National Museum, bukas na ulit

ni Lolet Abania | July 5, 2022

Muling binuksan sa publiko ang National Museum of the Philippines (NMP) ngayong Martes matapos ang pansamantalang pagsasara nito para sa inagurasyon ni Pangulong Ferdinand “Bongbong” Marcos Jr. noong Hunyo 30.

Mula Hunyo 6 hanggang Hulyo July 4, ang National Museum of Fine Arts sa Old Legislative Building, Padre Burgos Drive sa Manila ay isinara dahil sa ginanap na oath-taking ni Pangulong Marcos.

“The NMP Complex in Manila reopens today, July 5, 2022, after temporarily closing to the public for the inauguration of President Ferdinand Romualdez Marcos, Jr.,” batay sa pahayag ng pamunuan ng museum sa Twitter.

“Visit us from 9:00 am to 6:00 pm. No need for reservations, ADMISSION IS FREE!,” dagdag pa nila.

Ayon sa NMP, ang lugar ay pansamantalang isinara sa publiko upang magbigay-daan sa espesyal na paghahanda at arrangements na pangungunahan ng inauguration committee.

Bukod sa National Museum of Fine Arts, ang NMP Complex ay mayroon ding National Museum of Anthropology at ang National Museum of Natural History.

Road closures at alternatibong ruta sa Maynila para sa inagurasyon ni Marcos

ni Lolet Abania | June 27, 2022

Sinimulan na ng mga awtoridad ang pagpapatupad ng road closures nitong Linggo ng gabi bilang bahagi ng security measures para sa June 30 inauguration ni President-elect Ferdinand “Bongbong” Marcos Jr.

Sa ulat ngayong Lunes, alas-11:00 ng Linggo ng gabi, Hunyo 26, inumpisahan nang isara ang mga sumusunod na kalsada sa paligid ng National Museum sa Maynila sa mga motorista:

• Padre Burgos Avenue

• Finance Road

• Maria Orosa St. mula TM Kalaw hanggang Padre Burgos General Luna St., mula Padre Burgos-Muralla St.

Sarado ang mga nabanggit na kalsada sa trapiko hanggang alas-11:00 ng gabi ng Hunyo 30, ang nakatakdang araw ng panunumpa ni Marcos bilang ika-17 pangulo ng Pilipinas sa National Museum.

Ang mga sumusunod na kalsada sa Maynila na isasara mula alas-4:00 ng madaling-araw hanggang alas-11:00 ng gabi sa Hunyo 30:

• Ayala Boulevard

• Victoria Street mula Taft Avenue hanggang Muralla Street

Ayon sa Metropolitan Manila Development Authority (MMDA), ang mga apektadong motorista ay maaaring dumaan sa mga sumusunod na ruta:

Mula Roxas Boulevard northbound:

• Turn right sa UN Avenue o TM Kalaw Avenue

• Turn left sa Taft Avenue

Mula Roxas Boulevard eastbound:

• Left sa TM Kalaw o UN Avenue

• Right sa Taft Avenue

Ang mga sumusunod na kalsada naman na malapit sa Malacañang at sa Philippine International Convention Center (PICC) sa Pasay City ay isasara rin sa mga motorista sa sumusunod na mga petsa:

• Mendiola Street: Hunyo 29, 12:01AM, hanggang Hunyo 30, 11PM

• Jalandoni St., PICC, Pasay City: Hunyo 30, 4AM-11PM

• Legarda Street mula San Rafael hanggang Figueras St., Manila: Hunyo 30, 1-11PM

Ayon sa MMDA, magde-deploy sila ng 2,000 personnel upang magmando sa trapiko sa Hunyo 30.

Bukod sa mga MMDA traffic enforcers, ang mga personnel mula sa Manila Police District (MPD), National Capital Region Police Office (NCRPO), City Government ng Manila, at ang Presidential Security Group (PSG) ay itatalaga rin sa parehong araw upang tiyakin ang security, peace, and order sa nasabing okasyon.

Samantala, ang National Museum ay sarado sa publiko hanggang Hulyo 5.

Ayon naman sa NCRPO, ipinagbabawal ang pagpapalipad ng drones mula sa loob ng one-kilometer radius ng National Museum.

Oathtaking ni P-BBM, isasagawa sa National Museum sa Hunyo 30

ni Lolet Abania | June 2, 2022

Nakatakdang isagawa ang oathtaking ni President-elect Ferdinand “Bongbong” Marcos Jr. sa National Museum of the Philippines sa Maynila sa Hunyo 30.

Si Marcos, na nanalo sa katatapos na eleksyon na nakakuha ng mahigit sa 31 milyong boto, ay manunumpa bilang ika-17th presidente ng Pilipinas.

Ayon kay Presidential Management Staff (PMS) Secretary-designate Zenaida Angping, ininspeksyon na ng mga miyembro ng inaugural committee ang lugar at isa itong anila, “suitable venue.”

“The National Museum of Philippines building and its surrounding areas match our requirements for President-elect Marcos' inauguration,” ani Angping sa isang statement.

“Preparations are already in full swing to ensure that it will be ready by then,” dagdag ni Angping.

Ang National Museum of the Philippines, dating kilala bilang Old Legislative Building, ay nagsilbi ring venue para sa inagurasyon ng dating mga Pangulong Manuel Quezon, Jose Laurel, at Manuel Roxas.

Una nang kinonsidera sa Quirino Grandstand sa Maynila, ang venue para sa oathtaking ni P-BBM, subalit ayon sa kapatid niyang si Senadora Imee Marcos, mayroong mga concern na kailangang tingnan sa buong paligid nito dahil may quarantine at isolation facility para sa mga COVID-19 patients ang naka-set up pa sa lugar.

Sinabi rin ni Angping, nabatid ng ocular inspection team ng committee na nananatiling maraming COVID-19 field hospitals sa lugar.

“The safety and welfare of our people are paramount. As such, we chose to avoid disrupting the medical care being given to the COVID-19 patients housed there. That’s why we opted for the National Museum as the venue,” sabi pa niya.