Aktres, isinama raw du’n “as a friend”… BAGUIO, NAGING FRIENDSHIP CAPITAL OF THE PHILS.

DAHIL KINA PAOLO AT YEN.

ni Nitz Miralles - @Bida | September 12, 2021

Kung ang mga netizens ang masusunod, karamihan sa kanila, ayaw nang magkabalikan pa sina LJ Reyes at Paolo Contis. May nag-comment kasi na sana, magkabalikan pa

ang dalawa, pero ayaw ng mga netizens.

Para sa kanila, kawawa lang si LJ at mga anak nito kung makikipagbalikan pa kay Paolo dahil uulitin lang nito ang ginawa.

May nag-comment pa na “No way please. LJ deserves the right person.”

At ang mas violent reaction ay “U prefer to see @lj_reyes hurt for the nth time? Utang na loob, ‘wag na… Aanhin mo ‘yung funny guy kung gagaguhin ka rin naman?” at may isang netizen na kinowt ang sinabi ni Heart Evangelista na “‘Wag mong hayaang tumanda ka du’n sa sitwasyon na ‘yun.”

Nakita pala naming may video pa si Paolo sa Instagram ni LJ, hindi ma-delete ng aktres dahil kasama ang anak na si Summer. Baka nga naman magtanong ang bata kung bakit nawala ang video nila ng papa niya sa IG ni LJ. Hindi raw kagaya ni Paolo si LJ na binura ang photos niya kahit kasama si Summer sa IG nito at damay pati si Aki.

Samantala, aliw ang naglabasang meme dahil sa isyu nina Paolo at Yen Santos. Bida ang Baguio City sa mga memes at sa isa nga, ang nakasulat, “Baguio The Friendship Capital of the Philippines” habang ‘yung isa pa ay, “Tara! Samahan Mo Ako sa Baguio as a Friend.”

Naging favorite expression din ang “as a friend.”

Ex-BF ng beauty queen, join sa PBB… NEIL, UMAMING INIWAN NI RABIYA PARA SA PANGARAP NA MISS U CROWN

ni Nitz Miralles - @Bida | September 11, 2021

Naka-off ang comment box ng Instagram ng ex-BF ni Rabiya Mateo na si Neil Salvacion para siguro makaiwas sa mga netizens na sumugod sa IG niya after mapanood ang virtual audition video niya para sa Pinoy Big Brother.

Dismayado ang mga netizens sa pa-shade ni Neil kay Rabiya sa speech niyang maganda

na sana ang simula, kundi lang hinaluan ng “Nakakalungkot man mag-isolate nang ilang buwan, mas nakakalungkot palang maiwan ka ng taong minamahal mo dahil sa pangarap nitong korona.”

Hindi nagustuhan ng mga netizens ang sinabing ito ni Neil, ayun, na-bash siya. Gusto raw pala niyang mag-showbiz, sana hindi na lang niya idinamay si Rabiya.

May nag-comment pang pareho palang gustong mag-showbiz ng ex-couple, at least si Rabiya, hindi siya pinaringgan.

Hindi yata nakaya ni Neil ang bashing, kaya in-off ang comment box ng IG. In fairness kay Rabiya, wala pa siyang sagot sa pa-shade ni Neil sa kanya.

Nakatikim sa fans… BEA, UMAMING SINA DINGDONG, MARIAN AT ALDEN ANG GUSTONG MAKASAMA SA SIYETE

ni Nitz Miralles - @Bida | September 10, 2021

May mga fans ng ilang Kapuso stars ang nag-react sa teaser ng guesting ni Bea Alonzo sa The Boobay and Tekla Show sa Sunday. Natanong si Bea kung sino’ng mga Kapuso stars ang gusto niyang makatrabaho. Binanggit nito sina Dingdong Dantes, Marian Rivera at Alden Richards na ipinag-react ng mga fans.

Halos lahat daw ng Kapuso stars, gustong makatrabaho si Bea, tapos tatlo lang ang pinangalanan ng aktres. Nakaka-offend daw doon sa mga Kapuso stars na nagpahayag nga na gusto siyang makasama, tapos tatlo lang ang binanggit nito.

Pinayapa ng ibang fans ang mga nagtampong fans, baka raw putol lang ang teaser at ‘yun lang ang lumabas. Panoorin na lang daw ang show para malaman kung talagang tatlo lang sa mga Kapuso stars ang gustong makatrabaho ni Bea.

Saka, pagpasensiyahan daw si Bea dahil bago lang siya sa GMA Network at hindi maalala ang iba pang Kapuso stars. Sa kanyang mediacon, marami siyang nabanggit na Kapuso stars na gustong makasama.

Anyway, sasalang si Bea sa “no holds barred interview” sa May Pa-Presscon at sasagutin ang ilan sa pinakamahihirap na questions sa kanyang heartbreak, relationship status at career plans sa Kapuso Network.