‘Pinas at New Zealand, palalakasin ang ugnayan

ni Eli San Mguel @News | June 10, 2024

Nagkasundo ang Pilipinas at New Zealand nitong Lunes na palakasin ang kanilang kasulukuyang ugnayan sa mga usapin ng pulitika at seguridad pati na rin sa pagbubukas ng bagong mga lugar para sa kalakalan at pamumuhunan, ayon kay Foreign Affairs Secretary Enrique Manalo. Nangyari ito habang nasa pagpupulong si Manalo kasama si New Zealand Deputy Prime Minister at Foreign Minister Winston Raymond Peters na nasa opisyal na pagbisita sa Pilipinas.

“We agreed to strengthen our existing mechanisms for cooperation on political, security and defense and labor, and to open new avenues for partnerships in trade and investment that leverage our respective strengths while promoting our national priorities, particularly on renewable energy and combating climate change,” pahayag ni Manalo.

“We welcomed the signing of the Mutual Logistics Support Arrangement (MLSA), a pivotal document that will greatly enhance future military engagements between our nations,” dagdag niya. Inihayag ni Manalo na nagkasundo rin ang Pilipinas at New Zealand na magkaroon ng mas madalas na palitan ng high-level visits at pag-usapan ang mga paraan upang madagdagan ang kanilang konektibidad sa pamamagitan ng mga air flights at visas.

“In this regard, I expressed appreciation for New Zealand’s recognition of the vital contributions of the Philippine diaspora to New Zealand’s continued economic prosperity and the richness of its social fabric, and conveyed the hope that their government will ensure the well-being of our kababayans, including safeguarding their hard-earned social security pensions,” ani Manalo. “We reaffirmed our continued commitment to uphold the rule of law as a pillar to achieving peace and security in the region,” dagdag pa niya.

Bagyo sa New Zealand, 8 nawawala pa rin

ni Mabel Vieron (OJT) | March 1, 2023

Patuloy ang paghahanap sa walo katao na nawawala sa New Zealand matapos ang Bagyong Gabrielle, dalawang linggo na ang nakararaan.

Sinalanta ni ng bagyo ang hilagang rehiyon ng isla noong Pebrero 12 at hinagupit ang silangang baybayin, na nag-iwan ng hindi bababa sa 11 patay at libu-libo ang lumikas.

“The remaining number of people includes those who, for a variety of reasons, do not engage with authorities,” ayon sa pulisya.

Nananatiling prayoridad ng mga pulisya ang walong nawawala.

Walang banta ng tsunami matapos ang malakas na lindol sa New Zealand — PHIVOLCS

ni Jasmin Joy Evangelista | March 3, 2022

Walang banta ng tsunami sa Pilipinas matapos yanigin ng 6.8 magnitude na lindol ang Kermadec Islands sa New Zealand nitong Miyerkules ng gabi, ayon sa Philippine Institute of Volcanology and Seismology (PHIVOLCS).

“No destructive tsunami threat exists based on available data. There is no tsunami threat to the Philippines from this earthquake,” pahayag ng PHIVOLCS sa isang advisory nitong Miyerkules.

Batay sa datos ng PHIVOLCS, tumama ang lindol 30.2°S,177.8°W malapit sa Kermadec Islands, New Zealand bandang 8:52 p.m. May lalim itong 34 kilometers.

Dagdag pa ng PHIVOLCS, walang dapat gawing aksiyon hinggil sa naturang malakas na paglindol.