Si Dingdong daw ang kontrabida… MARIAN, TYPE MAGING LEADING MAN SI HYUN BIN

ni Nitz Miralles - @Bida | August 28, 2021

Sina Dingdong Dantes at Marian Rivera na ang nagkumpirma na tuloy na ang kanilang balik-tambalan sa isang project.

“Yes! Yes ang sagot. Y-E-S!” ang excited na sagot ni Marian sa tanong sa kanila ni Dingdong sa ginanap na GMA Pinoy TV FunCon. Sinundan ni Dingdong ang sagot ni Marian ng “Very soon!”

Hinintay lang nina Dingdong at Marian na maging fully vaccinated na sila bago tumanggap ng project. Maaalala ang sagot ni Marian na inaayos lang ang script nang matanong kung gagawa na uli sila ni Dingdong ng TV project at ito na ‘yun.

Kung masusunod ang gusto nina Dingdong at Marian, baka nga sa sitcom natin sila mapapanood.

Ibinuking ni Dingdong sa DongYan FunCon na gustong maka-partner ni Marian si Hyun Bin na tinutukan ng aktres sa Crash Landing On You. Pero sabi ni Marian, gusto pa rin niyang kasama si Dingdong kung may project sila ni Hyun Bin, kaya lang, si Dingdong ang kontrabida.

Naloka lang si Marian sa pambubuking ni Dingdong sa kanya.

Samantala, sina Cassy Legaspi at Jillian Ward ang choice ni Marian na gumanap bilang siya kung gagawing pelikula ang love story nila ni Dingdong. Si Paul Salas naman ang choice ni Dingdong na gumanap bilang siya.

ALDEN, UNANG KAPUSO NA MAKAKATRABAHO NI BEA

ni Nitz Miralles - @Bida | August 27, 2021

Si Alden Richards ang unang Kapuso star na makakasama at makakatrabaho ni Bea Alonzo at binanggit ito ng aktres sa kanyang IG Live nu'ng Miyerkules. May shoot daw sila ni Alden ng isang show this weekend, pero hindi binanggit kung ano.

“I’ll be doing something this weekend, shoot for a show kina Alden. Not sure of the airing,” balita ni Bea sa mga fans na nanood ng IG Live niya.

Dahil sa balitang may big star na papasok sa The World Between Us sa pagbabalik ng teleserye sa November 15, inakalang si Bea ang big star na ito na makakasama na sa cast nina Alden. Kaya lang, end of August pa ang resume ng locked-in taping ng teleserye, eh, this weekend ang binanggit ni Bea na shoot nila ni Alden.

Lalong hindi pa para sa pelikula nilang A Moment To Remember ang shoot na binanggit ni Bea dahil sa September 24 pa ang simula nila ng locked-in shooting at nabanggit ng aktres na dadaan pa sila sa quarantine at look test bago magsimula.

May naniniwalang para sa All-Out Sundays ang show na pagsasamahan nina Bea at Alden dahil nasabi ni Bea dati na magge-guest siya rito. Kung tama ang mga fans, abangan na lang sa Sunday kung lalabas nga sa AOS si Bea.

Nag-taping na rin si Bea para sa The Boobay and Tekla Show. Riot ito, tiyak, kaya abangan at abangan din siya sa iba pang shows ng GMA-7.

Gigil na gigil… KIKO, 'DI MAKAPAGPIGIL, KINAGAT ANG 'P' NI HEAVEN

ni Nitz Miralles - @Bida | August 26, 2021

May bagong kaiinisan ang mga haters at bashers nina Kiko Estrada at Heaven Peralejo kapag napanood ang IG Story ng aktres kung saan kasama niya ang BF.

Sa una, sweet-sweet-an lang ang dalawa, later on, kinagat ni Kiko ang right cheek ng GF, nanggigil siguro. Kaya lang, pinutol agad ni Heaven ang IG Story niya, nabitin tuloy ang shippers nila ni Kiko.

Anyway, nagsalita na si Kiko sa interview sa kanya ni Ogie Diaz sa vlog nito na walang overlapping sa kanila nina Heaven at ex-GF niyang si Devon Seron. Break na raw sila ni Devon nang maging sila ni Heaven at inaming ‘bad breakup” ang nangyari sa kanila.

Saka, parang mas alam ng mga fans nina Kiko at Devon ang timeline sa nangyari kina Kiko at Devon na nag-break nu'ng Valentine’s Day. Three months lang daw after ng breakup nila, GF na ni Kiko si Heaven.