Patay sa pagbaha sa Indonesia, 67 na

ni Eli San Miguel @News | May 16, 2024

JAKARTA — Umabot na sa 67 ang bilang ng mga namatay dahil sa mga pagbaha at mud slides noong nakaraang linggo sa lalawigan ng Western Sumatra sa Indonesia, ayon sa mga otoridad nitong Huwebes.

Bukod dito, mayroon pang 20 na nawawala, kaya't nagpaplano na ang pamahalaan na ilipat ang mga natirang survivors sa mas ligtas na lugar.

Ayon sa pahayag ng national disaster management agency na BNPB, lima sa 25 na dating nawawala ang natagpuang patay, na nagpataas sa bilang ng nasawi mula sa 62 na iniulat noong Miyerkules.

Higit sa 4,000 katao ang nailikas sa mga kalapit na gusali at temporary shelters.

Nasira naman ang hindi bababa sa 521 na mga bahay, 31,985 ektarya ng lupa kasama ang mga palayan, 19 na tulay, at karamihan sa mga pangunahing kalsada.

Cocoa farming sa Liberia, napipinsala ang deforestation law ng EU

ni Angela Fernando - Trainee @News | April 26, 2024

Kinakalbo ng ilang magsasaka ang mga kagubatan sa Liberia upang mabuo ang plantasyon nila ng cacao at magpalusot ng mga beans sa kalapit na Ivory Coast, na umaapak sa sinusulong na batas ng Europa (EU) na pumipigil sa deforestation.

Matatandaang isang batas na pinagtibay ng European Union na nakatakdang ipatupad sa dulo ng taong 2024 ang may layong pigilan ang mga agrikultural na pangangailangang may koneksyon sa deforestation sa buong mundo na pumasok sa merkado ng EU.

Samantala, nakatuon ang mga pagsisikap sa pagsusuri ng mga supply chain sa pangunahing mga bansang nag-e-export ng cacao, natuklasan ng Ivorian forest conservation group na IDEF na ang mga magsasaka mula sa Ivory Coast ay lumilipat patungo sa border ng Liberia para maghanap ng lupain.

Mangingisda, binugbog ng 3 kasamahang mangingisda

News @Balitang Probinsiya | April 22, 2024

Quezon — Isang mangingisda ang binugbog ng tatlong kasamahan niyang mangingisda sa fishing vessel na nakadaong sa baybaying dagat na sakop ng Brgy. Ungos, Real sa lalawigang ito.

Hindi na muna pinangalanan ng pulisya ang biktima at ang tatlong suspek na pawang residente sa nasabing lalawigan.

Ayon sa ulat, nagkaroon ng pagtatalo ang biktima at ang tatlong suspek na humantong para pagtulungan ang biktimang bugbugin.

Natigil lang ang pambubugbog nang awatin ng ibang mangingisda ang tatlong suspek.

Matapos nito ay nagtungo sa himpilan ng pulisya ang biktima at inireklamo ang tatlong suspek na pawang nahaharap sa kasong serious physical injury.