Wala raw pinatatamaan, Mayor Bistek, ha? KRIS, TUWANG-TUWA NA MAY LALAKI NANG

NANINDIGAN PARA SA KANYA.

ni Nitz Miralles - @Bida | August 14, 2021

Ang cute ni Kris Aquino, inalam talaga sa flower shop kung ano ang shade ng pink bouquet of flowers na ipinadala sa kanya ni Mel Sarmiento to thank her sa kanyang birthday greetings. Nalaman ni Kris na pink modial ang shade ng nasabing beautiful flowers.

Samantala, reading the comments sa Instagram ni Kris, majority ay masaya para sa kanya dahil totoo namang she deserves to be happy. Kung may nega comments man, iilan lang at walang kawawaan ang mga comments, mga mema o may masabi lang ang drama nila.

Sa comment ng isang follower ni Kris na hindi pa alam na si Mel Sarmiento ang tinutukoy ng TV host, may sagot siya, “No need to guess, scroll down- he borrowed my phone to reply to this weird troll (maybe now you’ll understand, that at least now there’s someone with the guts to stand up for me... wala akong pinatatamaan, I’m just stating facts... because for the longest time that was what my friends & followers kept telling me - that I deserved someone na handa akong ipaglaban.) Maybe I’m just proof - everything happens in God’s perfect time, not our but His. All He asks is that we continue to have faith while we patiently wait.”

Takot na takot na na-COVID habang nasa taping... YASMIEN, NILAGNAT, SINIPON, INUBO AT

NAG-LBM 2 WEEKS AFTER MAGPABAKUNA.

ni Nitz Miralles - @Bida | August 13, 2021

Umiiyak si Yasmien Kurdi nang ikuwento ang pagkakasakit niya habang nasa locked-in taping ng Las Hermanas at ang takot na baka Covid ang tumama sa kanya.

Kuwento ni Yasmien, sinipon siya at sobrang congested ang ilong niya. The next day, inubo naman siya at dry cough pa. Buong araw din siyang nag-LBM, super-duper diarrhea raw, mga sintomas ng Covid.

Nagdasal daw siya na sana, hindi Covid-19 ang tumama sa kanya, at inisip pa rin nito ang taping na baka matigil dahil sa kanya.

“Ayokong isiping Covid at baka magkahawahan kami sa set. They decided na magkaroon ako ng bed rest which is sobrang thankful ako sa Las Hermanas team,” sabi ni Yasmien.

Para makasiguro, nagpa-RT-PCR test si Yasmien at habang hinihintay ang resulta, muli siyang nagkasakit at kinailangang mag-nebulizer.

“Nagpa-consult ako sa doctor and then ang sabi sa akin is hindi raw siya nag-cause dahil sa asthma ko kung hindi dahil siguro naka-attract ako ng infection.”

Laking pasasalamat ni Yasmien na negative ang result ng swab test niya at nang gumaling, balik-taping uli siya.

Bakunado na si Yasmien at hindi rin siya naniniwala na dahil sa vaccine jab kaya siya nagkasakit dahil two weeks ago pa siya nagpabakuna.

Kahit ibinuking na ng yaya ng aktres... JERIC, IDINENAY PA RING NILILIGAWAN SI SHERYL

ni Nitz Miralles - @Bida | August 12, 2021

Pulis ang role ni Jeric Gonzales sa brand-new episode ng Daig Kayo ng Lola Ko titled Captain Barbie. Isang buwan ang airing ng episode na magsisimula sa Sunday, August 15, sa direction ni Rico Gutierrez.

Sabi ni Jeric habang suot ang police uniform, ang feeling niya, pulis siya talaga at may authority. Ang sarap daw sa feeling na naka-police uniform, para siyang may power.

Laging excited si Jeric na mag-guest sa Daig Kayo ng Lola Ko dahil parating iba ang kanyang karakter at may bago. Kahit fantasy-drama ang series, may hatid na aral sa mga viewers and for all ages.

Lalong naging special ang guesting niya ngayon dahil si Barbie Forteza ang kanyang kasama. Hanga siya sa husay ng aktres na lahat ay kayang gawin.

Gusto ring gumawa ng action-drama ni Jeric at game rin siya sa biographical project at given the chance, gusto niyang gampanan si Dr. Jose Rizal. Ang dami pa raw aspeto sa buhay nito ang hindi pa naipapakita.

Samantala, nilinaw ni Jeric na wala silang relasyon ni Sheryl Cruz gaya ng nabanggit ng yaya ng aktres sa vlog ni Sheryl na sa mga nanliligaw sa aktres, boto siya kay Jeric dahil mabait.

“Walang ligawang nangyari. I never courted Ms. Sheryl Cruz, friends kami and co-actors sa Magkaagaw. Walang ligawan, walang ganu'ng nangyari. Single pa rin ako. Single and happy. At marami pa akong goals sa life, doon muna ang focus ko,” sabi ni Jeric na sana, hindi maging dahilan para mag-away sila ni Sheryl.