12.87 M Pinoy fully vaccinated na — NTF

ni Lolet Abania | August 19, 2021

Nasa tinatayang 41 porsiyento na ng eligible population sa Metro Manila ang fully vaccinated laban sa COVID-19 hanggang nitong Agosto 18.

Ayon kay National Task Force Against COVID-19 deputy chief implementer Vince Dizon sa Palace news conference ngayong Huwebes, may kabuuang 3.2 milyong vaccine doses na ang kanilang na-administer sa National Capital Region ngayong Agosto o nasa 178,000 jabs ang average kada araw.

Tiwala rin si Dizon na ang target na inoculation rate na 50% ay makakamit ng bansa hanggang sa Agosto 31.

Ayon sa Department of Health (DOH), mula noong Marso 1, 2021 ay nakapag-administer na ang pamahalaan ng 29,127,240 shots, kung saan nasa 16,250,043 ang nakatanggap ng unang doses habang ang bilang ng mga fully vaccinated na Pilipino ay nasa 12.87 milyon hanggang Agosto 18.

Samantala, sinabi ni Dizon na nakapagsasagawa naman ang bansa ng average na 60,000 COVID-19 tests kada araw mula ito noong Agosto 11 hanggang 17 at umaabot din ang mga tests ng 67,000 sa loob ng isang araw.

Subalit, ayon sa testing czar, hindi pa ito sapat habang plano niyang kausapin ang Philippine Health Insurance Corp. (PhilHealth) hinggil sa reimbursement ng mga gastusin ng mga accredited testing laboratories.

“We will communicate with PhilHealth in the coming days to facilitate the reimbursement so that these laboratories will be able to purchase supplies and conduct tests more quickly,” ani Dizon.

2.8 M Pinoy, fully vaccinated na kontra-COVID-19

ni Lolet Abania | July 5, 2021

Umabot na sa mahigit 2.8 milyong indibidwal ang naitalang nakatanggap ng kumpletong dalawang doses ng bakuna hanggang nu'ng Hulyo 4 matapos ang higit na apat na buwan mula nang simulan ng bansa ang vaccination program kontra-COVID-19.

Batay sa latest bulletin ng National Task Force Against COVID-19, umabot sa 11,708,029 doses ng COVID-19 vaccines na ang kanilang na-administer mula sa 1,197 vaccination sites sa buong bansa.

Ayon din sa NTF, noong nakaraang linggo, humigit-kumulang sa 254,141 doses kada araw ang nabigyan nila ng COVID vaccines.

Nasa kabuuang 8,839,124 katao ang nakatanggap ng unang dose ng COVID-19 vaccine habang 2,868,905 indibidwal ang fully vaccinated na matapos na makumpleto ang dalawang doses ng bakuna.

Kabilang sa mga nabakunahang indibidwal ng unang dose ay nasa mahigit 1.7 milyon na mga health workers, 2.5 milyong senior citizens, 2.9 milyon na persons with comorbidities, 1.3 milyon na mga essential workers at 256,431 na mga indigents.

Habang ang mga fully vaccinated na Pinoy ay nasa mahigit sa 1.1 milyon na mga health workers, 788,630 mga senior citizens, 897,719 persons with comorbidities, 26,109 mga essential workers, at 227 mga indigents.

Target ng pamahalaan na tapusing mabakunahan kontra-COVID-19 ang 50 milyon hanggang 70 milyong indibidwal ngayong taon.

“The government is urging eligible populations belonging to priority groups A1 to A5 to register with their local government units, get vaccinated, and complete the required number of doses as scheduled,” pahayag ng task force.

“Regardless of vaccination status, everyone is urged to continue practicing the minimum public health standards as you may still get infected with COVID-19 and infect other people,” dagdag ng NTF.

Banyaga at ‘di OFWs, bawal pumasok sa 'Pinas

ni Ronalyn Seminiano Reonico | March 17, 2021

Pansamantalang ipagbabawal ng pamahalaan ang pagpasok sa bansa ng mga foreign national at balikbayan na hindi overseas Filipino workers (OFWs) simula sa Sabado, March 20, hanggang April 19 dahil sa patuloy na pagtaas ng kaso ng COVID-19.

Pahayag ng National Task Force Against COVID-19 (NTF) sa Memorandum Circular No. 5, s. 2021, “In light of efforts to prevent the entry of SARS-CoV-2 variants from other countries and the further rise of cases, all concerned agencies are hereby directed to limit the number of inbound international passengers/arrivals to only One Thousand Five Hundred (1,500) a day and to temporarily suspend the entry of Foreign Nationals and Returning Overseas Filipinos (ROFs) who are non-OFWs.”

Samantala, exempted diumano sa naturang kautusan ang sumusunod:

• Holders of 9(c) visas;

• Medical repatriation and their escort/s duly endorsed by the DFA-OUMWA or OWWA;

• Distressed ROFs duly endorsed by DFA-OUMWA; at

• Emergency, humanitarian, and other analogous cases approved by the NTF-COVID-19.