P1.35 dagdag-presyo sa gasoline, P1.25 diesel, P1.10 kerosene

ni BRT @News | Mar. 29, 2025

File Photo: FP

Muling tataas ang presyo ng petrolyo sa susunod na linggo.

Tinatayang hanggang P1.35 ang dagdag sa kada litro ng gasoline, P1.25 sa diesel at P1.10 naman sa kerosene.

Ayon sa Department of Energy, ang pagtaas ay dulot ng pandaigdigang pangyayari tulad ng parusa ng U.S. sa Iran, patuloy na pag-atake ng Russia at Ukraine sa mga pasilidad ng enerhiya, at banta ng taripa ng U.S. sa mga bansang bumibili ng langis mula Venezuela.

Ang opisyal na pag-anunsyo ng price adjustment ay sa Lunes na ipatutupad ng Martes.

Umabot sa sa Thailand... 7.7 lindol sa Myanmar, mga building gumuho

ni BRT @Overseas News | Mar. 29, 2025

File Photo: Magnitude 7.7 earthquake sa Myanmar na umabot sa Thailand - Lillian Suwanrumpha / AFP

Isang malakas na lindol ang yumanig sa central Myanmar kahapon, Marso 28.

Ayon sa United States Geological Survey (USGS), naitala ang magnitude 7.7 na lindol na may lalim na 10 km (6.2 miles) at nasundan pa ng mga malalakas na aftershock.

Na-trace ang epicenter ng pagyanig 17.2 kilometro mula sa Lungsod ng Mandalay, ang ikalawang malaking lugar sa Myanmar na may populasyon na 1.5 milyon.

Sa social media posts ng Mandalay, Myanmar, nag-collapse ang mga gusali at nagbagsakan ang mga debris sa ancient royal capital ng bansa.

Nasira rin sa pagyanig ang mga kalsada sa kabisera ng Naypyidaw, mga gusali, at nagdulot ng paglabas ng mga tao sa kalye sa kalapit na bansang Thailand.

Gumuho rin ang isang itinatayong gusali sa Bangkok, Thailand.

Wala pa namang opisyal na ulat ukol sa mga nasawi, nasugatan at laki ng pinsala.

Honeylet at Kitty, bigong makasama si Du30 sa b-day

ni BRT @News | Mar. 29, 2025

File Photo: Sina Honeylet at Kitty sa The Hague, Netherlands - FB Lance Kurt Zimmermann Duterte, Circulated

Sa ikalawang pagkakataon, hindi pa rin nakapasok sa detention facility ng International Criminal Court (ICC) ang common-law partner ni dating Pangulong Rodrigo Duterte na si Honeylet Avanceña.

Pansamantala munang nanatili si Avanceña kasama ang mga supporter ng dating Pangulo, na nagbigay ng birthday cards.

Matatandaang dumating nitong Marso 26, sa The Hague, Netherlands ang mag-inang Honeylet at Kitty ngunit hindi pa umano pinayagan ang mga ito na mabisita si Digong, na nagdiwang ng kanyang ika-80 kaarawan kahapon.

Nakadetine si FPRRD upang harapin ang paglilitis kaugnay ng crimes against humanity na nagawa umano sa kanyang war on drugs.