ni Nitz Miralles @Bida | Apr. 17, 2025
Photo: Kyline Alcantara, Kobe at Andre Paras - Instagram
Hindi na nakatiis si Andre Paras sa pamba-bash sa kapatid niyang si Kobe Paras dahil sa balitang breakup nito at ni Kyline Alcantara.
Habang ayaw pang mag-comment ni Kobe sa isyu, si Andre ang bumuwelta sa mga bashers ng kapatid.
Pahayag ni Andre, “Kobe is with his friends and he’s having fun. They are doing it in the right place and time. They are in a club. It’s legal to have fun and make noise there, right?
“Magtaka po kayo kapag nag-club ang isang tao tapos nagbabasa lang sila ng libro doon o kaya pumunta doon para lang matulog.
“If you really cared about Kobe then you will not be doing all this. I know what you’re trying to do. You’re trying to make my brother look like a bad person.
“Since magaling kayong mag-stalk, eh, di dapat, alam n’yo ‘yung mga kasama na babae d’yan ay ang mga girlfriend ng mga friends ni Kobe? Pero of course, ‘di mo sasabihin sa followers mo ‘yan dahil gusto mo gumawa ng issue. Issue = views, views = monetary gains.
“I understand how addicting it is to give views and comments on a social media post. If you’re monetizing this then it will say a lot about what you’re trying to do, ma’am.
“Don’t even try deleting the videos you’ve made or even blocking me. You’ll just be tampering with evidence.
I’m his kuya and I have the right to stand up for him against people like you who only care about making him look bad.”
Ipinost din ni Andre ang photos na ipinost ng isang content creator na nakikipag-party si Kobe sa kanyang mga kaibigan habang nasa Bali, Indonesia. Siya ang pinatutungkulan ni Andre Paras sa kanyang post sa FB.
Naaksidente sa taping… RURU, IIKA-IKA PA, TODO-ENJOY SA EL NIDO KASAMA SI BIANCA
Nakita namin ang video ni Ruru Madrid na naglalakad habang nasa set ng Lolong: Pangil ng Maynila (LPNM) at makikitang paika-ika pa rin siya at mabagal pa ring maglakad matapos maaksidente sa taping ng action serye.
Pero, kaya na nitong gawin ang action scenes na kailangan ng role at karakter niya sa nasabing action series.
Natanong si Ruru tungkol sa pagpasok ng mga bagong karakter sa series at ang pinaka-latest ay sina Ashley Ortega at AC Bonifacio.
“Pinapakinggan lang namin ang gusto ng manonood. Thankful kami na pumayag silang maging parte ng series,” sagot ni Ruru.
Gaganap na members ng vigilante group sina AC at Ashley. At si AC, mag-a-action din, hahawak ng baril at makikipagbarilan sa mga makakalaban. Natutuwa rin ang dalawang girls na kasama sila sa Lolong at nakatrabaho nila si Ruru.
Samantala, ibinalita ni Ruru na nagsimula na siyang mag-rehab sa bahay nila. May ginagawa rin siyang ibang exercises at nakakapagtrabaho na rin siya.
Of course, tuloy din ang bakasyon nila ng girlfriend niyang si Bianca Umali sa El Nido, Palawan. By this time, nasa El Nido na sila at ine-enjoy na ang kanilang bakasyon na wala silang gagawin kundi mag-enjoy.
INI-REPOST nina Coco Martin at Julia Montes ang pubmat ng Lights, Camera, Run: Takbo Para sa Pelikulang Pilipino na unang ipinost ni Alden Richards tungkol sa fun run para sa Mowelfund.
Sa post ni Julia na, “Let’s Register and Run @myriadcorpevents @aldenrichards02,” sumagot si Alden ng “Malaking bagay para sa industriya, Par! Labyu (Love you)!”
Sa pagre-repost naman ni Coco, sabi ni Alden, “Thank you so much, Sir Coco Martin.”
Wish ng mga fans na sumama ring tumakbo sa May 11, 2025 sina Coco at Julia bilang suporta sa Mowelfund at kay Alden na ang Myriad Corporation ang organizer ng event in partnership with Mowelfund and Green Media Events.
Naging close sina Julia at Alden nang gawin ang pelikulang Five Breakups and A Romance (FBAAR) at naging daan ‘yun para maging close rin sina Alden at Coco.
Sa nakaraang birthday nga ni Julia, imbitado si Alden at sa photos na lumabas, hindi lang sila ni Julia ang mahigpit na nagyakap, pati na sila ni Coco.
