, give Corrine a chance and support her. Ang pretty niya, parang si Miriam Quiambao.

Maiintindihan naman siguro ni Kisses Delavin na mula sa mundo ng showbiz kung hindi man siya ang bet ni Kris.

Tuwang-tuwa sa souvenir ng mister ni Jinkee… PACQUIAO, DINALAW NI ARCI SA TRAINING SA TATE

ni Nitz Miralles - @Bida | August 10, 2021

Kabilang na si Arci Muñoz sa mga celebrities na bumisita kay Senator Manny Pacquiao sa training nito sa Los Angeles, California, USA para sa laban nila ni Errol Spence, Jr., sa August 21 sa Las Vegas, Nevada at mapapanood dito sa 'Pinas sa Aug. 22.

Ipinost ni Arci sa kanyang IG Stories ang pagbisita niya kay Pacquiao at ang pagpapapirma niya ng kanyang boxing gloves.

Caption ni Arci, “Don’t cha know how to thank you guys enough! Mr. Manny Pacquiao signing my worn out hayabuyas.”

Ilang araw pa bago ang laban nina Pacquiao at Spence. Marami pang Filipino at foreign celebrities ang tiyak na dadalaw kay Pacquiao. Abang-abang lang tayo ng mga bibisita sa kanya sa gym kung saan siya nagpapraktis.

Si Kris ang kapalit… WILLIE, NAGPAALAM NA SA SHOW

ni Nitz Miralles - @Bida | August 09, 2021

Para sa mga nakapanood ng Wowowin: Tutok to Win kahapon, may ibig sabihin ang announcement ni Willie Revillame na: “Ito na po ang last ko sa Shopee, at meron pa kayong 9.9.”

Ang ibig daw bang sabihin ni Willie ay titigil na siya sa pagho-host ng kanyang show dahil ia-announce na ang pagtakbo bilang senador para sa 2022 elections?

Maaalalang nabanggit ni Willie na ngayong August niya ia-announce kung tatanggapin ang alok ni Presidente Rodrigo Duterte na tumakbong senador sa ilalim ng administrasyon.

Napansin din ng mga viewers na itinuro ni Willie si Kris nang banggitin na may 9.9 Shopee pa. Tanong tuloy ng mga viewers, si Kris na nga ba ang papalit kay Willie na magho-host ng Wowowin habang hindi siya puwede?